عشق طفله

البارت(23) عشق_طفله الكاتب#احمد

البارت الي صدمني قبل ما يصدمكم
#عشق_طفلة
بقلم #احمد
البارت_23
.
.
خليل: هناء .. اكو خبر .. ما اريد ليندا تعرف بيه
هناء: شنو
ليندا: سمعت عمي يقول لعمتي محمد انقتل بسوريا
.
.
سمعت الخبر .. وصحت بعلو صوتي
ليندا: لااااااااااااااا
.
.
خليل: ليندااا
.
.
ليندا: ركضت بسرعة على غرفتي .. وسكرت الباب والي يجي قدامي بكسرو .. عمي وبناتو يدقو الباب بدون افتحو
.
.
خليل: بنيتي افتحي الباب .. لا تسوين بروحج هيج
ليندا: شو بعمل مشان الله .. شو بعملللل .. مابيكفي الي ماتو لحد الان .. لوين بدو يوصل الموت لوييييين
.
.
ليش مابيجي ياخدني ويريحني .. ليش عم اتعزب ياربي ليششش .. والله بيكفي .. احكي وبكسر بالغراض ودموعي مابيوقفو .. الغرفة صارت عبارة عن فوضى
.
.
نزلت على ركبي وببكي
.
.
خليل: بوية افتحي .. الله يرضى عليج
ليندا: لا رد
.
.
ضليت على وضعي للمسا .. شو صار خارج .. مين اجى مين راح مابعرف .. اكتر من مرة يجو يدقو الباب .. وبقلون مابفتح وبيروحو
.
.
بحس حالي غريبة .. ومابعرف شو صاير .. لفيت يمين ويسار .. ومستغربة من وضع الغرفة .. قمت فتحت الباب ونزلت .. شفت الي بالبيت كلون حزينين .. ومابعرف ليش والي يحكي معي .. مابرد عليه
.
.
دخلت عالمطبخ .. نور تبكي ومنهارة عالاخر .. صافنة فيها ومبين الاستغراب .. بعيوني ونظراتي الها .. رحت عالطباخ وعملت اكل
.
.
الكل فكرني جوعانة .. وبدي اكل .. كملت وحطيت الاكل .. وقعدت عالارض .. والاكل قدامي وصفنت
.
.
شوي واجت دلال
.
.
دلال: للوش حبيبتي .. اكلي شوي
ليندا: هاد مو الي .. لمحمد رح يجي
دلال: للوش حبيبتي .. محمد راح
ليندا: وين راح
.
.
بحكي ودايرة وجهي للجهة الثانية .. وبحكي بيأس
.
.
دلال: محمد مات
ليندا: لفيت وجهي .. وقلتلها انتي مين
دلال: هاي شبيج للوش .. اني دلال
.
.
ليندا: ضربتها كف كل قوتي .. وقلتلها ازا قلتي عن محمد مات مرة ثانية .. بقتلك بارضك
.
.
دلال ما زعلت مني .. لان تعرف مو قصدي .. لما ضربتها ومو بوعيي .. اجت عمتي هناء تحكي علي
.
.
لفيت وجهي عنها وتركتها .. الي يحكي معي مابرد عليه .. والي يحاول ياخد الاكل بيتورط
.
.
النسوان راحو وانا على وضعي .. حاولو معي مشان روح على غرفتي .. وما رضيت .. وانتظرت محمد للصبح .. على قعدة وحدة .. لا قمت ولا تحركت
.
.
الصبح بلشو يجو نسوان .. قمت من مكاني .. ومشيت خطوة وفقدت .. حطوني بغرفتي .. ودلال اهتمت فيني .. فقت العصر .. لقيت دلال عندي
.
.
ليندا: محمد راح
دلال: ياروحي انتي .. توكلي بالله
.
.
ليندا: نزلو دموعي .. دلال تحكي معي وتبكي .. وتحاول تهديني .. اعتذرت منها لاني ضربتها كف .. وقالتلي لا تهتمي
.
.
حطت ايدها على راسي .. وتقرا قران .. وهي تعرف انها بس تعمل هيك .. بهدا وبرتاح
.
