عشق طفله

البارت(18) عشق_طفله الكاتب#احمد

#عشق_طفلة
بقلم #احمد
البارت_18
.
.
ليندا: دخل عمي وشفت الي بأيدو .. انصدمت صرت ابكي واضحك بنفس الوقت .. دموعي صارو شلال .. رجليني ماعاد يحملوني .. وقعت عالارض وعيوني مركزة على عمي والي بايدو .. واضحك وابكي
.
.
تجمعو علي النسوان والبنات .. صرخت باعلى صوتي وفقدت الوعي
.
.
دخل عمي خليل وبايدو حلا .. اواعيها كلون دم وميتة .. من شفتها عقلي ما تحمل الموقف .. مرة اضحك ومرة ابكي من صعوبة الموقف .. وفقدت الوعي
.
.
فقت لقيت عمتي فادية .. تغسل وجهي وتبكي .. قمت ركض وطلعت عند سيارة عمي
.
.
شفت ابي وامي واحمد ميتين .. قالبة فيون  السيارة وميتين
.
.
فتحت الباب .. وبحكي مع بابا وماما ومابيردو علي
.
.
ليندا: بابا مو انت بتحبني .. فيق مشان الله .. ماما انتي مو اجيتي معي عالهند وماتركتيني لحالي .. ليش تركتيني فيقي وضلي معي .. مابتحمل بدونكون لحالي .. مابقدر عيش بدونكون .. فيقو بوس اديكون
.
.
رحت على احمد .. قلتلو احمد انت مو بتحبني وتمزح معي .. فيق وامزح معي .. وخلينا نستقبل محمد سوا .. بوس ايدك احمد فيق .. بوس ايدك
.
.
بحكي ودموعي متل الشلال .. وماسكة ايدو وبتوسل فيه يصحى
.
.
اجى عمي سحبني .. وانا ما بقبل اتركون .. والي موجودين كلون بيبكو .. سحبني وانا بعيط وبدي يتركني
.
.
اخدوني البنات عالبيت .. وانا بدي ارجع لعندون .. بدي ضل معون
.
.
اخد حلا عمي .. حطها بالسيارة .. صرخت على عمي .. وبتوسل فيه ما ياخدون .. شافني واقفة قدام باب الصالة وبتوسل فيه .. حط ايدو عالسيارة .. وحط راسو على ايدو وبيبكي
.
.
راكان واركان وابو دلال واقفين على جهة .. وبيبكو على الموقف
.
.
انا حالتي تبكي حتى العدو .. البنات بدون يفوتوني .. وانا بعيط لبابا وماما .. ومابدي فوت
.
.
هديل قاعدة بالارض وتبكي على احمد .. وحالتها بتبكي .. بعد طول انتظار راح حبيبها وخطيبها .. انا جن جنوني .. ظليت اصرخ .. لحتى فقدت الوعي مرة تانية
.
.
حملوني عالغرفة .. اجو ناس من العشيرة لما سمعو بوفاة بابا وعيلتو .. اخدوهم عالنجف .. وراح معون ابو دلال وولادو
.
.
هديل بعد ما فقدت الوعي .. هي كمان مو متحملة وفاقدة الوعي
.
.
دخلونا انا وهديل حطوني بغرفة .. وهديل بغرفة .. اجو نسوان من العشيرة اول ما سمعو
.
.
نزلو وتركونا نرتاح بغرفنا انا وهديل
.
.
بعدها بساعة فقت مرعوبة .. ومنظر حلا ماعم يفارق عيوني .. نزلت ركض وانتبهو علي قبل ما اطلع .. مسكتني نور مشان ما اطلع
.
.
بتوسل فيها وانا ببكي .. مشان تتركني .. هي تبكي معي وتمنعني من الطلعة
.
.
نور: ليندا راحو .. راحو ادعيلهم
ليندا: بوس ايدك نور تركيني روح لعندون .. اكيد حلا مشتاقتلي وبدها العب معها
.
.
نور: ليندا حلا ماتت .. ماتت دخلي جوا ياروحي
ليندا: لا حلا ما ماتت .. تركيني مشان الله
.
.
احكي معها .. ونبكي مع بعض
.
.
نور: خلص ماتو .. ماتو وبعد مايرجعون
.
.
