في نور عينيه

البارت العاشر

حال ضرغام

حنيتلك
‏وادري اليحن
‏يبچي ويموت بسكتة
‏مو مال نتعاتب بعد !
‏راح المعاتب وكتة
‏ومن ياهي ابدي بفركتك
‏خليتني معلعل واون
‏ماضل وجع ما ضكتة .

______________________
°°°°°°°°°°°

بقلم : الكاتبة هُيـــــام.
القصة : في نور عينيه

* شوفوني سوالفكم الحلوة وتوقعاتكم ♥️

اريد اخابر ياسمين لأن ائيست ٣ مكالمات وما رد
رفعت تليفوني اتصل ضرغام
جاوبتة بسرعة واني ابجي وعليت صوتي من حركت كلبي

رانسي : مو كتليييي بس يأذوج اتصال واحد تلكيني يمج ...

ضرغام : احجي بسررررعة وين انتي...

رانسي : مادري...

ضرغام : جايج لا تسدي...

بقيت ابجي

ضرغام : بس لتبجين لتبجييين ...

علة صوتي بالبكاء والشهكات متتالية

ضرغام : احجي بويه بس فهميني بالبيت لو طالعه...

رانسي : لا طلعت شردت منهم...

ضرغام : وين واكفة...

رانسي ع الشارع العام ورا السيارة الجلاب يركضن وراية ...

اقل ال٨ دقايق كلي

ضرغام : راح اشتت ضوة السيارة...

رانسي : ماكو ضوة سيارة ....
بقه يتقدم
ضرغام :ها؟!

رانسي شفت الضوه طلعت من ورا السيارة الخاتلة بيها
ركضت هو لمحني عاف السيارة مفتوحة وفتح الباب وجاني
التلفون بيدي

ردت احضنه فتحلي ادية
وصلت يمة ابتعدت

كعدت بصفه بالكاع وصرت ابجي
اتملكني شعور احضنه وادفن روحي بصدره
وشيصير خل يصير
ردت احس اني ب أمان بس ماكدرت انمعنت

حجة بغصة بشفقة ب ألم ب انكسار مادري شنو نبرته
ضرغام : ذبحتيني كافي •

فتح فلاش تليفونه وضوة السيارة جان مفتوح خله الفلاش
بالكاع صار الضوه لفوك
رفعت عيوني بوجهه شرايين حمر بعيونة

حاجيتة بتوسل واني مستخيفة من واقعي الأليم
والموقف الاني بي

رانسي : انذليت اريد ابوية...

ما تحمل جرني لحضنة كتفي صار ع صدره كتفت ادية
وصعدتهن لصدري

ضرغام : اصيرلج ابو لا تبجين مو كلبي راح يوكف...