.
محمد كان عند عمي ياسين .. وناطرين الوضع يتحسن ويطلعو
.
.
تكركب الوضع وصار قصف .. قريب على بيت عمي .. انجبرو يطلعو من منبج .. الي هي مركز محافضة حلب
.
.
قربو يطلعو منها .. وعند النهاية ضربو عليهون رصاص .. تفرقو محمد راح بجهة .. وعمي وعيلتو بجهة .. واتفقو يطلعو من منبج .. ويلتقو خارجها
.
.
طلع عمي من منبج .. وناطر محمد وما اجى .. شوي واجى جار عمي .. وقال شفت محمد .. ضاربو قناص بطلقة براسو ومتوفي
.
.
محاول يعرف مكانو .. وما قبل يروح معون .. وانجبرو يتركوه .. اجى عمي للقامشلي .. وقرر يستقر فيها
.
.
لما سمعت ان محمد ميت .. وفوقها ما اندفن .. انهاريت لابعد الحدود
.
.
يعني حتى لو بدي زورو مابقدر .. راحو عيلتي وراح خطيبي .. وراح املي بالحياة .. خلص الحياة مو مكتوبلي فيها السعادة
.
.
بعد ما خلصت قراة قران دلال .. قمت معها نزلت تحت .. حطتلي دلال اكل واكلت شوي .. وانسدت نفسي عن الاكل
.
.
عمتي تغيرت نظراتها .. وكأنها متعاطفة معي .. كمان كنت مابفهم نظراتها .. بس بعرف انها تغيرت نظراتها الي
.
.
تذكرت اني ما صليت من مبارح .. صعدت فوق عالغرفة صليت واستغفرت ربي .. ودعيت لاهلي ومحمد وفهد وجدي وجدتي
.
.
قبل ما خلص دعاء .. خانوني دموعي ونزلو .. بدي اسكت ماقدرت .. خلصت دعاء وحطيت راسي عالسجادة .. وببكي بحسرة
.
.
راحو كل عائلتي ومابقيلي حدا .. حتى محمد راح .. شو عاملة بحياتي لحتى اتألم هيك .. واذا اختبار من ربي فانا انتهيت .. ماعاد اتحمل والله مابتحمل
.
.
اخير شي هديت شوي .. قمت شلت السجادة ورحت غسلت وجهي .. ونزلت تحت .. ما الي نفس احكي مع حدا .. الي يحكي معي مابجاوب
.
.
نور قاعدة بالمطبخ .. وتبكي على حبيبها .. ترملنا انا ونور وهديل .. قبل ما نفرح بعرسنا .. قبل ما تبلش فرحتنا انتهت .. بس بين كل الموجودين .. اكتر واحد تأثر بالميتين انا
.
.
عائلتي وخطيبي وجدي وجدتي .. يعني اقرب الناس الي .. واحب الاشخاص لقلبي كلون راحو
.
.
قعدت بالمطبخ لوقت اذان المغرب .. صعدت صليت وما نزلت .. شوي ودخلت دلال .. وجايبة اكل معها .. اكلت وغسلت وتسطحت
.
.
مابعرف شقد صارت الساعة ونمت .. فقت الفجر صليت وطلعت خارج البيت بالحديقة .. صفنت بحياتي وبدي اعرف .. لوين رح تاخدني الدنيا
.
.
ياترا موت محمد نهاية الاحزان .. ولا في احزان غيرها .. ربي ارحمني برحمتك يارب العالمين
.
.
رجعت على غرفتي ونمت .. فقت الصبح دلال مو موجودة .. نزلت لقيت البنات بالمطبخ .. بس نور مو موجودة .. قالو ما قبلت تنزل
.
.
شوي ودخلو احلام وايمان عزوني .. وشوي ودخلت هبة .. كمان عزتني بموت محمد .. للظهر وراحو احلام وايمان .. امهون ما تخليهون يبقو بالفواتح .. مابعرف ليش .. وهبة حبلة ماتقدر تبقى .. لان تتعب والتعب مو منيح الها
.
.