ليندا: كلمة الموت .. متل سكين حار .. وعم يفوت بقلبي وبيكويه .. قعدت عند باب الصالة .. وحطيت راسي بين رجليني وابكي
.
.
وبقلبي بقول ياريتني رحت معون .. وما شفتون ميتين
.
.
النسوان حتى الي ماكانت تبكي .. لما شافتني هيك نزلو دموعها .. والوضع الي كنت فيه .. لو بشوف اكتر عدو بكرهو بحياتي بمتل وضعي .. رح ابكي عليه
.
.
ببكي واللحظات الي قضيتها مع احمد وبابا وحلا وماما .. متل شريط عم ينعاد قدامي
.
.
بتزكر احمد .. وحلا كيف تطلع لسانها .. لما كانت بالسيارة .. بدي محمد يرجع يسندني .. لان مابقي عندي قوة .. كل قوتي تبخرت
.
.
جسمي بيرجف .. بدي اوقف مابقدر .. بحس جسمي صار تقيل .. اجت دلال .. حطت راسي بحضنها وتبكي معي .. انا اكتفيت بالبكي بصمت
.
.
رفعوني دلال ونور .. واخدوني على الغرفة .. وحطوني عالفراش ونزلو .. دموعي يطلعو من عيوني متل الجمر .. وبحس اختنقت من البكي
.
.
سندت نفسي .. وقمت قعدت عالفراش .. وكملت بكي
.
.
نور نزلت هي ودلال .. يعملو شاي للنسوان .. باعتبار بداية عزا .. عمي اخد اهلي عالدفنة .. وبيطول ليرجع .. محمد من طلع لحلب .. مابعرف شو صار عنو
.
.
فهد مافي عنو اي اخبار
.
.
موت ابي .. وغياب فهد ومحمد .. كان كفيل بان عشيرتنا تدمر
.
.
فهد كان دائما يقول .. لو خيروني .. بأعطاء حكم العشيرة .. بين احمد ومحمد .. بعطيه لمحمد .. لان احمد طالع على عمي خليل .. ومحمد على بابا
.
.
عمي خليل ماكان قوي متل بابا .. من هو صغير مابيدافع عن حقو .. الا بابا بياخدلو حقو .. ولهذا السبب .. جدي قرر يحط ابي شيخ للعشيرة
.
.
بالبداية كنت مفكرة .. لان بابا اكبر من عمو خليل .. بس بالاخير اكتشفت .. ان عمو خليل ضعيف شخصية
.
.
بس رغم ضعيف شخصية .. بس الشي المنيح فيه .. انو فارض شخصيتو قدام ولادو وزوجتو .. ومابيمشي ورا حكي النسوان
.
.
بوفاة اهلي تمنيت يكون موجود فهد او محمد .. لان بس هدول التنين .. يمكن يقدرو يخففو الالم الي حاسة فيه .. بس لسوء حظي .. التنين بمكانين خطرين
.
.
رجعت تسطحت ونمت .. ودموعي بخدي .. وانا نايمة شفت حلم .. اني واقفة واهلي قدامي .. بمسافة بعيدة عني
.
.
ركضت بدي اوصلهم .. وصوت بابا بيقلي لا تجي .. ما اجى وقتك .. وانا بركض وببكي .. وبقول مابدي ابقى لحالي
.
.
وصلت عندون واختفو .. تلفتت يمين ويسار مافي حدا .. نزلت راسي بيأس . وصرخت باعلى صوتي بابااااااا
.
.
فقت لقيت نور ودلال جنبي .. والدنيا فجر .. فقت مرعوبة .. شفت نور عم تبكي .. ونزلو دموعي معها
.
.
حطت راسي بحظنها .. وتمسح على شعري .. وتقلي ادعيلهم بالرحمة .. وكلنا على هالطريق
.
.
نور: تذكري ان كل شخص .. مكتوبلو عمر قبل ما ينولد ب 50 الف سنة .. وعمرو ما يزيد .. ولا ينقص مهما سوينا
.
.
يعيش عمرو .. وبعدها ينتقل لرحمة ربو .. وادعي لله تلتقين بيهم بالجنة
.
.
هذا الرسول عليه الصلاة والسلام .. توفى وهو رسول .. فشلون البشر العادي .. لهذا استغفري الله .. وادعيلهم بالرحمة والمغفرة
.
.
