في نور عينيه

البارت الأول

تريد تعرف شنهو اليوجعني ؟
أنت والدنيا وشتا الله ،
وخبصه الودام وحظي ،
والضياع الماد رجله بوجه عمري ،
والأماني المدري ياهو باك بيهن !
والليالي التاخذ من الحيل من ترد تكضي ،
و الضوه المايشتهيني ،
والهوا الما يعتنيلي ،
والسما الما كمت أثق بيها ،
من طفه وجهك بعيني ،
ذني كلهن يوجعني !!

الاسم : الكاتبة هُيـــــام
القصة : في نور عينيه

°°°°°°°°°°°°°°°°°°°°°°°°°°°°°
''''''''''''''''''''''''''''''''''''

*واتباديات عيني تكدرون تعلقون ع أي نص يعجبكم من البارت
مجرد تضغطون ع الكلام ضغطة مطوله وتعلقون

lnstagram :-  hiy.am99

رانسي :لج أديان عليج الله امشي سريع صدك تحجين هسه نترزل ....

أديان : يووو شجاج لا تتخبلين هسه شيكولون ....

رانسي : يكولون راح يدخلن للقاعة متأخرات وننطرد ....

أديان: اسكتي عني خل اتخيل صارلنا سنتين وما صار هذا الموقف يجي واحد عود ميدري ويمشي سريع ويصطدم بيچ وعساس انتي ترفعين عيونج جنهن عيون بقرة وهو عود عصبي يكلج عمية انتي شبيج متشوفين وأنتي توكعين بغرامة

كملت كلامها وهي مندمجة ومقلصة نضرات عيونها بخباثة والتفتلي
باوعلتها بنظرات مستهتزأ

رانسي : والله ياربي....

كملت تخيلاتها وما مهتمة

أديان : لا وشنو توكفون سوة بنفس اللحضة وراس ينركع برأس وانتي باقيه بس نص عقل وهذا النص يطير وتعاي ي أديان تحملي خبال رانسي .

تمللت وحجيت

رانسي : بلة بروح الحسين منو مخبل حاليآ أني لو انتي
بهاي تخيلاتج.
يلا امشي هسة اني رايحة لقسمي
شوفي بس تطلعين من المحاضرة رمشيلي نلتقي بالنادي...

اتفقنا اني واديان وكلمن راحت ع قسمها
رحت دخلت للمحاضرة وكملت
اتصلت علية رحتلها ودخلنا للنادي
أول ما شفتها لكيتها ادردم وتحجي وي روحها

كتلها ها طكن. ؟...

أديان : شو انجبي انتي....

رانسي : شكو....

أديان بقهر : خابرني ميثم...

رانسي : اي وشكلج...

صفنت علية ودمعت
أديان : يكلي شوكت اجي مو طكت روحي...

رانسي : اي يا عيني لشوكت تبقين هيج ....

أديان : ليش هو بيدي والله اذا امي درت حت من الجامعة تبطلني وبس يجي يرفضون اهلي واعرفهم...