عشق طفله

البارت(52)عشق_طفله الكاتب#احمد

لايك وتعليق للتشجيع ❤️❤️
#عشق_طفلة
بقلم #احمد
البارت_52
.
.
هناء: والله يا ليندا ما اعتقد امو تتركم تاخذون راحتكم ومحمد لهذا السبب بالذات يريد غضب يتركج
ليندا: الله كريم
.
.
هناء: انتي بعدج صغيرة وحرامات تتزوجين هيج زواجة وتتبهدلين انتي وزوجج من ورا امو
.
.
ليندا: والله ماعرف شجاوبج بس الله يقدم الي بيه الخير بس مستحيل اتزوج
هناء: آمين
.
.
غضب گعدت ثاني يوم محمد وحسن عندي
محمد: صح النوم
غضب: صح بدنك .. اگلك حسن ابتسام شو ماكو
.
.
حسن: من بقيت بالدوام راحت هي لاهلها وبقت هناك وما اعتقد وصلها خبر
غضب: خابرها وشوف اذا سامعة الخبر واذا ما تعرف لا تنطيها خبر
.
.
حسن: تمام
غضب: خابرها خارج
حسن: تمام عمي
.
.
غضب: وهذا حسن طلع
محمد: عاشت ايدك وهسا الولد ووياه ثنين موجودين عندي
غضب: شلون. وصلتلهم
.
.
محمد: المهم وصلتلهم مو شلون وتريد يتحاكمون لو لا
غضب: اكيد لا
محمد: براحتك هم موجودين ايمتى ما حبيت انطيني خبر
غضب: كفو منك وليندا
.
.
محمد: ليندا هسا الي يسألك گوللهم عفتها حتى هي ماعدها خبر
غضب: تمام
.
.
محمد: وامك قاطعها هالفترة واني مو قصة افرق بينكم بس خلي تعرف غلطها ومن تطلع منا تروح لبيتك ولا تخليها تشوفك ومن تتحسن گوللهم اريد اسافر البلد الي انهان بيه من اعز الناس على گلبي واخسر بيه شريكة حياتي ما الي بيه گعدة
.
.
غضب: امي واعرفها ماراح يفيد وياها هالحجي
محمد: ماعندك غير هالحل اني شفتها من شافت ليندا تريد تاكلها فاذا ما سويت هيج اني اگلك انسى ليندا
غضب: تمام
.
.
حسن: كملتو حجيكم لو لا
محمد: اي تعال
حسن: هسا فهمنا محمد شيخ وعندو اسرار انت غضب ما تكلي شعندك ترا هسا بايد وحدة امرعدك
.
.
غضب: محمد بالله عليك گوملو بدالي
حسن: شيخ محمد لعد ما حجيتلك
محمد: عن شنو
.
.
حسن: يخوي ومرة من المرات ونطلع اني وغضب وطول الطريق اني ارفع بضغطو تتذكرها غضب مو
غضب: هاي ايمتى
.
.
حسن: شنو ايمتى لا تسوي نفسك ما تتذكر تعرفها كلش زين
غضب: لا قسم بالله
حسن: استغفر الله هي مرة وحدة وكل مرة نذكرها
.
.
غضب: لك اقسم بالله ما اتذكرها
حسن: اي اي سوي نفسك ماتعرف بس يجي يوم واكلك ها عود ناسيها
.
.
غضب: محمد
محمد: عيوني
غضب: قسم بالله جذاب حجى هيج علمود تنسى من گلتلك گوملو
.
.
حسن: ههههههههههه قسم بالله جبتها
محمد: قسم بالله فر عقلي فر
غضب: ما گلتلي ابتسام تعرف
حسن: لا ما جابت طاري
غضب: اي خوش
.
.
محمد: الدكتور يگول باجر يگدر يطلع
غضب: وگفاتك وياي كثرت
محمد: حسن استلمو
حسن: شبيك اتت ما تعرف تحجي
.
.
غضب: لا يابة انسحب ولا عفية على وگفاتك بس خلي هذا يسكت
محمد: ههههههههه خوش عرفنا نقطة ضعفو
.
حجينا وتونسنا للمغرب راح محمد واني نعست ونمت
.
.
ليندا: بقيت للمغرب مالي واهس بكلشي اجى محمد سلم وسألني شلونج گلتلو .. بخير بس جذب ماعرف الخير هو سحب حسرة وصعد شوية ونزل مبدل تعشينا وطلع للمضيف وما حجى وياي ولا كلمة ما يريد يزعجني
.
.
غضب: گعدت الدنيا فجر وماكو احد شوية واجى حسن جايب گيمر وجاي
حسن: صح النوم
غضب: صح بدنك
.