ليندا: لما حكت معي هيك ارتحت شوي وهديت .. وحسيت حالي بحظن .. كلو امان وحنان
.
.
رجعت غفيت بحظنها .. رجعت راسي عالمخدة .. ورجعت نامت .. فقت الصبح جايبين خيمة .. حاطينها قدام البيت والناس متجمعة
.
.
نسوان واطفال ورجال .. ناس تبكي وناس تشتغل .. وناس تحكي وناس ساكتة
.
.
انا نزلت ودخلت عالمطبخ .. وانا ساكتة .. شفت نظرات الشفقة تلاحقني .. من اول ما نزلت
.
.
نور: ها للوش .. جوعانة احطلج ريوك
ليندا: لا مابدي
نور: اكلي بس شوي .. مايصير تبقين بدون اكل
.
.
ليندا: قلتلك مابدي
نور: ماشي على راحتج
.
.
قعدت بالمطبخ .. حطيت ايدي عالطاولة .. وحطيت راسي على ايدي .. وبفكر بمحمد ازا عرف شو راح يعمل .. وفهد ازا عرف شو راح يعمل
.
.
رجعو بابا وماما واحمد وحلا على تفكيري .. رجعو نزلو دموعي .. وبحس عيوني عم تحترق بدموعي .. الي عم تنزل
.
.
اجت دلال .. قعدت عندي وتواسيني .. قاعدة واجى عمي .. بدو يغير اواعيه كلها دم .. ومن رجع من الدفنة ما دخل عالبيت
.
.
سمعت صوتو .. اول ما فات عالبيت .. رفعت راسي وطلعت من المطبخ .. شفتو دخل عالبيت .. منزل راسو ومهموم
.
.
قلتلو دفنتهم .. رفع راسو ونزلو دموعو
.
.
خليل: الله يرحمهم
.
.
ليندا: ليش دفنتهم .. مابتعرف ان حلا متعلقة فيني .. مابتعرف ان ماما بدها تكون معي .. ليش دفنت بابا الي كان بيحبك .. دفنتو بكل سهولة
.
.
صحيح الحكي الي حكيتو .. كان مؤلم بالنسبة لعمي .. بس بسبب حرقة قلبي .. بحكي بدون تفكير
.
.
بس بدي قلبي يرتاح شوي من الهم الي فيه .. عمي ما تحمل تركني احكي وصعد فوق .. على غرفتو لحتى يبدل
.
.
حطيت راسي عالحيط .. وبضرب بايدي عالحيط وببكي .. اجت دلال بدها تاخدني عالغرفة .. لان كل ما بشوف حدا يبكي مابتحمل
.
.
التفتت عليها وقلتلها .. تركيني
.
.
دلال: لخاطري ياروحي .. خليني اخذج لغرفتج
ليندا: صرخت عليها وقلتلها .. تركينييي
دلال: خلص .. بس المهم لا تضوجين
.
.
ليندا: ضليت واقفة على وقفتي .. اجى عمي نزل .. اخد راسي لصدرو .. ويمسح على شعري .. للحظة حسيتو ابي .. ضميتو بقوة ومابدي اتركو
.
.
خليل: استهدي بالله بنيتي .. الي صار قدر مكتوب .. ولازم يتحقق بيوم من الايام
.
.
خلي ايمانج بالله قوي .. وادعيلهم بالرحمة والمغفرة .. روحي هسا توضي .. وافرشي سجادتج .. وصلي ركعتين لوجه الله .. وادعيلهم على السجادة .. ان الله يجمعج بيهم بالجنة
.
.
ليندا: رفعت راسي منو .. وشهقاتي عالية بسبب البكي .. نزلت اديني منو وراح
.
.
صعدت فوق .. دخلت عالحمام وتوضيت .. ورحت عالغرفة فرشت السجادة .. وبلشت صلاة .. سجدت ورجعت انفجرت بالبكي .. وبدعي لربي يقويني ويصبرني .. على هالمصيبة
.
.
خلصت صلاة .. ونزلت تحت على دلال
.
.
ليندا: دلال تيلفونك معك
دلال: اي وياي تريديه
ليندا: لا .. اتصلي بحدا من اخواتك .. يجي ياخدنا انا وانتي على بيتنا
.
.
دلال: شتريدين من البيت
ليندا: بدي جيب اواعي الي
دلال: يلا هسا .. بس اودي الجاي للنسوان
ليندا: ماشي
.
