في نور عينيه

البارت الرابع والثلاثون

و كون تِنباع السوالف
شكو حچاية تحبها ، أروح آنة أشتريها
و أشتريلك كُل أحِبّك
بايتة بحلگ أخرَس و ما حاچي بيها .

في نور عينيه
الكاتبة هُـــــيام

°. °. °. °. °. °. °. °. °. °. °. °. °. °.

التصويت وتعليقاتكم الحلوة لا تنسوهن بقلاوات
وعذورني اتاخرت بس حاولت اكمل الأحداث بهل البارت وما اقطعها
وطولتة الكم 💚✨

___

اجتني رسالة
. فتحتها بسرعة عبالك كلبي علمني منه

'' بَروحي مشتعلة نـــــار
مدري شمالني نَســـــرة

چنت رايد منچ حَچااية تطفي ناري
وتلم روحي الما جاي اعرف المها "

عضيت شفتي وقفلت التليفون بقيت ضاغطة
علي بكل قوتي احس الدم صار يغلي براسي

الندم اكلني ليش ما حجيت ليش لساني ما نطق كباله
استرجعت الموقف كبالي صار ينعاد كل ثانيه بعقلي

من كلي '' ادعيلي اردلج سالم '' ليش لساني انعقد
اني جنت رايده احجي ليش الحجاية ما طلعت من حلكي

عيوني دمعن علي موقفة حز بخاطري
صفنت ع الطريق وعيوني يحركني
والوم بروحي اسمع حجي اهلي

ام إحسان : سودة علية ضرغام راح اوحيدة..

إحسان : يمة غير شغل عنده واذا راح وحده..

ام إحسان : متبهذل الرجال باقي يروح من مكان لمكان
الله يفرج همه..

إحسان : الله يوفقة بحياته والله يستاهل كل خير..

نقاشهم علي خلاني افور بزايد أميرة كلسا ندستني
اميرة : بيج شي..

اهزلها راسي ب لا واسكت

باوعلي إحسان بالمراية
إحسان : رنوسة..

مادري بي يحجي

ندستني اميرة

نَســـــرة : ها

إحسان : شبيج باباتي..

نَســـــرة : شنو شبيه..

إحسان : مادري احسج ضايجة..

نَســـــرة : لا شايلة هم للامتحانات شيخلصهن..

إحسان : كولي يا الله رنوسة بابا هن بدن حت تشيلين هم..

نَســـــرة : الله كريم..

تنهدت وسكتت اني اصلا بالي مو يم الامتحانات
بس ماريده يشك بيه او يحس
خابر احسان ع حسن حت يتفقون ع مكان