.
حسن: لا تگوم ولا تتعدل لگمة ما تاكل جايبهن على حسابي مو حساب الخلفك
غضب: انعل اخو الخلفك
حسن: ههههههههه تعال تعال كسرت بگلبي
.
.
غضب: ساعدني وتعدلت واكو يمي كلينكس مرطب اخذت منو ومسحت اديني وگلتلو .. بس انطيني الجاي ما اريد شي بعد
حسن: اگلك صدك عدا الشقى خاف يضرك احنا لا سألنا الدكتور لا شي
.
.
غضب: دروح اذا ما شربت جاي روحي تطلع اتركنا من هالسوالف وانطيني
حسن: اخذ هاي
.
.
غضب: جايب جاي سفري ثنين انطاني وحدة واخذ وحدة وهو اكل اني ما مشتهي بس لان جنت بالبيت وبالدوام اشرب جاي فمتعود عليه كلش ومن شربتو احس  حتى مزاجي تعدل
.
.
بقيت گاعد واحجي ويا حسن واحسو تعبان بس مايقبل يروح الساعة 10 الصبح اجى الدكتور وشاف جرحي
.
.
الدكتور: لا الحمدلله وضعك كلش زين
غضب: دكتور اگدر اطلع
الدكتور: اذا تبقى احسن
.
.
غضب: بيتي موجود ولا اطلع ولا ارجع ابقى هناك
الدمتور: لعد تگدر تطلع بس انتبه على نفسك ولازم يتبدل الضماد باستمرار علمود لا يلتهب
.
.
غضب: تمام
الدكتور: يلا اني اترخص وعندك العافية
غضب: الله يعافيك
.
.
حسن: لعد اروح اني اسجلك خروج واجيك
غضب: دخل محمد .. تمام
محمد: صباح الخير
حسن وغضب: صباح النور
.
.
محمد: ها شلون صرت غضب
غضب: الحمدلله
حسن: اني رايح اسجلو خروج وارجع
.
.
محمد:  تمام .. واني جبتلو ملابس علمود يبدل بين ما تسجل خروج يكون هو جاهز
حسن:  خوش لعد
.
.
غضب: اجى محمد ساعدني ولبست ملابس جايبهن منو وكل حركة اتوجع بس لازم البس قابل اطلع مصلخ گدام الناس ههههههه خلصنا تبديل وگلي شوية واجيك راح ورجع وياه كرسي متحرك
.
.
محمد: يلا
غضب: درجعو لا اكسرو على ظهرك
محمد: لك بابا اترك هالسوالف اني جايبو علمود نطلع بسرعة وهم ما ينفتح جرحك من المشي
.
.
غضب: دا اكلك رجعو محمد تحجي صدك انت
محمد: هاي شبيك يمعود ترا بس توصل للسيارة وارجعو ما تبقى تستخدمو .. اجى حسن
حسن: يلا كملتو
.
.
محمد: يمعود اكلو خلي نوصلك بالكرسي للسيارة ما يقبل
حسن: اگول گوم اگعد بالكرسي لا بالحزام
غضب: امري لله بس حسن هاي گدام محمد اذا تحسنت وشفتك يمي جد جدك اسمطو
حسن: عادي جد جدي هو جد ابوك يعني مو غريب عليك
.
.
غضب: سندوني وگعدت بيه رغم هو مابيه شي والمعاقين او ذوي الاحتياجات الخاصة هم بشر مثلنا ويجوز احسن منا بس ما احب هيج اشياء اني الحمدلله مابي كلشي ومالو داعي الكرسي بس لان لحو علي ثنينهم ركبت بيه
.
.
وصلوني للسيارة جانت سيارة محمد موجودة صعدت بيها وگلت لحسن روح جيب ابتسام لبيتي ورحنا اني ومحمد لبيتي والمفتاح جان ويا غراضي الي بالمستشفى انطيتو لمحمد فتح البيت وسندني دخلني للغرفة وتمددت بيها واحس تعبان كلش وكأنو صارلي ساعة اركض
.
.
بقى محمد عندي ولان تعبان ومن الفجر ما نايم نعست بديت اغفي وما حسيت بشي بعد گعدت الدنيا عصر وابتسام گاعدة عندي وعيونها تجري دموع
.
.
ابتسام: الحمدلله عالسلامة
غضب: الله يسلمج .. شلونج بسومة .. ليش هالدموع
ابتسام: يصير بيك كل هالشي وتوصل للموت واني اخر من يعلم
.
.