جابو الغدا الظهر .. ما شتهيت صعدت لغرفتي .. صليت ورجعت نزلت .. 3 ايام ما انقطعو الناس عن عمامي
.
.
بعدها صارو قليلين .. لان محمد مو معروف متل بابا وفهد .. نور تحسنت حالتها .. انا صرت من كتر التفكير بمحمد واهلي .. بدور اي شي بفرغ الغضب الي داخلي فيه
.
.
مابلاقي غير الاكل .. باكل بشراهة وكأني عم اشفي جروحي لما اكل .. دلال دائما تواسيني وتسندني
.
.
شودييه حكيت معها .. بعد موت محمد ب 7 ايام .. وقالت اكيد في عين صابتك وعم تلاحقك .. قلتلها الله موجود وهو يحميني
.
.
صرت كئيبة مابضحك مع حدا .. وحكيي قليل انتبهت على حالي .. عم انسى احداث حياتي شوي شوي
.
.
فكرت شغلة عادية .. بالاخير خفت يصير عندي فقدان ذاكرة .. وحكيت لعمي وقرر ياخدني عالدكتور
.
.
قبل رمضان بيوم .. اخدني عالدكتور .. وما عرفت شو فيني .. رحنا على 5 دكاترة بدون فايدة
.
.
خليل: هسا شنسوي
ليندا: مابعرف .. شو رايك انت
.
.
خليل: اليوم تأخر الوقت .. خلي نروح للبيت .. وباجر من الصبح نروح لبغداد
ليندا: ماشي
.
.
رجعنا عالبيت وخايفة من هالمرض .. وخايفة انسى ذكرياتي مع اهلي
.
.
سألوني نور وهديل .. قلتلون محدا عرف شو صاير فيني
.
.
رفيقاتي القديمات .. صرت انسى ملامحون واسمائهون .. بعرف انو كان الي رفيقات .. بس مابتذكر اشكالون كتير واسمائون
.
.
كملنا اليوم طبيعي .. فقت عالسحور انا ونور وهديل .. عملنا سحور وصلينا الفجر انا وعمي .. ومشينا لبغداد مشان نروح ونرجع باقرب وقت
.
.
صعدت بالسيارة .. رجعت ظهر الكرسي لورا .. وتسطحت عليه وغفيت .. فقت قريب من بغداد .. والشمس طالعة وعمي مشغل تبريد .. وجو السيارة بخلي الشبعان نوم ينعس
.
.
عدلت الكرسي .. وبحكي مع عمي .. صار يحكي عن ايام قبل .. مشان ما بنحس بالطريق .. استمتعت بحكيو كتير .. وصلنا على مشارف بغداد
.
.
من هون اجينا عالعمارة اول مرة .. تمالكت نفسي وما بكيت .. رحنا على اطباء كتير ماعرفو مرضي
.
.
واحد منون عطى لعمي توصية .. مشان يفحصوني بجهاز الرنين بالمشفى .. رحنا اخدنا موعد .. ورجعنا عالعمارة
.
.
موعدي كان يوم 10 برمضان .. عمي تعب كتير معي .. بس ما افطر .. انا روحتي صارت اسهل
.
.
صحيح تعبت وعطشت .. بس مو متل عمي .. رجعنا عالبيت تعبانين .. رحنا ارتحنا بالغرف .. وعمتي وبناتها مستغربين .. لانو مافي فايدة من روحتنا
.
.
انا وعمي مو اقل منون .. ايامنا مشت طبيعية .. جسمي زاد وزنو .. بسبب كتر الاكل الي باكلو .. وبحس عم انتقم من الاكل
.
.
حتى عائلة عمي لاحظو اكلي .. بس ما حبو يحكو .. مشان ما يحسسوني .. انون حاطين عينون على اكلي
.
.
دلال تجي تتطمن علي وتروح عالبيت .. شودييه كل كم يوم بحكي معها .. وكلاش هجرتها .. دائما تقلي افتحي كلاش .. مشان نحكي مع بعض .. بقلها ما الي نفس افتحها مليت منها
.
.