.
اخدت الشاي وراحت عالصالة .. شفتها حكت مع عمتي ام فهد .. وكملت توزيع الشاي ورجعت
.
.
اتصلت براكان .. شوي وقالت امشي .. رحنا في باب مشترك .. بين بيتنا وبيت عمي .. فتحناه مشان نروح ونرجع براحتنا . بس خليتها تتصل براكان .. مشان ازا في حدا من الرجال موجود
.
.
وصلنا راكان للباب ورجع .. اول ما دخلت من الباب ركضت عالبيت
.
.
فتحت باب الصالة ودخلت داخل .. اجى منظر قعدتنا .. اول ما سكنا بالبيت .. لما قعدنا بالليل نحكي مع بعض
.
.
صعدت على غرفة بابا وماما .. فتحت الخزانة وطلعت اواعي بابا وماما .. وضميتهم لصدري وببكي عليهون
.
.
دلال وقفت بباب الغرفة وما تدخلت .. ماسكة الاواعي وبعاتب بابا وماما .. لانهم تركوني لحالي
.
.
قمت على حيلي والاواعي بايدي .. وطلعت من غرفة بابا وماما .. ورحت على غرفة احمد
.
.
فتحت الخزانة .. وطلعت اواعيه .. وبشم عطرون وببكي
.
.
اليومين هدول .. ماتألمت متلون بحياتي .. وكنت مفكرة مارح اتألم متلون
.
.
فراق اهلي كلون .. مرة وحدة .. حطم كياني .. كنت لما بفكر بالعرس .. بفكر بفرحة بابا وماما .. كنت بفكر بفرحة محمد واحمد .. لما يتزوجو نور وهديل
.
.
هي اول 5 فرحات بعرسي اختفت .. والي هي ماما وحلا وبابا واحمد وهديل
.
.
هديل حابسة حالها بالغرفة .. ومابتطلع ولا تفتح الباب لحدا
.
.
طلعت امشي بالبيت .. وكل مكان الو ذكرى خاصة .. هون اكلنا وهون لعبنا .. وهون حكينا .. وقفت قدام مراية عند الحمام .. كنت دائما بوقف قدامها .. لما بمشط شعري
.
.
ضربتها بكل قوتي .. ودخل الزجاج بأيدي .. بس الوجع الي بقلبي .. اقوى من وجع ايدي .. اجت دلال تركض شافت ايدي عم تنزف .. طلعت تيلفونها واتصلت براكان
.
.
فلتت ايدي منها .. ورجعت امشي بالبيت وايدي تنزف .. وبسبب النزيف وقلة الاكل فقدت الوعي
.
.
راكان حكى لعمي .. اجى عمي اخدني انا ودلال عالمشفى .. طالعو الزجاج من ايدي .. وخيطولياها وضمدوها
.
.
حطولي بطل دم لان نزفت كتير .. فقت بالمشفى وحسيت بوجع ايدي .. بس مابقدر افتح عيوني
.
.
ليندا: بابا
دلال: للوش حبيبتي
ليندا: وين بابا
.
.
دلال: اني دلال عندج .. وماراح اتركج يا روحي كومي
ليندا: ايدي عم توجعني
.
.
دخل الدكتور
.
.
دلال: دكتور ايدها دا توجعها
.
.
عمي وصلنا ولما خيطو ايدي .. رجع وقال لدلال رح يبعت راكان .. وبس اصحى يرجعنا عالبيت
.
.
دخل الدكتور عطاني ابرة مسكن .. ورجعت نمت .. ورا ساعة فقت لقيت دلال عندي
.
.
ساعدتني وقمت .. طلعنا لقينا راكان قاعد على كرسي بالممر .. قام طلع معنا .. سجلنا خروج وركبنا بالسيارة ورجعنا عالبيت
.
.
نور كان مشغول بالها علي .. لما رجعت شافت ايدي .. اجت تسأل .. دلال قالت خليني اخدها عالغرفة .. وارجع احكيلك
.
.
صعدنا عالغرفة .. اواعيي كلون دم من ايدي .. طلعتلي اواعي دلال .. وبدها تساعدني .. قلتلها انا ابدل لحالي
.
.
تركتني ونزلت .. غيرت اواعيي وتسطحت بفراشي .. واثر المسكن ما راح .. فغفيت بسببو
.