غضب: حقج يابة اي والله حقج بس ما ردت اخوفج علي وانتي اكيد جنتي متونسة يم اهلج فلهذا اني ما انطيتج خبر وهم من خابرج حسن البارحة اني گلتلو اذا ما تعرف لا تنطيها خبر
.
.
ابتسام: والله من شفتك جان راح يوگف گلبي من الخوف
غضب: سلامة گلبج لا تخافين اني كلش زين الحمدلله
ابتسام: وشلون صار هالشي
غضب: حجيتلها الصار
.
.
ابتسام: الله يوفق محمد لولا الله ثم هو جان صفى دمك بالگاع
غضب: اي والله
ابتسام: وشلون ما حسيت بالوجع
.
.
غضب: والله ماعرف بس كل الي حسيت بيه هو نغزة بمكان الطلقة وبعدها احس اشتاقيت لليندا ورحت شفتها وبعدها صحيت بالمستشفى
.
.
ابتسام: وماعرفت منو الصوبك
غضب: بلى عرفتو وقبل ما اتصوب انطيت صورتو لصديقي الضابط بالشرطة ولحد الان ما مسكهم
.
.
ابتسام: الله ينتقم منهم
غضب: آمين .. المهم هسا جوعان ما تسويلي اكل
ابتسام: يخسى الجوع
.
.
غضب: حسن وين
ابتسام: بغرفتي نايم
غضب: تمام لعد لا تگعديه خطية صارلو 3 ايام ما نايم
ابتسام: تمام
.
.
غضب: راحت شوية ورجعت مسويتلي شوربة ووياها صمون اكلت لحد ما شبعت وسحبت تيلفوني فتحت فيس ودخلت على كروب الضباط بالماسنجر
.
.
صورتلهم الجرح وهو ملفوف بس مو واضح حيل جانو تحسين ووياه ثنين موجودين
.
.
تحسين: منو هذا الملفوف ابو عذاب
غضب: هذا اخوك يخوي
تحسين: افه ليش ملفوف بس لا تگلي حجيت ويا بنت وكشفتك اختي (ليندا) هههههههههه
.
.
غضب: ههههههههه لا والله يخوي انضربت طلقة
تحسين: شنووو هاي ايمتى
غضب: قبل 3 ايام من رجعت للبيت
.
.
تحسين: جايك هسا شغلة دقايق واكون يمك .. وين انت هسا
غضب: ببيتي
تحسين: يعني مو بيت ابوك
غضب: لاببيتي
.
.
تحسين: تمام جايك
غضب: حياك الله
الضباط: احنا هم بالطريق
غضب: حياكم الله
.
.
صحت ابتسام گلتلها راح يجون اصدقائي الضباط گعدي حسن وجهزيلي الاستقبال علمود يكون نظيف من يوصلون
.
.
ابتسام: من عيوني بس يجون وياهم نسوان
غضب: ماعرف بس مااعتقد
ابتسام: تمام
.
.
غضب: راحت هي شوية واجى حسن يفرك بعيونو ومبين مو شبعان نوم
حسن: قسم بالله بيك كتلة انت وابتسام من هاي التمام
.
.
غضب: انت ابقى بهاي سوالفك بس عيب علي اذا اخليك تتزوجها
حسن: منو هاي
غضب: الي تحجي عنها اية ذاك النهار وتگول صافن بيها
.
.
حسن: وانت تعرفها
غضب: راح اعرفها
حسن: اگص ايدي راح ترفض
.
.
غضب: واني شدخلني قابل عندي بنت وانت صافن بيها
حسن: لا بس بعدين تعرف
غضب: منو هاي ولك اني اعرفها
.
.
حسن: لا تعرف اهلها
غضب: اي ومنو اهلها
حسن: بعدين تعرف
غضب: احجي ولك
حسن: لو تموت
.
.
غضب: يصير خير ونشوف شلون تتزوجها حتى ابوك وجدك ما اخليهم يروحون وياك وتروح لحالك مثل الجلب
حسن: افه شو صاير ماعندك احترام
.
.
غضب: شنو الاحترام
حسن: ههههههههههه قسم بالله وياك حق
.
.
غضب: راح حسن غسل ورجع من خلصت ابتسام تنظيف الاستقبال سندني حسن واخذني للاستقبال وتمددت هناك شوية واندگ الباب سمعت صوتو يرحب بيهم دخلو سلمو وگعدو يمي
.
.
تحسين: بشرفك صاير كل هالشي وياك واحنا مانعرف
غضب: والله يخوي حتى مادري بنفسي متصوب
جعفر: شلون ماتدري بنفسك متصوب
.
.