محمد دائما بفكر فيه .. ولما بدعيلو دموعي ينزلو لحالون .. ولما بخلص دعاء .. بحط راسي عالسجادة .. وببكي على فراقو .. اكتر واحد تأثرت فيه هو محمد
.
.
اجى يوم 10 برمضان .. تسحرنا وصلينا الفجر .. ومشينا انا وعمي
.
.
وصلنا بغداد .. الجو حار اكتر من المرة الماضية .. بس هالمرة بنعرف وين نروح .. مو متل المرة الماضية
.
.
توجهنا عالمشفى .. دخلنا في 4 مراجعين قدامنا .. لاحظت ببغداد شباب وكبار مفطرين .. سألت عمي قال في منون مريضين .. وفي منون بدون سبب مابيصومو
.
.
اجى دورنا .. دخلنا لبسوني متل الروب .. خاص بالجهاز .. وتسطحت على الجزء الداخلي منو .. ودخلت فيه شوي وطالعوني .. رجعت لبست اواعيي
.
.
ليندا: عمو .. شو قال الدكتور
خليل: لازمج عملية
ليندا: عملية شو
خليل: عملية بالدماغ
.
.
ليندا: ليش شو طلع معي
خليل: بسبب الصدمات .. الي صارت وياج .. صار عندج تلف بخلايا الدماغ .. واذا ما تسوين عملية .. راح تنسين كلشي بذاكرتج .. وبعد عمر طويل تموتين
.
.
ليندا: يعني المصايب .. مو ناوية تتركني
خليل: لا تتوقعين اتركج لحالج
.
.
ليندا: رجعنا عالبيت .. وعمليتي تالت يوم العيد .. رجعت مدايقة وبدي انفجر .. من القهر الي فيني .. وبحس صرت تقل على عمي
.
.
كل يوم مريضة .. وكل يوم بدي عملية .. مليت من حالي .. حتى فكرت انتحر .. بس الخوف منعني .. ومابدي اخسر دنيتي واخرتي
.
.
خليني اتحمل واصبر .. بالدنيا ما الي نصيب .. بس إن شاء الله الي نصيب بالاخرة .. تمسكت بصلاتي وقراني .. ودائما استغفر ربي .. وادعي لاهلي وفهد
.
.
ومتأكدة اني طول ما كون متمسكة بالدين .. في رب يحميني .. واذا كل هالشي ابتلاء منو .. فلازم اصبر واتجاوز الاختبار بالصبر والايمان
.
.
هديل ونور ودلال ما قصرو معي .. شودييه ما حكيتلها .. بعرفها رح ينشغل بالها علي .. احلام وايمان لما عرفو اجو زاروني وواسوني .. وعطوني دفعة امل .. كنت بحاجتها
.
.
هبة ما بتعرف بمرضي وما اجت .. خوالي ما حكيتلون .. ودائما يتصلو فيني ويتطمنو علي .. ويصبروني عالي فيني
.
.
نور وهديل تحسن وضعهن .. بيدايقو لما يسمعو بسيرة محمد واحمد .. بس مو متل قبل .. عمليتي نسبة نجاحها 50% .. لان بالدماغ واي غلط بروح فيها
.
.
زاد ايماني وتعلقي بالصلاة والقران .. اخر 10 ايام من رمضان .. بقوم اليل للسحور .. وكل 20-30 دقيقة بصلي ركعتين .. وبقرا قران
.
.
بحس جروحي اختفت بتقربي من ربي .. قرب العيد بس الي ببيت عمي .. مافي بقلوبون اي فرحة .. كل الفرح الي بقلوبون مات
.
.
انا مابدي حدا يباركلي بالعيد .. يوم عرفة اخد عمي زكاة فطر .. ووزعها عن روح اهلي .. وجدي وجدتي وعطى مصاري للمحتاجين
.
.
فرحت لما عمل هيك .. لان اكيد رسم بسمة .. على وجوه بعض المساكين .. ورح يدعولو .. اجى العيد نزلت الصبح
.
.
نور: كل...
ليندا: لا تكملي .. الله يرضى عليكي
نور: ليش
ليندا: العيد مو الي
.
.
نور: هذا عيد رب العالمين .. ومايصير تحجين هيج مهما كان
.
