عشق طفله

البارت(35) عشق_طفله الكاتب#احمد

#عشق_طفلة
بقلم #احمد
البارت_35
.
.
غضب: جاي انتظر ليندا وطلعت ادحكلها سبحان الخالقها وجهها مثل الملاك طالعة تخبل اريد ابعد نظري عنها ماكدر
.
.
غضب: ها جاهزة
ليندا: اي جاهزة
غضب: يلا لعد
.
.
طلعنا قفلنا البيت وتوجهنا لبيت اهلي
.
.
ليندا: طلعنا من البيت رحنا على بيت اهل غضب الطريق كلو غضب مبتسم وفرحان
.
.
ليندا: ليش فرحان هيج
غضب: اكو سالفة بيني وبين نرجس تذكرتها
ليندا: شنو هاي السالفة
.
.
غضب: بس نوصل تعرفيها
ليندا: تمام
.
.
وصلنا بيتهم نزلنا غضب نزل الجنط واخذهن عند باب الصالة قبل ما ندخل كالي
.
.
غضب: ليندا ابقي هنا بس اصيحج ادخلي
ليندا: ليش
غضب: هسا تعرفين
.
.
ليندا: دخل غضب واني انتظر عند الباب فات داخل سمعتو يرحب باختو ويعايدون بعض
.
.
نرجس: ها وين زوجتك
غضب: مفتشل حجيج طلع صحيح اخذتلي وحدة جكمة
نرجس: هههههه عادي خلي تجي نشوفها
.
.
غضب: ليندااا
.
.
ليندا: سمعتو صاحني دخلت وابتسمت بوجه اختو ورحت امشي عليها
.
.
غضب: ادحك لنرجس صفنت بليندا رجعت دحكتلي كمت اضحك سلمت عليها واندارت عليه
.
.
نرجس: هاي جكمة
غضب: اي هاي الجكمة
نرجس: والله ماكو جكمين غيرنا اني وياك
.
.
غضب: ههههههههه
.
.
ليندا: ادحكلهم يحجون ويضحكون واني حايرة بالقصة الي خلت غضب يبتسم بالسيارة
.
.
غضب: ها ليندا اشو صافنة
ليندا: لا ماكو شي
غضب: لا تصفنين القصة الي خلتني ابتسم ان نرجس جانت تكولي راح تاخذ وحدة جكمة
.
.
ليندا: اها هسا فهمت
غضب: لعد اسماعيل وين
نرجس: بالاستقبال كاعد ويا حسن
غضب: اسماعيلللل
.
.
ليندا: شوية ودخل علينا ابن نرجس عمرو 19 وطالع على غضب جسمو ضخم وملامحو بيهن هيبة سلم على غضب
.
.
اسماعيل: هاي زوجتك مو
غضب: اي
اسماعيل: كل عام وانتي بخير زوجة الغالي
.
.
ليندا: مد ايدو يريد يصافحني انداريت لغضب اشرلي بعيونو مديت ايدي وصافحتو وكلتلو وانت بخير
.
.
غضب: ليندا روحي ساعدي ابتسام
.
.
ليندا: شفت نظرات اسماعيل ابد مو حلوة وكلش تضايقت منو ومن نظراتو حسيت نظراتو مو حلوة من كالي غضب رحت فورا عالمطبخ
.
.
نرجس: الله يهنيك بيها خويه مبين عليها خوش بنية
غضب: تسلمين فعلا خوش بنية بس غبية
نرجس: ليش غبية
.
.
غضب: ماتعرف تجمع سالفتين ويا بعض
نرجس: شلون يعني
غضب: اني لحد الان ما متقرب منها ومن سألتها صديقتها كايلة ينام وياي عبالها سؤالها عن النومة
.
.
نرجس: هههههه كل عقلك
غضب: صيحيها واخذيها عالغرفة واسأليها بس لا تشرحيلها شي ما اريد ينشغل بالها بشي
.
.
نرجس: تمام لينداااا
ليندا: نعم
نرجس: تعاي للغرفة حبيبتي
.
.
ليندا: طلعت من المطبخ هي راحت عالغرفة الي جنت ساكنة بيها اول ما اجيت ولحكتها دخلت وسكرت الباب
.
.
نرجس: شوفي حبيبتي اريد اوصيج تديرين بالج على غضب ولا تزعلينو
ليندا: لا مستحيل ازعلو
.
.
نرجس: تقرب منج هو
ليندا: اي طبعا غير عايشين ويا بعض
نرجس: اقصد ينام وياج
.