غضب: جنت ضايج من موضوع بس مو اي ضوجة وحسيت بنغزة وكل الي اجى بتفكيري انو جلطة وفوگها ضاگ نفسي واخر شي اتذكرو من رحت لزوجتي شفتها
.
.
تحسين: الله يصلحك هاي سواية تسويها
غضب: والله يخوي جنت كلش مشتاقلها
تحسين: هالگد تحبها يخوي
.
.
غضب: والله يخوي ما حبيت احد گدها من قبل
تحسين: وايمتى تفرحني وتسوي العرس
غضب: ماراح اسوي العرس
تحسين: ليش
.
.
غضب: اخوها خرب كلشي
تحسين: شنوو ليش شصار
.
.
غضب: بسبب مشاكلي ويا اهلي يگول اختي ماتكدر تعيش وياك والصراحة حجيو صحيح لذلك اني ما تمسكت بيها ما اريدها تتأذة اكثر من هالشي واني هم تعبت كلش واريد ارتاح وهي هم ترتاح ننهيها قبل ما يتأخر الوقت
.
.
جعفر: بصراحة اني اشوف هالشي صح وبالتأكيد بعد ما كدر يمسك الي صوبوه ممكن يأذوها علمود ينتقمون منو
غضب: بالضبط
.
.
دخل حسن وگوة شايل الصينية لان ثگيلة وهو بايد وحدة اول ما دخل تلگاه تحسين واخذها منو
.
.
حسن: رحم الله والديك
تحسين: ارتاح يخوي ارتاح
حسن: انطيني اني اصبلكم
.
.
تحسين: قسم بالله ما تمد ايدك اني اصب قابل غريب اني
حسن: لا…… قاطعو غضب
غضب: اتركو حسن اتركو خلي يخدمني
تحسين: لا بطلت ما اصب
.
.
غضب: ههههههههههه اگلك جعفر شو من گعدت وانت ماسك تيلفونك
جعفر: لا يخوي ماكو شي بس المرة عند اهلها ودا اتصل بيها وتيلفونها مغلق
.
.
غضب: اي حيل بيك قابل بس اني ابقى بدون مرة
جعفر: هههههه
.
.
غضب: تونست بوجودهم وغيرت جو وياهم بس جعفر خطية گضى الگعدة كلها اتصالات وما يحصل زوجتو وروحو طلعت من خلصو التعليلة راحو اجى حسن سندني واخذني للغرفة
.
.
حسن: وهسا محتاج شي
غضب: سلامتك وين رايح
حسن: رايح للبيت اجيبلي ملابس وراح اخذ سيارتك لان جابها محمد
.
.
غضب: سيارتي ماكو
حسن: دطير ابني هو اني جاي انطيك خبر مو اخذ رايك
.
.
غضب: هلو تعال بعد اخذ راشدي
حسن: عالجايات گلبي باي
غضب: الله وياك
.
.
راح حسن وابتسام اجت تطمنت علي وراحت تنام واتصلت على محمد
.
.
محمد: هلا ابو عذاب
غضب: شلونك يخوي
محمد: داعيلك انت شلونك
.
.
غضب: الحمدلله وهسا سويت الي گلتلي عليه وانطيت خبر لاصدقائي
محمد: كلش حلو وهسا لازم تنطي خبر لاهلك علمود ينتبهون
.
.
غضب: هو هيج هسا راح اتصل عليهم واگللهم
محمد: وبعدها انت لا تتحرك علمود تتشافى بسرعة ونحل الموضوع
.
.
غضب: انت متأكد من هالشي خاف اتهام
محمد: لا يخوي مستحيل اتهام متأكد
غضب: والله ماعرف بس مدا تدخل براسي السالفة
محمد: من تتشافى الله كريم
.
.
غضب: مشتاق ل للوش شلونها
محمد: والله ماعرف شگلك
غضب: ليش
.
.
محمد: كلش ضايجة ومتكأبة وما تحجي ابد
غضب: محمد گللها يمعود لا يصير بيها شي
محمد: لا ما يصير بيها شي واني اريد الي يشوفها يعرف انتو منفصلين صحيح
.
.
غضب: بس بالله عليك اذا تشوفها كلش متأذية احجيلها
محمد: بعيوني
غضب: سالمة عيونك
.

محمد: يلا اني اترخص انام محتاج شي يخوي
غضب: سلامتك يخوي
.
.
سكرت منو اتصلت على ابوي گلتلو .. اريدك تروح بمكان لحالك ما اريد احد يسمع الي راح احجيه الك لان موضوع كلش مهم شوية وگلي .. احجي
.
.
غضب: يابة اريدكم تنتبهون انت وحسين وحسن
الحجي: ليش ابني
.