.
ليندا: اجت هديل .. قبل ما تحكي سكتها
.
.
بلشنا بتحظير الفطور .. عمي راح على صلاة العيد .. اجت عمتي عالمطبخ .. باركتلنا بالعيد قبل ما تخلص .. نزلو دموعها على فهد .. وكلنا بكينا معها .. وتحول العيد من فرح لحزن
.
.
بس الحمدلله دائما وابدا .. هدينا ورجع عمي من صلاة العيد .. سلمنا عليه ونزلو دموعو .. على فهد وابي وجدي وجدتي
.
.
خسرناهون كلون مع بعض .. واول عيد يجي علينا بدونون
.
.
بست راسو وقلتلو .. انت كنت تقول ان الله اذا احب عبد ابتلاه .. واحسن حل هو الصبر والايمان .. لهيك اصبر وخلي ايمانك بالله قوي
.
.
ابتسم بوجهي .. وقال كنا مفكرينك بلا عقل .. بس عقلك مافي منو .. حطينا فطور وفطرنا مع بعض
.
.
طلع عمي عالمضيف .. واجت دلال وامها .. سلمنا عليهم .. عمي قال رح يعزم قرايبنا على الغدا .. وكل العشيرة رح تتجمع عندنا
.
.
راح جاب خواريف .. بس ماعرفت عددهن .. وجاب زلمة يشتغل بالطبخ .. مشان ما نتبهدل بالطبخ .. وجاب طباخ كبير وطناجر كبار
.
.
حطوهن بالحديقة .. وبلشو يطبخو .. بلشو قرايبنا يتجمعو .. البيت صار مدرسة المشاغبين من الاطفال
.
.
كل عيلة معون 3/4 اطفال .. والاطفال لما يتجمعو مع بعض .. يجننو قوم كامل
.
.
انا ونور وهديل ودلال .. شغلنا بالمطبخ والبنات خلينا الاطفال عليهن .. كل وحدة اخدت شلة .. ودخلتهون بغرفة
.
.
دخلو احلام وايمان .. باركولنا بالعيد وقعدو يحكو معنا
.
.
احلام: شنو القصة .. ماكو بنات غيركن
نور: كل وحدة اخذت شلة من الاطفال .. ودخلنهم بالغرف
ايمان: الله يعينكم
.
.
ليندا: البيت صار مدرسة المشاغبين
احلام: ههههههه اي والله .. احسن وصف
.
.
حكينا شوي واجو البنات .. والاطفال عملو هجوم .. من جميع المحاور .. ههههههه ناس تصرخ ناس تلعب .. ناس تبكي ناس تضحك .. من الصدمة كنت بدي ابكي
.
.
ليندا: نور
نور: ها للوش
ليندا: نحنا كمان كنا هيك .. لما كنا صغار
نور: هههههههه .. احنا حتى الشياطين تنهزم منا
.
.
الظهر خلص الغدا .. وجمعنا الاطفال بالحوش .. وحطينالون اكل .. مشان ماياكلو مع النسوان .. وحطينا للنسوان
.
.
البنات قسمين .. قسم تغدو عند النسوان .. وقسم بالمطبخ .. شفت ماجد ياخد هو والشباب غدا عالمضيف .. مابعرف ليش ركزت فيه
.
.
شفت فيه فهد .. بس الوجه يختلف .. يعني لو يقفو مع بعض .. واوقف وراهن .. مابفرق بينون .. الله يحفظو ومايصير معو متل فهد
.
.
تغدينا وخلصنا .. وجمعنا الصحون والطناجر بالحديقة .. وقررنا بس يروحو قرايبنا نغسلون .. دلال تشوف الحديقة وترجع تلتفت علي .. وبدها تبكي من الصدمة .. انا حالتي متل حالتها
.
.
اتفقنا البنات مابيروحو .. يساعدونا ونخلص تنظيف .. بعدين يروحو .. وهالشي خفف علينا الصدمة
.
.
في بنت اسمها همسة .. شياطين العالم متجمعين براسها .. ومحدا يسلم من لسانها .. كل ما تشوف وحدة .. تحكيلها كلمة تخلينا كلنا نضحك
.
