في نور عينيه

البارات الرابع عشر

ويگرهني بس ما كرهه
ودنگت إبوس ايده وضَحك!
لا شالني ولاجرَها
بس إني هم مابيه حظ
لو بيه حظ إگسرها.

الكاتبة هُـــــيام

في نور عينيه

°°°°°°°°°
''''''''''''

* لا تنسون التعليقات بين الفقرات ومتابعة للحساب

رانسي : امشييييي نزليييي مسرة امشي نزلي...

مسرة : فهميني شبيج...

رانسي : امشي اتخبل منكم...
نزلت وعافتني وملامح الصدمة تعتلي وجها

صعدلي إحسان وحسام
إحسان : شبيج بابا ليش تصيحين...

رانسي : طلعووو برا امشي اطلع عن غرفتي اطلع برا بسرعه...

كعد يمي كبل دفعتة
شفت حسام كبل تهجمت علي
حسيتة مجرم
هو ما أنطة ردة فعل ضربته لزمته من قميصه جريته برا
ردت شي ابرد كلبي بي

احسان : امشي انزل حسام...

من شفته ينزل وهو مصدوم

رفعت نفسي من مكاني وهجمت علي

رانسي : كله بسببببك الله لا ينطيك راح يكتلوني الله لا يوفقككككك

اسمع صوت امي صياح تريد تعرف شكو بس من يدخل لمسامعي احسه صوت
ام كرار
صيحت بجيت
رانسي : سكتهااااااا سكتها اكتلها بيدي واالله لحد يخليها تحجي

إحسان صاح بصوت عالي ونزل حسام

لا إرادي اجاني شعور راح يروح مني خفت ينزل ويروح مني

حضنته وقفتة اوكف حسام وصرت ابجي لا يكتلوك عليك الله لا تخلي احد يكتلك

ما طلعت منه أي ردة فعل
رانسي : تروح تنزل جوة خاف يكتلوك لو تبقه يمي

سكت جاوبت روحي اني
رانسي : اي اي انزل جوة انزل نزله إحسان راح ينكتل

.....
بعد ما مر ٣ اسابيع ع رجوعي لبيت اهلي
بديت اختنك واحس بضوجة
صرت اتذكر الي صار بيت اهل كرار
كبل انزل يم البنات
لا اكو جامعة تلهيني وانسة ولا شي يشغل تفكيري
صرت انزل جوه حت ما ابقه افكر بالصار ويايه

خلصت ٣ اسابيع بالأسبوع الرابع صرت اتحلم
صرت اشوف أمير يتحرش بية
اطفر من نومي ابجي واروح أصلي
نزلت انام يم امي جوة
الضهر مابيه شي واضحك واسولف بس كوة لأن الخنكة صارت تسيطر علية
عدة شهر علية
تخبلت ع اهلي صرت ابجي واصيح
واذا واحد تشاقة وياي انفر بوجهه
بعد ما أصيح واسوي مشكلة ارجع لوعيي اكول هاي شبيه اني
احاول اسيطر ع نفسي
صرت اكعد فوك ما انزل اصيح ع البنات اخوتي يصعدون
اريد اكوم اخنكهم