.
غضب: لان اني ما متت وهالفترة راح ابقى بالبيت ممكن يحاولون يأذوكم لهذا انتبهو وما اريد احد يعرف بهذا الحجي تحجي بس لحسين ولحالكم دير بالك احد يعرف وحسن اني راح احجي وياه
.
.
الحجي: تمام بس شنو يأكدلك يحاولون يأذونا
غضب: بعدين افهمك
الحجي: خير إن شاء الله
.
.
غضب: سكرت منو اتصلت على حسن گلي باجر يرجع الصبح گلبت شوية بالفيس بعدها نمت گعدت الصبح تريكت واجى حسن وجايب وياه ملابسو علمود يبقى عندي
.
.
غضب: تعال حسن احجي وياك
حسن: گول عمي
غضب: هالفترة هاي ماعندك شغل مو
حسن: لا ماعندي
.
.
غضب: شوف حسن ما اريدك تطلع بدون علمي
حسن: ليش شكو عمي
غضب: الي صوبوني راح احتمال يحاولون يأذون الي احبهم لان ما گدرو يقتلوني
.
.
حسن: حياهم الله هو اني اريدهم يطلعولي
غضب: حسن مو وقت تهورك هسا وهم ماراح يواجهوك راح يغدروك وينهزمون لهذا اريدك تبقى حذر لحد ما اتشافى وبعدها انت راح تكون وياي من امسكهم
.
.
حسن: احلف بصلعة ابوك تاخذني وياك
غضب: ولك ابن ال… استغفر الله شلون اجاني حجي
حسن: ههههههه اذا اخذتني وياك ازوجك 4 نسوان بس انت مو وجه اربعة وحدة زايدة عليك
.
.
غضب: مثل ما گلتلك وهالموضوع دير بالك بشر واحد يعرف بيه ترا يفشل كلشي دا نخططلو
حسن: تأمر عمي صدگ منو راح يغيرلك الضماد
.
.
غضب: شوية ويجي محمد يغيرلي الضماد
حسن: والله مو مرتاحلكم انت ومحمد
ابتسام: حسن الباب دا يندگ روح شوفو منو
حسن: جاي بسومة
.
.
غضب: راح حسن شوية ورجع ووياه محمد
محمد: ها يابة شلونك
غضب: هلا يخوي
.
.
محمد: هاي الضماد والمعقم حسن تريد تبقى لو تطلع
غضب: لا خلي يطلع
حسن: اي مو حظرتك مرة وتستحي دنزع انزعععع
.
.
محمد: هههههههههه قسم بالله راح يجلطك اطلع حسن اطلع
غضب: حظك حلو ماگدر اگوملك .. بدا محمد ينظف الجرح ويحجي وياي
.
.
محمد: ليندا مشتاقتلك يا غضب
غضب: قسم بالله گلبي معصور عصر عليها
محمد: ما الومك والله
.
.
غضب: تعودت على وجودها بحياتي
محمد: لازم تتحمل لخاطرها
غضب: وهو هيج
محمد: انطيت خبر لاهلك
.
.
غضب: اي بس بصراحة خايف عليهم
محمد: لهذا لازم تتشافى بسرعة وتنهي الموضوع
غضب: زين ما حجولك شي ما انطوك اسم
.
.
محمد: لا والله گالو اذا ما يجي الضابط غضب ما نحجي حتى ضرب ما ضربتهم
غضب: يصير خير ليش ما اروحلهم هسا
محمد: لا يخوي اذا ما تتشافى ما تطلع
غضب: الله كريم
.
.
خلص محمد تنظيف الجرح وضمدو واستأذن وراح وبصراحة ابد ما توقعت يكون عندو هيج عقل الله يحميه ويحفظو صدگ الو فضل علي ما يعلم بيه بس الله
.
.
حسن عبالو الشغلة بالتهور بس هذا الغلط ممكن يكون سبب بموتو لهذا ما خليتو يتهور وهسا لازم يكون الوضع هادئ حاولت افكر بالموضوع واوصل لنتيجة واضحة وماگدرت ماكو اي دليل ضد اي واحد من الي توقعتهم بس كلشي راح ينكشف مع الوقت وساعتها بس الله يعلم شراح اسوي بيه
.
.
الا اخلي كل دمعة نزلت من عيون ليندا تحرگو حرگ وتخليه يتمنى الموت وماطول محمد وياي فاكيد راح اوگعو بسهولة وبدون ما يتأذة احد من الي احبهم
.
.
………… يتبع
حطولنا توقعاتكم شنو خطة محمد وشنو الوضع ومنو الي يفكر بيهم غضب