في نور عينيه

البارت السابع والثلاثون

يلـ مخليني أحِبّ الدنيا حِبني آكثر
انه بعيونك التميت ، وچنت مثل الهوى مطشر
حلاتك ماجزتني منين ماصدلك حِلم يكبر
چنت كِلش بسيط وفوضوي وتعبان !
ماچنت ادري هيچ اليحب يطّور .
الناس تگلي شو كبران؟..
مايدرون انت الچنت أدور عنه
بين الناس حَتى أصغر ..

في نور عينيه
الكاتبة هُـــــيام

كدما طلبتو وتسئلون عن حساب الانستا
سويت حساب لخاطركم

lnstagram :- hiy.am99

_______

لا تنسون التصويت وتعليقاتكم الحلوة 💚✨

________

كاعدة بالغرفة المكياج يمي منثور ع ميز التواليت اني مكيجت نفسي وكللي روحي للصالون ماقبلت اني احب مكياجي وأريد التغيير الكامل للعرس لأن لمسات ام الصالون حتى لو عقد تخفي الملامح

سويت مكياج ترابي ألوان هادئة خليت الحمرة نود مو لون صارخ صار شي كلش يجنن بال3 الضهر طبن النسوان
جنت بالغرفة شيماء تسحب بشعري واني امكيج

دخلن ياسمين ونسرين طفرتلهن وضحكنا بحماس
نسرين : يولللل لا تمعطينا بالبوس يتخرررب المكياج..

نَســـــرة : لج عابت غير مشتاقتلجن..

راحت نسرين تسلم ع شيماء وبعدها ياسمين سلمت

نطقت ياسمين ب استعجال

ياسمين : بسرعة بسرعة لبسي قبل لا يجون..

هميت نفسي ب استعجال رحت لكنتوري طلعت فستاني
جرتني ياسمين

ياسمين :هاي شراح تسوين..

نَســـــرة : البس غير..

نسرين :ههههههه لا عيني أسد آل عمران دز لل لبوة مالتو ثوب ع ذوقو..

مدتلي إيدها ياسمين وانطتني
بوكس مغلف بطريقة تجنن فتحت الأوراق برقة وطلعته

فستان زيتوني طوووخ رفعته جمالة ياخذ العقل
مفتوح من يم الصدر برسمة رهيبة ع شكل قلب
واكمام طويل من جهة وحدة والثانية ما بيها ردن
ومخصر شغل كرستال بالردن وع أماكن متفرقة
ومن يم البطن فتحات مثلثة بيها تول خفيف

ضحكت شبيه للفستان الي لبسته بعرس علاء
بس هذا چان مفتوح أكثر وأجمل بألف مرة
من الي اخذته بعرس علاء لأن ذاك جان هادئ مابي شي

طردتهن من الغرفة حت البس نزعت دشدادشتي الخفيفة
ولبستة ورفعت شعري حت ما يچلب باوعت للمراية

شفت أثر الحرك المرسوم ع صدري نزلت دمعتي من عيني
احس اختنكت حت عقد ماريد ولا زواج ولا ضرغام ماريد احد.