.
بعد ما غفيت .. نزلت دلال وحكت لنور .. عالي صار .. انا استسلمت للامر الواقع .. واقتنعت ان اهلي ماعاد يرجعو
.
.
فقت المسا اجت دلال جايبتلي اكل .. ما شتهيت اكل وجبرتني .. اكلت شوي وقلتلها ماعاد بدي
.
.
حاولت معي وما كملت .. نزلت الاكل ونزلت معها .. البيت فيه نسوان بس قليل .. اول ما نزلت .. عمتي فادية قالتلي تعي عندي
.
.
رحت عندها .. اخدت راسي لصدرها .. وتمسح عليه وتواسيني
.
.
لما كانت تحكي معي .. ما بكيت حسيت في امان بحظنها .. متل الامان الي بحظن فهد .. لما رجع قبل فترة .. واخدني لحظنو
.
.
ضلت تمسح على راسي .. وتقرا قران .. حسيت براحة نفسية كبيرة .. وهي تقرا قران
.
.
حسيت نفسي هديت وخف الوجع .. واستمتعت وهي تقرا على راسي قران
.
.
راحو النسوان .. واجو البنات عالصالة .. رفعت راسي من حظن عمتي
.
.
فادية: لا تاكلين هم .. اني وعمج موجودين .. وما نخليج تحتاجين بشر .. وكلها فترة ويرجعون محمد وفهد .. وتفرحين برجعتهم
.
.
يلا كومي نامي وارتاحي .. وخلي ايمانج بالله قوي .. وهذا قدرهم وما نكدر نغير القدر
.
.
ليندا: الحمدلله الذي لا يحمد على مكروه سواه
فادية: عفية بنيتي .. ولا تبقين تبجين .. البجي يعذب الميت .. انتي تريدين تعذبين اهلج ؟
.
.
ليندا: لا
فادية: لعد لا تبجين .. ومن تحسين تريدين تبجين .. استغفري الله وادعيلهم بالرحمة
.
.
ليندا: ماشي
فادية: يلا كومن نامن .. باجر عدنا كعدة من الصبح
.
.
ليندا: قمنا كل واحد على غرفتو .. دلال امها خلتها تنام عندي .. مشان ازا احتجت شي .. تساعدني هي ونور
.
.
صعدت عالغرفة .. حطيت راسي عالمخدة .. وبقرا قران بيني وبين نفسي .. شوي ونمت
.
.
فقت تاني يوم الكل نايمين .. نزلت تحت مافي حدا .. طلعت بارض ديار (الحوش) .. هوا الصبح منعش
.
.
التفتت على بيتنا .. شفت الباب المشترك مفتوح .. رحت دخلت على بيتنا .. لقيت باب الصالة مقفول
.
.
رجعت على بيت عمي .. قعدت بالحديقة .. بدي امسك دموعي ما قدرت .. نزلو غصب عني .. بستغفر الله وادعيلهم ودموعي تنزل
.
.
دلال نزلت مرعوبة .. طلعت شافتني بالحديقة .. تنهدت واجت عندي
.
.
دلال: كافي ياروحي .. ذبحتي روحج بالبجي
ليندا: هدول اهلي دلال .. ومو واحد 4 كلون مرة وحدة تركوني لحالي
دلال: لعد اني وعمامج وين رحنا
.
.
ليندا: سكتت واكتفيت بالبكي .. اجت دلال سندتني ودخلنا عالمطبخ .. قعدت عالكرسي .. ودلال حطت الشاي عالنار .. وحظرت فطور النا .. شوي واجت عمتي فادية
.
.
فادية: صباح الخير
ليندا ودلال: صباح النور
فادية: شلون صرتي بنيتي
.
.
ليندا: منيحة
فادية: قوي نفسج لا تضعفين .. الرسول (عليه الصلاة والسلام) يكول {اذا احب الله عبدا ابتلاه} هذا كلو ابتلاء من رب العالمين .. علمود يختبر صبرج وايمانج
.
.
ليندا: بس اختبارو صعب كتير
فادية: شوفي .. رب العالمين ما يختبر احد .. الا يكون عالم ان هذا الشخص .. يكدر يتحمل اختبارو .. بس لازم يصبر
.
.