.
ليندا: اي ينام وياي
نرجس: زين ليش ما صار عندكم اطفال
ليندا: ماعرف يمكن لان ماصارلنا هواي من عشنا ويا بعض
.
.
نرجس: اي بس عالقليلة جان حملتي
ليندا: ها يمكن مادري
.
.
نرجس: لا تهتمين وتفكرين بهذا الموضوع روحي كملي شغلج ولا تحجين الي حجيناه لاحد
ليندا: تمام
.
.
طلعت من عدها وافكر بحجيها فعلا ليش ما حملت اني مو عايشين مع بعض اني وغضب يلا يجوز الله مو قاسملنا
.
.
غضب: كاعد انتظرهن يخلصن حجي طلعت ليندا وصافنة ماعرف بشنو تفكر كلت بس لا حجتلها نرجس شوية واجت نرجس ومبتسمة
.
.
غضب: ها
نرجس: تكول تقرب مني ونام وياي
غضب: مو كلتلج
.
.
نرجس: مو غبية بس انت كلت يتيمة يعني احتمال محد شارحلها عن الحياة الزوجية
غضب: مرات اكول غبية ومرات اكول فقيرة وماتعرف
.
.
نرجس: اي والله فقيرة الله يرزقها على كد نيتها
غضب: آمين
نرجس: ما يحتاج اوصيك عليها ولا تحملها ذنب زوجتك السابقة
.
.
غضب: لا توصين حريص
نرجس: ليش مخليها هيج معلكة
غضب: الصراحة اول شي اريدها تتعود عليه ثاني شي اريد اتأكد منها ان ماعندها اغلاط مثل زوجتي
.
.
نرجس: لو عندها اغلاط جان تعرف كلشي
غضب: مع ذلك لازم اتأكد علمود لا اتفاجئ بيها اذا صار شي
.
.
نرجس: الله كريم بس اصبعها ليش مجبص
غضب: من اكتشفت انها بنت اخو القاتل لعب الشيطان بعقلي ونسيت انها يتيمة وتذكرت انهم نصبو علينا وفرغت غضبي بيها
.
.
نرجس: لا خطية ما يصير هيج بعدين يجوز الي حجالك يجذب عليك
غضب: هي اعترفت وشفت هويتها السابقة تختلف عن هويتها الجديدة
.
.
نرجس: يعني مزورلها هوية
غضب: اي
نرجس: الله ينتقم منو
غضب: آمين
.
.
ليندا: رجعت عالمطبخ ونسيت حجي نرجس ماريد افكر بيه هواي بدينا بتجهيز الغدا اني وابتسام اني شغلي خفيف لان ابتسام ماتريدني اشتغل وتخرب كشختي
.
.
وكفت عالمغسلة اريد اغسل ايدي ودخلت وحدة عمرها بال 30 ووياها بنية وولدين
.
.
ليندا: خالة هاي منو
ابتسام: هاي فرح ديري بالج منها
ليندا: ليش
.
.
ابتسام: هاي حقودة وراح تبهدلج اذا تورطتي وياها
ليندا: تمام
.
.
دخلت داخل البيت طلعنا اني وابتسام من المطبخ سلمت على عالعائلة كلهم اجت تريد تسلم على ابتسام واني واكفة عند ابتسام
.
.
فرح: (باستهزاء) هاي الفصلية
غضب: لا هاي زوجتي
فرح: لا وانت الصادك هاي فصلية
.
.
ليندا: انداريت لغضب اشرلي بعيونو بقيت ساكتة بس احس الدمعة بطارف عيني لان تكول فصلية وتستهزء كأني اني الي طلبت اجي فصلية
.
.
ابتسمت ابتسامة كبرياء بوجها ومن صارت قريبة عليه اني وابتسام تركتها ودخلت للمطبخ
.
.
حاولت اسيطر على دموعي ماكدرت طلعت كلينس حطيتها عند عيني علمود لا ينزلن دموعي ويخرب المكياج هدأت نفسي دخلت ابتسام شلت الكلينس
.
.
ابتسام: لا تهتمين الها حبيبتي كم يوم وتروح خليج بعيدة عنها وانتي ترتاحين
ليندا: ليش اني تقربت منها هاي اول ما دخلت البيت تستهزء هيج لعد لو عايشة هنا شتسوي
.
.
ابتسام: هي هيج حقودة من جانت صغيرة
ليندا: الله يعين
.
.
