في نور عينيه

البارت الخامس والأربعــــــــــون

..

گبل لا يغفى كل شارع بالولاية
اغنيلك و ألوليلك أگلك نام بعيوني
گبل لا تنده الوحشة مواويلك
و گبل لا تشرب الصفنة
و تحن للناس و تغيب بتواسيلك
و گبل جية النهار يخضر خيالي
آنة شما يكبر خيالي أفييلَك

في نور عينيه
الكاتبة هُـــــيام

______""_______""_________" "" _______""________" "

مساء الخير عليكم فراشاتي الحلوات  ولكمممممممم
يممممممةةةةةةةة مشتاقتلكم بكد الدنيا
تعالووووووووو حضن مال وحده مشتاقة 🦋❤️

......

....

لا تنسون التصويت  وسوالفكم الحلوة بالتعليقات... ♥️

...

...

هو انت اصلا مو رجال من يوم يومك
وغبيه بعد التثق بيك وتأمن
امداني عبني باوعت لوجهك النحس واذا بعد هددت لاخلي هشام التحجي عنو مو بس هيج يسوي اصلآ يعدمها لحياتك

_ اصبريلي ثواني وشوفي الصور الي راح
يوصلجن وعود بعدين هددي..

_ باي حضر..

_ إذا حضرتي تتندمين..

دزلي صورتين فتحن
حسيت كلبي راد يوكف
الهوى ضاك عليه ايدي رجفت
من شفت روحي
الدم جمد بجسمي موقف هزني هز

شلووون؟؟ وشوكت؟؟ شلون وصلنه الصور
صرت اكتب وامسح شكتب مادري دزلي ضحكة

حسيت روحي غابت مني
كعدت ع طرف الچرباية
ايدي بحلكي اكل ب اظافري

_ ها وين لسانج بت ال عمران؟..

__ امسحهن جابر شجابهن عندك..

_ هههههههه فدوة لهل العيون البصورة
شوف الوجه مرسوم اويلي كون بيدي..

__ لا تحجي هيجي جابر امسحهن لا ونبي محمد ميصير خير عليك.. َ.

_ ما حزرتي مو بهل السهولة..

__ شناوي جابر..

_ ما فارغلج بعدين يلة باي
عود إذا تردين تحضرين حضري هه
ودزلي سمايل يغمز

كمت اشيل روحي واركعها بالكاع
حرك اعصابي حرك
حجيت ردت يرد علية ماكو اختفى طفة النت
كمت ابجي واملخ بخدودي

طبت ياسمين وتحجي
ياسمين : وين موباي..

من شافتني فتحت عيونها
ركضت
ياسمين : ياااا ولج شبيج احجي شكو..