.
متجمعين بالمطبخ .. هي قاعدة عالكرسي .. وقدامها الطاولة .. صارت تدق عالطاولة وتغني ونحنا نضحك
.
.
قعدنا معها ونغني سوا .. انبسطنا كتير وتركنا الاطفال يهوسو .. عند النسوان وخارج البيت
.
.
بلشو يروحو الناس .. وعمتي قالت الي بدو يروح الله معو .. بس بناتكون محجوزات اليوم .. ما اخليهن يروحن
.
.
خلصو النسوان .. لبسنا اواعي للتنظيف .. وبلشنا بالتنظيف نظفنا البيت ومواعين الغدا
.
.
اجى ماجد .. اخد الطباخ والطناجر الكبار .. وقسم من الصحون جايبون اجار .. ورجعن لصاحبون .. خلصنا تنظيف المغرب
.
.
همسة تمسك الصحن .. على اساس تغسل .. ولما نلتهي تسحب الصوندة وتبللنا بالمي .. خلصنا واواعينا تغسلو معنا بسبب همسة
.
.
شفت صابونة قريبة .. حكيت مع البنات ومسكوها .. جبت الصوندة حطيتها فوق راسها .. وبفرك بالصابونة على راسها وهي تضحك
.
.
خلصنا ورحنا بدلنا اواعينا .. ورجعنا على الاواعي النظيفة .. حطينا عشى وتعشينا
.
.
اجى ماجد بدو ياخد خواتو .. ولان كل البنات الي موجودات قرايبو .. دخل داخل البيت .. اجى عالمطبخ
.
.
ماجد: ايمان احلام .. يلا وياي
همسة: مجود ((وترمش بعيونها))
ماجد: بسم الله .. خوفتيني لازم احترك الفيوز
.
.
الكل: هههههههه
.
.
همسة: اني اخوفك ؟
ماجد: اكلج .. شاربة كاز اليوم ؟
همسة: هههههه لا بانزين .. علمود احبك
.
.
ماجد: ربي .. دزلي وحدة صاكة .. مو دازلي وحدة جلحة ملحة .. هسا هاي شسوي بيها
.
.
ليندا: ماجد الوحيد الي قدر لهمسة .. من الصبح مستلمتنا بهادل .. وماجد بهدلها اكتر .. وتحكي معو وتضحك
.
.
ماجد: يلا ايمان واحلام
نور: ماجد اخذ القوم وياك
ماجد: لا بربج تحجين صدك .. ومنين اوكلهن .. اذا جاعن الله وكيلج ياكلن الحيطان
.
.
نور: ههههههه لا تخليهن عندك .. كل وحدة وصلها لاهلها
ماجد: يرادلي شاحنة .. يلا خلي يجن 6 منكن .. اوصلهن وارجع
.
.
ليندا: البنات الي كانو موجودين مع احلام وايمان 12 .. قسمهون نصين وكل مرة ياخد 6
.
.
وصل البنات .. ورجع اخد القسم التاني .. ومبين عليه التعب .. لان من الصبح يشتغل بالمضيف
.
.
خلصو البنات .. دلال راحت على اهلها .. تمشي متل الزومبي من التعب .. وانا ونور وهديل .. وحدة ساندة التانية ونمشي
.
.
صعدنا على غرفنا .. حطيت راسي ونمت .. رغم الحزن الي بقلبي .. وفقدان الي بحبون .. بس رغم كل هاد .. اليوم انبسطت بوجود البنات
.
.
بالاخص همسة .. رسمت الضحكة على وجهي .. لان ما تركت حدا يسلم من لسانها .. وطول الوقت تمزح
.
.
فقت وقت صلاة الفجر .. جسمي مكسر بدي اتحرك مابقدر .. جبرت نفسي وقمت .. رجليني يوجعوني .. من التعب الي تعبتو بالنهار
.
.
توضيت ورجعت صليت ونمت .. فقت الساعة 8 نزلت تحت مافي حدا .. فتت عالمطبخ .. حطيت الشاي عالنار ونزلت نور
.
.