دا نحجي ودخلت بنتها اسمها بيان ناعمة وكلش حلوة عمرها 3 سنوات شوية لسانها ثكيل بالحجي
.
.
بيان: هالة اليد مي (خالة اريد ماي)
ليندا: يا عيون خالة انتي شنو اسمج
بيان: بيان
.
.
ليندا: هاج شربي حبيبتي شكد عمرج
بيان: 3 ثنوات (سنوات)
.
.
ليندا: احجي وياها واضحك شكد حلوة من تحجي دا نحجي واجى غضب
.
.
غضب: دا نحجي اني ونرجس وامي ونادية عدنا دخلت فرح رحبنا بيها وسلمت علينا
.
.
فرح من جانت صغيرة امي دللتها وخرب طبعها صارت حقودة ومتكبرة صحيح تحبنا احنا بس طبعها ابد مو حلو
.
.
اندارت لابتسام وليندا وسألت على ليندا وتستهزء بحجيها ما حبيت افشلها لان هسا وصلت
.
.
شفت ليندا من حجت عنها فرح عيونها غوركن اشرتلها بعيوني وبقت ساكتة بس الي فاجئني ابتسمت بوجه فرح وتركتها وراحت للمطبخ
.
.
سلمت فرح على ابتسام ومن رجعت مبين عليها الانزعاج من حركة ليندا كعدت تحجي ويانا
.
.
فرح: شلونها وياكم خوما متعبتكم
غضب: لا اشطر منج
فرح: شنووو عيني
.
.
غضب: هههههههه
نرجس: ما تعرف تسكت انت
غضب: بربج نرجس منو احلى ليندا لو فرح
.
.
نرجس: ليندا
فرح: يمه عندج غضب بالله ازعلو
الحجية: يمه عوف اختك
.
.
غضب: حجية اني دا احجي الصراحة مبينة ليندا احلى من فرح مو وغمزت لامي
.
.
الحجية: هي الصراحة من ناحية الجمال ليندا احلى ومن ناحية الشطارة اشطر وحتى طبعها احسن من فرح طولها احلى من طول فرح ووزنها احسن من فرح
.
.
غضب: امي تحجي وفرح فاتحة حلكها ومصدومة من حجي امي وامي دا تحجي هيج لان غمزتلها
.
.
نرجس: اي حجي امي صحيح
غضب: كلت لفرح يلا خوية عباس خلينا نتوكل
.
.
نرجس مسكت بطنها وتضحك امي هم ضحكت فرح طار عقلها نادية كاعدة وتضحك تركتهن يضحكن ورحت للمطبخ اريد اشوف وضع ليندا
.
.
دخلت للمطبخ شفتها دا تحجي ويا بيان وتحجي وتضحك شكد حلو منظرها وهي تحجي وياها وطاير عقلها بيها
.
.
غضب: ها طفلتنا عجبتج طفلتهم
ليندا: اي والله شكد حلوة الله يحفظها
غضب: اخذيها الج
.
.
ليندا: ياريت إن شاء الله يصير عدنا بنت مثلها
.
.
غضب: ادحك لابتسام تضحك على حجي ليندا وتعرفها فقيرة ماتعرف شلون تحجي وماتعرف شنو دا تحجي
.
.
تركتهن وطلعت بالحوش لكيت ولد فرح بالحوش حمزة وايمن سلمو عليه ورجعو يكملون لعب اعمارهم 10 توم
.
.
دخلت للاستقبال حسين وابويه ماكو بس حسن واسماعيل بالاستقبال
.
.
غضب: ها اشو من تكابلتو ختلتو هنا
حسن: والله يا عمي حجي النسوان يدوخ هنا احسن
غضب: دروحو سلمو على فرح هسا وصلت
.
.
حسن: اشو ما حسينا بيها
غضب: مو منتبهين روحو سلمو وارجعو
حسن: تمام
.
.
غضب: تمددت بالاستقبال وراحو حسن واسماعيل شوية ورجع حسن واسماعيل ماكو
.
.
اعرف اسماعيل عينو زايغة بس مهما كان احنا خوالو والي موجودات جدتو وخالتو وزوجات خوالو بس لحضة اية
.
.
كمت بسرعة دخلت داخل البيت اية موجودة بس هو ماكو استغفرت ربي وصعدت عالدرج اريد اروح لغرفتي
.
.
شباك المطبخ الثاني صاير بزاوية داخل البيت انتبهت للشباك مال المطبخ شفتو واكف عند الشباك ويباوع داخل المطبخ
.
.
نزلت على كيفي هو مو منتبه جيت من وراه واسمعو يحجي
.
