في نور عينيه

البارت الرابع

ومن حَبيته
ما حَبني
ورَغم ذاك التعب وَياه
تَعبني
هَدم محروگ
اضَحي بَروحـي
ويذبني..♥️

الإسم :الكاتبة هُيـــــام
القصة :في نور عينيه

°°°°°°°°°°°°°°°°°°°°°°
'''''''''''''''''''''''''''

جُمعة مباركة عليكم واتباديات عيني راح يصير وقت النشر حسب فراغكم ما اخلي موعد ثابت
وتعليقاتجن الحلوة بين الفقرات شو ما جاي أشوفها؟؟!

إذا وصل البارت الف تعليق انزل بارت ثاني اليوم ب11:00
واذا ما أوصل اعتذر مقدماً

* اضغطن ضغطة مطولة ع النص الي يعجبجن وعلقن

ياسمين

يوم الخميس رجع ضرغام من دوامو
واجه حت يبقئ الجمعة والسبت
نزل من سيارته وتوجه لأهله سلم عليهم
صارت الكعدة بعد العشا نص الولد طلعو

وغدير ورغد أخذن زاوية وكعدن يسولفن وحدهن
وإني وميار ونسرين وضحئ وسجاوي كاعدين
حمزة كاعد ع التخم ورافع رجل وبيدة الجاي

حمزة : ام السادس قريتي لا...

ياسمين : اليوم خميس ماقره عندي عطله يومين...

هز راسه بقبول ودار وجهه وبقة يحجي وي ضرغام
بعد هاي الفترة كلها حمزة صار دايما يراجعلي المواد ويدرسني
ثاني اليوم الجمعة جنة كاعدين

باوعلي حمزة وحجة
حمزة : يلا جيبي الكتب وتعاي للديوانية...

ياسمين : خليها ع باجر...

حمزة : جيبي الكتب ...

ياسمين : اليوم جمعة...

حمزة : اي وباجر سبت...

جبت الكتب ولحكتة للديوانية
طشرتهم وكعدت اخاف احجي ويا
واكلو ماريد أقرة تايكصب راسي
صفنت ع الكتب وخليت الجنطة جوه ايدي
وانتجيت عليها وهو مقابيلي ع الديوان

حمزة : طلعي الاقتصاد والجغرافية...

رفعتلة عيوني وطلعتهم وخليتهم كبالي

حمزة : يلا اقري...

ياسمين : ما أريد...

حمزة :ولج بوية عليش تورين كلبي...

ياسمين : ما اورو لكلبك اني ماريد أقره...

حمزة : عدي السادس ع خير تانشوف وجه الله وين...

ياسمين : انه الارسب لو أنته...

حمزة : انه صارلي سنين راسب وخسران...