نور: صباحج ورد
ليندا: صباحك فل
نور: ميتة من التعب بربي
.
.
ليندا: انا كمان والله
نور: يلا خلي نحظر الريوك
.
.
ليندا: نزلت هديل كمان تعبانة .. جهزنا الفطور فطرنا وخلصنا .. تركتون بالمطبخ وصعدت فوق .. رحت على غرفة فهد .. فتحت الباب .. واجى طيفو قدامي .. وكاني عم شوفو بالغرفة
.
.
نزلو دموعي عليه .. دخلت داخل الغرفة .. فتحت الخزانة في اواعي الو بس قليلات
.
.
اخدت تيشيرت الو ... عطرو موجود فيه .. حظنتو وببكي عليه .. شفت صندوق صغير بالخزانة من تحت .. اخدتو وقعدت عالسرير وفتحتو
.
.
حاط فيه صور .. لحفلة عيد ميلادي .. اول ما صار عمري 16 .. بشوف الصور ودموعي تجري
.
.
كانو اهلي كلون معي وفهد موجود كمان .. اختنقت من العبرة الي فيني
.
.
تذكرت لما رجع الصبح مبلل .. وقلتلو الله يفرحنا بعرسك .. قالي تفرحي وين الفرح يا فهد وينو .. الفرح راح معك انت واهلي .. رح موت من الحزن الي تركتوه بعدكون
.
.
الصور بايدي ودموعي ينزلو .. تذكرت لما كنت بفكر بالعرس .. لما راحو اهلي اختفت 5 فرحات .. وبعد محمد وفهد اختفى العرس كلو
.
.
حطيت راسي عالفراش .. وببكي بحسرة عليه هو ومحمد .. تنينون راحو وتركوني .. ليش خليتني اتعلق فيك وتركتني .. يا فهد ليش
.
.
كنت خليني اكرهك .. مشان ما ازعل كتير عليك .. هديت شوي رجعت الصور عالصندوق .. واخدت التيشيرت تبعو ورحت على غرفتي .. حطيتو مع اواعيي ونزلت
.
.
نور: شبيج للوش .. كأنج باجية
ليندا: مافي شي
نور: استهدي بالله حبيبتي .. كلشي يهون إن شاء الله
.
.
ليندا: طلعت لقيت عمي موجود بالصالة مع عمتي
ليندا: عمو فاضي بعد الغدا
خليل: ليش بنيتي
.
.
ليندا: بدي تاخدني لعند هبة .. اخت كرار مشان باركلها بالعيد .. قبل ما اعمل العملية
خليل: تدللين بعد الغدا نروح
ليندا: يسلمو عمو
.
.
تركتو ورجعت عالمطبخ
.
.
ليندا: نور تجو معي على هبة
نور: اني مو جاي على بالي .. اخذي هديل
هديل: اني هم .. مو جاي على بالي
.
.
ليندا: يعني تتركوني لحالي
نور: ما عليه شي حبيبتي .. زوريها ورجعي
ليندا: ماشي
.
.
ليندا: حظرنا الغدا انا والبنات .. حطينا الغدا وتغديت وصعدت فوق .. صليت الظهر انتبهت على نفسي سمنانة كتير .. صايرة متل البرميل
.
.
قررت اعمل رجيم .. مشان اضعف شوي .. بدلت اواعيي ولبست فستان ابيض .. ومطرز ازرق .. لبست كعب ازرق وشال ازرق .. ولبست جبة ونزلت تحت
.
.
خليل: ها بوية جاهزة
ليندا: اي عمو جاهزة
خليل: يلا بوية
.
.
ليندا: ركبنا بالسيارة .. اتصلت عليها قالت عند اهلها .. ورحنا عليهون .. عمي وصلني وبدو يرجع .. وما سمحلو كرار .. لانو دائما يجي عندنا يتغدا .. ومابيصير عمي يروح بدون عشى
.
.
دخلت انا عند هبة وامها
.
.
ليندا: كل عام وانتي بخير
هبة: وانتي بالف خير ياروحي
.
.
ليندا: سلمت عليها وعلى امها وزوجة كرار .. اخدتني فوق تشوفني الصور تبع عرسها .. ماشفتون من قبل
.