.
اسماعيل: لك هاي شلون صاكة خرب حضك خالي لو الزمها الا اكطعها
غضب: اليوم اني اكطعك يا سافل
.
.
فريتو من كتفو وانطيتو بوكس بوجهو زتيتو بالكاع مسكتو من ركبتو ورفعتو فوك
.
.
غضب: لك عار تحط عينك على مرتي ولك اني خالك يا عارر هديتو قبل ما يكع عالكاع دفرتو ببطنو تجمعو العيلة اجت امو لزمتو
.
.
نرجس: ليش تضربو خوية شسوا
غضب: ابنج الوحيد الي مفتخرة بيه حاط عينو على زوجتي ولك احجي الي سمعتو لو ابقى ساكت
.
.
نرجس: شنووو
غضب: ضربتو راشدي وطردتو من البيت
فرح: شنو دخلو ماتكول لمرتك تستر نفسها
.
.
غضب: فرحححح خليني ساكت احسن
فرح: ها تصيح عليه
غضب: من يكون حجيج معدل وقتها ما اصيح عليج
.
.
الحجي: هاي شكو هنا
حسين: شبيه اسماعيل طلع زعلان
الحجية: ماعرف ليندا شمسويه وحطها براس اسماعيل
.
.
غضب: يمممه شمسويه لخاطر الله جاي تطبخ وتساعد ابتسام وهذا السافل يباوعلها من الشباك تريدينها تدفن روحها يعنييي
.
.
الحجي: ابني متأكد يباوعلها
غضب: الا اكلك يكول اذا الزمها اكطعها
.
.
نرجس ضاجت من فعلة ابنها ليندا ماتعرف شنو الموضوع الحجية ضايجة والحجي وحسين تخبلو من حجيتلهم هيج بس ابن بنتهم شيسوون يعني
.
.
الحجية: من اكولك اكلعها ما ترد عليه
غضب: ولكم الله يهجم هالبيت هذا عليكم فلا بيكم واحد بكلبو رحمة ليندا امشي خرب عيشتكم خوش
.
.
ليندا: جنا نشتغل اني وابتسام ما حسينا الا صوت غضب مثل الرعد صاح على واحد طلعنا من المطبخ شفناه ماسك اسماعيل ورجع دفرو ببطنو
.
.
كل الي افتهمتو انو يدحكلنا بس ليش وشنو قصدو ماعرف من كال غضب يكول اكطعها عبالي يريد يكتلني
.
.
من كال خلينا نروح بالبداية كلت خلي اصبر شفت مصر على قرارو مشيت وياه
.
.
طلعنا من البيت احس مشردين من بيت لبيت ومن مكان لمكان شنو هالعيشة هاي طلع الحجي يريد يقنعو ما اقتنع اخير شي كالو اغضب عليك ليوم الدين اذا تروح
.
.
غضب: بوية خليني براحتي ابوس ايدك
الحجي: ابني اهدى كلشي الو حل
غضب: انطيني الحل
.
.
الحجي: ادخل ودخل مرتك شبيك كل مشكلة تترك البيت
غضب: اريد ارتاح يا بويه
.
.
ليندا: دخلنا الحجي ونبه محد يفتح موضوع اسماعيل ابد نرجس رادت تروح ومنعوها خطية مفتشلة من ابنها اني اروح وارجع ورا غضب وماعرف شنو القصة
.
.
رحت فوك نزلت الجبة ونزلت ماكو بس النسوان والرجال بالاستقبال دخلت للمطبخ عند ابتسام كملنا الغدا حطينا للنسوان لحالهن والرجال لحالهم
.
.
اجى حسن اخذ الهم عالاستقبال واني وابتسام ونرجس حطينا النا بالصالة جبت الماي حطيتو كعدت عند ابتسام
.
.
فرح: ها اشو كعدتي
ليندا: ليش نسيت شي
فرح: روحي اكلي بالمطبخ
.
.
ليندا: غضب ما يقبل
فرح: اكلج امشي منا
ابتسام: فرح غضب نبه علينا ما نخليها تاكل بالمطبخ اذا تريدينها تروح احجي لغضب هالحجي
.
.
فرح: ابتسام اذا ما راحت ترا يصير شي ما يعجبكم
ابتسام: فرح ... (قاطعتها)
ليندا: خليها خالة اصلا اكل بالمطبخ احسن ما اكل كدامها
.
.
تركتها ومشيت وهي طار عقلها بس ما تكدر تسوي شي لان غضب ما يسمحلهم يضربوني
.