دلال: يلا تريكن
فادية: اني تريكت اكلن انتن
ليندا: مابدي مو مشتهية
.
.
فادية: للوش حبيبتي .. ترا بافعالج هاي دا تعذبين اهلج
ليندا: والله مو مشتهية
فادية: اجبري نفسج واكلي .. وبس يخلصون الناس .. ناخذج تزورين قبورهم
.
.
ليندا: جبرت نفسي .. واكلت شوي وخلصت .. اجو منال ونوال ونزلو نور وهديل وعمتي ام فهد
.
.
بلشو النسوان يتجمعو .. والبنات كل وحدة عليها شغلة .. انا وهديل مقدرين ضرفنا .. ما خلونا نشتغل شي
.
.
فطرت هديل وقعدت .. بس ماتحكي مع حدا .. ساكتة طول الوقت .. بيحكو معها البنات .. وما تجاوب على حدا
.
.
خبر وفاة بابا وعيلتو .. انتشر بسرعة وانتشر انتشار فضيع .. الناس كلها سمعت فيه .. صارو يجو من غير محافظات .. يعزو عمي خليل بوفاة بابا
.
.
خوالي قررو يجو .. لما اتزكر اهلي ببكي عليهم .. وبرجع استغفر ربي وادعيلهم بالرحمة
.
.
عمي وصى علينا .. ما نلبس اسود .. لان حرام
.
.
بدل اللون الاسود .. نلبس الوان هادئة
.
.
عمي قرر اسكن عندو .. لبين ما يرجعو محمد وفهد .. ويقررو شو رح يعملو
.
.
محمد من راح على عمي .. ما سمعنا عنو اخبار .. وتيلفون عمي خارج التغطية .. وفهد كمان .. مافي اي اخبار عنو لا هو ولا ماجد
.
.
وقت الغدا كمان جبرونا انا وهديل ناكل .. اكلنا وصعدنا عالغرف
.
.
قعدت اتذكر احداث حياتي مع اهلي .. كيف انقلبت 360 درجة .. كنا بسوريا واجينا عالعراق
.
.
احترق وجهي .. وقضيت اكتر من سنة بالهند .. انخطبت لشب عراقي .. وحاليا هو بالحرب .. ومحمد مابعرف شو صار عنو .. تعبت من البكي تسطحت وغفيت
.
.
النوم كان مهربي الوحيد .. من الواقع الي انا فيه .. هو الوحيد الي ينشف دموعي .. وما بيخليني ابكي
.
.
غفيت ما فقت للمسا .. فقت ونزلت تحت عالمطبخ
.
.
نور: للوش خوالج اجو
ليندا: وينون
نور: بالطريق بعد شوية يوصلون
.
.
ليندا: عنجد
نور: اي والله
.
.
ليندا: طلعت خارج الصالة .. وكل ما شوف سيارة بقول وصلو .. واطلع غلطانة .. اجت دلال وقفت معي .. بعد نص ساعة اجت سيارة تكسي .. وقفت قدام الباب
.
.
اجى عمي عالسيارة .. مابعرف شو حكى .. فتح الباب ودخل خالي علي .. نزلو دموعي وركضت عليه
.
.
فتح حظنو الي .. ضميتو بكل قوتي .. نزلو دموعو مع دموعي
.
.
علي: يا روح خالك انتي
ليندا: خالو راحو وتركوني
علي: لا تهتمي حبيبتي .. انا هون
.
.
ليندا: حسام وامو وزوجتو ورا خالي .. ويبكو على منظري .. لما ركضت على خالي
.
.
كنت كتير مشتاقتلو .. ولما حظنتو لقيت فيه عطر امي
.
.
اووووف فراق الام شقد صعب ومؤلم .. رفع راسي خالي وباسني من راسي .. بعدت عنو واجت مرتو ظمتني وعزتني .. واجو حسام وزوجتو عزوني
.
.
طلعو حسام وخالي .. وزوجة خالي وزوجة حسام دخلو داخل
.
.
منار الي هي زوجة حسام .. تلبس بنطلونات .. لهيك الكل تعجب من اواعيها
.
.
دخلتها داخل .. اتصلت على عمي .. وقلتلو بدي مفتاح البيت .. مشان اخد اواعي لمنار .. قال اطلعيلي عند باب الصالة .. رحت اخدت المفتاح منو .. ووصلني انا ومنار للباب المشترك وراح
.