.
هبة: شاكو ماكو
ليندا: مافي شي .. بس حبيت اجي عليكي قبل العملية
هبة: ((باستغراب)) عملية شنو
.
.
ليندا: ها .. لا مافي شي
هبة: للوش احجي الصراحة .. عملية شنو
ليندا: عملية بالدماغ
.
.
هبة: ((ضربت خدها)) شنوووو
ليندا: اي والله
.
.
حكيتلها عن الموضوع وسبب العملية .. شفتها صارت بحالة قلق وخايفة علي
.
.
ظليت عندون للعشى .. انبسطت معون بس خوفت هبة بالعملية .. رجعنا انا وعمي بالليل ونمت بكير .. مشان تاني يوم بفيق بكير .. ونروح على بغداد
.
.
فقت تاني يوم الفجر .. صليت وطلعت لقيت عمي عم يتوضى .. مشان يصلي .. عملت فطور وفطر عمي .. وانا مابيصير اكل قبل العملية .. خلصنا ورحنا على بغداد
.
.
اول ما صعدنا .. رجعت ظهر الكرسي لورا ونمت .. فقت قبل ما نوصل
.
.
موعد العملية الساعة 11 الصبح .. وصلنا المشفى الساعة 10:30 .. دخلنا قعدت انتظر انا وعمي
.
.
تذكرت لما كنت بروح مع فهد .. على عمليات التجميل .. وكنت انتظر وهو وامي يشجعوني .. ويدعولي بالخير وان تنجح عمليتي
.
.
مابعرف ليش خايفة .. لما قرب مني الموت .. مع اني كنت اتمنى بموت وارتاح .. انتظرنا نص ساعة اجى الممرض .. قال انتي ليندا عماد .. قلتلو اي قال تفضلي معي
.
.
غيرت اواعيي .. ودخلت على غرفة العمليات .. خدروني وبلشو بالعملية
.
.
العملية لان بالدماغ .. ما عطو لعمي نتيجة مضمونة .. لان بس الله يعرف شو رح يصير بالعملية .. ومكانها كتير خطر وحساس .. اي غلطة يروح المريض منون
.
.
عمي واقف بالممر .. ويدعي اطلع بخير من العملية .. انتظر نص ساعة ومافي .. وساعة ومافي طلع الممرض .. وسحب منو بطل دم .. لاني نزفت كتير بالعملية
.
.
اخير شي صار ساعتين .. الدكتور عم يكمل العملية .. فجئة صفر جهاز النبض
.
.
الدكتور: انطوني جهاز الانعاش بسرعة
الممرض: تفضل دكتور
الدكتور: حطو عال 250
.
.
الممرض: 250 جاهز
جرب مافي فايدة
الدكتور: 300
الممرض: 300 جاهز
.
.
ليندا: حاول مافاد .. نزل جهاز الانعاش
الدكتور: ان لله وانا اليه راجعون
.
.
ليندا: غطو وجهي .. ووقفو العملية وطلع الدكتور
خليل: ها دكتور بشر
الدكتور: البقية بحياتك والله يرحمها
.
.
خليل: لا دكتور رحمة على اهلك
الدكتور: كلبها توقف فجئة .. حاولنا ننقذها ماكدرنا .. والاعمار بيد الله .. ادعولها بالرحمة والمغفرة
.
.
خليل: نزلو دموعو .. لا اله الا الله .. الله يرحمج يا ليندا .. عانيتي اكثر من اي واحد .. بالاخير رحتي ويا الي راحو .. تركتينا ورحتي مع فهد واهلج .. كل هالكلام بتفكير عمي
.
.
خليل: دكتور ايمتى اكدر اخذها
الدكتور: بعد شوية تكدر تستلم الجنازة .. اني استرخص
خليل: الله وياك
.
.
حط ايدو على راسو .. ومابيعرف شو يعمل .. الموت ملاحق عيلة اخوه من كل جهة .. ومو مخليلهم مهرب
.
.....يتبع
(( هذه ليست النهاية ابقوا معنا للاحداث القادمة))