في نور عينيه

البارت الثالث والثلاثون

يا بَعد رجفات إيدية
چا ما حّن گلبك عليه ؟
عِيشتي بتناقُض
ما بين حُبك المثل السم و يسري بحناية رُوحي ،
و ما بين أحسّك دّوة لكُل جَروحي
و إنتَ من هايَ و أتخيل ،
شگد بروحي أذية .

في نور عينيه
الكاتبة هُـــــيام

__________________

البارت كلش طويل متتصورن التعب والله
فرحوني بالتعليقات وخرو تعبي بتفاعلكم

لا تنسن التصويت وتعلقن بين الفقرات اضغطن ضغطة مطولة ع النص وشوفوني سوالفكم الحلوة ✨💚

تفاعلكم واندماجكم بالقصة يخليني استمر ..

°. °. . °. °. . °. °. . °. °. . °. °. . °. °.

الايام تمشي ونفسية الإنسان شوية شوية تتعافى
بالجامعة منعزله إلى أبعد حد خطوة برة البيت
ما اخطيها إذا ما أنطي علم لاحد صارت بية خوفة

ما بقة اسبوع ونعطل هاي اخر محاضرات ناخذها
حت نبدي نمتحن فاينل لأن أحنة نمتحن قبل المرحلة
الأولى وبعدين هم ورانه يمتحنون لأن دوامات المرحلة
الاولى دايما يتأخرون بالدوام لذلك احنه لازم نكمل قبلهم
امتحانات ورانة هم امتحاناتهم

يوم الثلاثاء الصبح
كعدت لبست كالعادة وخليت مكياجي
وعدلت نفسي وأخذت أشيائي ونزلت

نَســـــرة : صباح الخير..

كلهم ردو علية كعدت اكل وياهم
بين ما يكمل إحسان لبس ونطلع سوية

طلعنة ونزل وياي دخليني لبوابة الجامعة لجوة وراح
رحت عندي محاضرة ٨ ونص دخلت وكعدت

ضرغام : صباح الخَيـــــر..

الكل : صباح النور..

دنك يفتح جنطة الحاسبه وهو يربطها بالبلازمة ويحجي
ضرغام : شلونهم المجاهدون في جو الجامعة وسحلة الامتحانات..

ضحكنا

__ اي والله دكتور شايلين هم

طالب اخر : دكتور هسة لو نتوقف محاضرات حت نبدي نقرة..

__ دكتور والله كلش جاي نتعب

بدة كلام الطالب وهو يطلع بالمحاضرة ويستمع
الهم وابتسامة ع محياه

ضرغام : ول يابة هاي شني الطاقة السلبية ترستوني من صباح الله
وانه جنت متفائل..

_ هههههههه اي دكتور لعد شنسوي..

ضرغام : هدو يابة هدو تعايشو وي كلشي بدون ما تذمرون
لا تخلون أفكار سلبيه تجمع براسكم وانتو كلشي ما بيكم..