.
دخلنا داخل البيت انا ومنار .. اخدتها على غرفتي .. فتحت الخزانة وقلتلها الي بيعجبك خديه .. اعترضت وقالت بس بدي شي اللبسو هون
.
.
لان النسوان اكلوني بعيونهن .. كاني نازلة من القمر .. اخدت اواعي بيت منيحات .. ولفيتلها الشال واخدتها معي
.
.
قفلنا البيت .. ورجعنا على بيت عمي .. عرفت انها حبلة واكتشفت هالشي قبل فترة .. وما حكتلي لما كنت اتصل عليها
.
.
اخدتها على غرفتي الي ببيت عمي .. جبتلها عشى تعشت ونامت
.
.
عمتي فادية شافتني تحسنت لما اجو خوالي .. ارتاحت كتير لان اكلت همي
.
.
مرت خالي قاعدة مع عمتي هناء (ام فهد) وعمتي فادية .. نزلت ودخلت عالمطبخ .. صارت الساعة 10:30 خلصو الناس
.
.
زوجة خالي نامت هي ومنار معي بالغرفة .. دلال نامت عند اهلها .. وتجي بكرة الصبح .. ونور نامت مع هديل
.
.
راحت عمتي فادية وبناتها لبيتها .. وحسام وعمي وخالي نامو بالمضيف
.
.
جدي وجدتي (ابو امي وامها) ماقدرو يجو مع خالي .. لان السفر طويل وبيتعبو
.
.
فقت تاني يوم .. شوي نفسيتي احسن .. نزلت لقيت نور فايقة .. وعم تعمل فطور
.
.
ليندا: صباح الخير
نور: صباح الخيرات .. هلا حبيبتي .. شلون صرتي
ليندا: (بيأس) الحمدلله
.
.
نور: الله يصبرج يا روحي .. الباب دا يندك .. يمكن اجت دلال او عمتي
ليندا: خليكي انا بفتح
.
.
رحت فتحتو دخلت دلال .. سلمت علي ودخلت معي
.
.
تركت الباب مفتوح .. شوي واجت عمتي وبناتها .. فاقو العيلة كلون واحد واحد
.
.
فطرنا وخلصنا .. اجو ناس بس مو كتير .. انا وهديل اشتغلنا مع البنات .. منار لما عرفو انها حبلة .. ما خلوها تشتغل .. وتعبت بالطريق كمان
.
.
الظهر اجى الغدا .. لان الطبخ عند الرجال .. جابو للنسوان دخلناه .. واخدنا 3 صحون عالمطبخ للبنات .. تجمعنا انا ونور وهديل ومنال ونوال ومنار ودلال
.
.
منار ما اكلت بالبداية .. لان متلي قبل .. ما بتحب الدسم .. جبرناها وخليناها تاكل لحتى شبعت
.
.
انا جسمي متحسن وسمنانة .. سألتني قلتلها باكل كلشي .. دسم ولا لا وسمنت .. بس ازا شفت بلش يطلعلي كرش .. بعمل رجيم وبحافظ على جسمي هيك
.
.
خوالي تاني يوم راحو .. كنت متمنية يتأخرو .. بس مابيقدرو .. لان جدي وجدتي .. لحالون بالبيت هنيك
.
.
خالي طلب من عمي . ياخدني فترة ارتاح عندون .. بس عمي اعتزر منو .. وقلو ليندا تبقى عندي .. لحد ما يرجع اخوها .. ويقرر مصيرها .. او يرجع ابني ويتزوجها .. وما قدر ياخدني معو
.
.
الناس شوي شوي بلشت تقل .. باليوم الرابع رجعو الخيمة لصاحبها .. والي يجي يستقبلوه بالمضيف
.
.
اليوم السابع .. صارو الناس قليلين كتير .. قرر عمي تاني يوم ياخدني .. مشان زور قبور اهلي .. وبنفس الوقت نزور قبر جدي وقبر جدتي
.
.
تاني يوم لبست جبة وشال .. ورحنا انا وعمي وعمتي فادية .. وصلنا النجف الساعة 1 .. نزلنا وكملنا مشي
.
.
انا سنية .. يعني مابعرف بشغلة الزيارة وغيرو .. عمي قرر ياخدني على قبر بابا وماما .. ويروح يزور الامام ويرجعلي
.