.
كعدت بالمطبخ حطيتلي غدا وكعدت اكل واضحك على موقفها شوية واجى حسن حط المواعين وطلع وراه بشوية دخل غضب
.
.
غضب: قنعني ابوي ان ما اطلع حطولنا غدا بالاستقبال تغدينا وخلصنا دخلت داخل اريد اسبح لكيتهم يتغدون انتبهت ليندا ماكو رحت للمطبخ لكيتها تتغدا وحدها
.
.
غضب: شعندج هنا
ليندا: هنا احسن
غضب: منو كلج تاكلين هنا
ليندا: فرح
.
.
غضب: طلعت من المطبخ ورحت للصالة كلتلهم منو سمحلكم تطردون ليندا
فرح: اني سمحت لنفسي
.
.
غضب: فرح ما اريد ازعلج وانتي ضيفة عدنا بس هاي زوجتي والي يصير عليها يصير عليه يعني من تطردينها كأنج تطرديني لهذا هاي المرة راح اعتبرها غلطة بس المرة الثانية ماراح اسمحلج
.
.
فرح: مشكور خويه تحجي وياي هيج علمودها
غضب: فرح ما اريد اذكركم شلون جنتو تعاملون زوجتي السابقة وبالاخير طلعت ك..ة وهسا هاي البريئة واليتيمة  تريدون تنتقمون منها
.
.
فرح: مو عمها قتل اخوك
غضب: انتي كلتيها عمها مو هي
فرح: هذا هو بنت اخوه يعني تقربلو وذنب اخوي بركبتها
.
.
غضب: شفت الحجي بدون فايدة تركتهم ورجعت على ليندا عالمطبخ دخلت لكيتها مخلصة غدا
.
.
ليندا: اتركهم لا تقنعهم بشي
غضب: مادخلج بيهم روحي حطيلي ملابس اريد اسبح
ليندا: تمام
.
.
غضب: راحت ليندا شوية وصعدت وراها حطتلي ملابس ونزلت تحت دخلت اني للحمام سبحت وطلعت
.
.
ليندا: من كالي حطي ملابس حطيتلو دشداشة لان تطلع عليه كلش حلوة بس ماعرف ليش تارك الدوام حاليا ومايروح كلت بالليل اسألو
.
.
نزلت تحت وكفت عالمغسلة وبديت اغسل المواعين شوية وجابو المواعين من النسوان وبدت تساعدني ابتسام
.
.
بقيت اغسل للعصر احس ايدي اليمين انشلت لان استعملها اكثر من اليسار خطية ابتسام تساعدني بس المواعين كثار لهذا تأخرنا
.
.
من خلصت كعدت عالكرسي وافرك بايدي من الوجع شوية وسمعت فرح تصيحني
.
.
فرح: يالفصليةةة
ليندا: هسا هاي الواحد شيجاوبها
ابتسام: اتركيها
.
.
ليندا: تركتها تصيح وما رديت عليها شوية واجت اية دحكت كالتلها موجودة وتسمعج وما ترد وغمزتلي وراحت
.
.
وراها اجت فرح مثل العاصفة وابتسام صارت كدامها تريد توصلني وما تخليها ابتسام
.
.
غضب: بعد ما سبحت طلعت افتريت شوية بالعمارة عشت اقل من يوم ببيت اهلي اختنكت من مشاكلهم شلون راح اكضي عمري وياهم بس بلكي كم يوم ويعرفون ليندا على حقيقتها ويخففون حقد عليها
.
.
العصر رجعت للبيت دخلت ابويه وحسن وحسين ماكو كل واحد طالع لمكان وبس النسوان بالبيت دخلت للحوش واسمع صوت بالمطبخ
.
.
فرح: ابتسام خليني اربيها
ابتسام: فرح دا اكلج اتركيها
فرح: لج مو صحت عليج لج ساقطة ليش ما تردين
.
.
غضب: هاييي شنووو
ابتسام: ماكو شي ابو عذاب
غضب: فرحححح اني شحجييت
.
.
فرح: صارلي ساعة اصيح عليها وتسمعني وماترد
غضب: شتريدين منها
فرح: اريد منها ماي
.
.
غضب: ومن كل البيت ما لكيتي غيرها
فرح: لازم هي على راسها ريشة
غضب: اية تعاي حطي لعمتج ماي
.
.
فرح: الا الفصلية تحط
غضب: ليندا كدامي للغرفة اية يلا كومي حطي لعمتج