.
وصلنا المقبرة .. شفتها كبيرة كتير .. يمكن اكبر مقبرة شفتها بحياتي .. دخلنا داخلها .. ومشينا بطريق داخل المقبرة
.
.
وصلنا عند 6 قبور .. وقف عندون عمي .. وبلش يقرا الفاتحة .. قريت معو وماقدرت سيطر على دموعي .. خلصنا الفاتحة والتفتلي
.
.
خليل: شوفي بوية .. اني رايح ويا عمتج فادية .. نزور الامام ونرجع .. انتي ابقي هنا .. لا تروحين لمكان وتشغلين بالنا .. ماشي بنيتي
.
.
ليندا: ماشي
خليل: عفية بنيتي .. يلا فادية
.
.
ليندا: باس راسي وراحو .. رجعت التفتت لقبر بابا وماما .. قعديت عند راسون .. وببكي وبعاتبون .. لان تركوني لحالي
.
.
ليندا: بابا انت دائما تقول عقلي صغير .. كيف بدي عيش لحالي .. لما بحتاج شي من مين بدي اطلب .. ازا سألني محمد عنكون .. شو بدي جاوبو .. ازا قلي وين بابا .. شو بدي جاوب
.
.
احكي معون وابكي .. بابا فراقكون صعب كتير .. ليش تفارقوني .. والله مابتحمل غيابكون .. ليش كلكون تركتوني مرة وحدة .. مو انا بنتكون .. ليش تخلوني مكسورة جناح بدونكون
.
.
قمت وقعدت بين راس احمد وحلا
.
.
حلا انتي مو كنتي تمزحي معي .. ليش تركتيني لحالي .. ارجعي وامزحي معي .. مشان نتسلى مع بعض .. احمد انت ارجع خفف علي غياب بابا وماما وحلا .. انا مكسورة يا سندي .. مكسورة ومحدا يسندني
.
.
حتى محمد مو معي بهالمحنة .. ارجعلي واسندني ياسندي .. شهقاتي صارت عالية .. حطيت راسي بين رجليني وابكي
.
.
اجت حرمة متوسطة بالعمر
.
.
الحرمة: بنيتي انتي لحالج هنا
ليندا: لا رد
.
.
اجت رفعت راسي
.
.
الحرمة: بنيتي اذا انتي لحالج هنا .. امشي وياي عالبيت .. علمود افتهم سالفتج .. واكدر اساعدج
ليندا: لا خالة مو لحالي .. عمو عم يزور هو وعمتي .. شوي ويجي
.
.
الحرمة: يمة لهجتج سورية
ليندا: اي انا من سوريا .. قلت هيك وتزكرت ايامنا بسوريا .. وزادت شهقاتي
.
.
الحرمة: بسم الله عليج .. شعندج هنا
ليندا: عندي اخي واختي وبابا وماما
الحرمة: وينهم
ليندا: هدول .. واشرت عالقبور
.
.
التفتت الحرمة ونزلت راسها ونزلو دموعها
.
.
الحرمة: الله يصبرج بنيتي
.
.
سحبت راسي لحضنها وتواسيني .. انفجرت بالبكي بحظنها .. وهي تمسح على شعري .. شوي واجو عمي وعمتي
.
.
خليل: السلام عليكم
الحرمة: عليكم السلام .. هلا خوية
خليل: منو حضرتج
.
.
الحرمة: خوية اجيت ازور قبر والدي .. وشفت البنت لحالها هنا .. عبالي ماعدها احد .. وحبيت اساعدها
.
.
خليل: لا خيتي تسلمين .. اني وياها بس جنت ازور اني واختي .. وخليناها تزور قبور اهلها
الحرمة: زيارة مقبولة خوية .. والله يديمكم الها .. ويعينها على مصابها
.
.
خليل: تسلمين .. يلا للوش خلينا نروح بنيتي .. تأخر الوقت
.
.
ليندا: قمت من عندها .. وتشكرتها لانها اهتمت لامري .. ورحت مع عمي وعمتي .. ركبنا السيارة .. ورجعنا عالبيت
.
........يتبع
(4 اشخاص يوم واحد حادث واحد مكان واحد بيت واحد مصير واحد صدمة واحدة
سقطو 6 من احباب البطلة جدها وجدتها وعيلتها عدا محمد)