في نور عينيه

البارت الثامن والثلاثون

وبلكت أخذها من أهلها
وعيني تفرفح نظر
وبلكت الم سنيني يمها
وتصير اقربلي من النظر

الكاتبة هُـــــيام
في نور عينيه

_____

رمضان كريم عليكم اعاده الله بالخير والصحة
ان شاء الله  الما معرسه رمضان القادم عد رجلها وتخلصنا منها 😂عزمني مو  تخلن الرجل ينسيجن حبجن الي

والما عدها ذريه يرزقها رب العزة ويملي حضنها بطفل يفرح كلبها 🥺

والبالها ما مرتاح يفرج همها وينزاح الحزن..

أكلجن شو انتن  تهيلكتن عليه😡 جنت انزل بارت قصير
ع كل فقرة تعلقن وهسه اسوي البارت بكد الدنيا وما تعلقن
اني اعلمجن الا اشوفجن عيني الحمرة
جذب والله ماعندي عين حمرة لا تخافن 🌚💚

lnstagram:    hiy.am99

_______

كمل كلامة وباوعلي خليت ادية ع وجهي وبچيت ع الآلم العايشه
ضحك ولمني بحضنه شون طفلة وتبجي َ وابوها يريد يسكتها

ضرغام : يول ابوية انتِ لا تبجين المهم رجعتيلي
وجااي اول سبت للكافل وكلبي بارد..

حجيت واني ابجي
نَســـــرة : عذبتك عشت عيشة الضيم واني مو قصدي ..

ضرغام: ضــنـَـــه گلبي ضيمج سعادة عندي ..

نَســـــرة : بعد ماعوفك..

ضرغام : فضحتينا بوية ستري علية..

ضحكت وخرت وجهي عنه
مسح دموعي بكفوف ايدة الضخمة الحنينة وهو يبتسملي

ضرغام : مسحيلي دمعاتج عندي موضوع وياج..

مسحت وجهي بالكلنكس
رانسي : كول ..

ضرغام : راح احجي بس لا تقاطعيني
ولو ادريبة مو طبعج بس حتى لو   ومن اكمل جاوبيني خوش؟. .

هزيت راسي استمعلة
ضرغام : بالبداية كلنا ضيوف بهاي الدنيا وما ماخذين شي ويانه راح نوكف كبال رب العالمين كما خلقنا ماعدنه غير متاع الآخرة الي هيه أعمالنا المتاع تنوع وتعدد والاعمال الزينة چثيرة  ف الستر والأخلاق حلاوة الدُنيا ومتاعج للاخرة   هن الي يخلن البنية تمشي بثقة ومسيطرة وما يهزها ريح ليش لأن ما عاصية ربها ولا أهل بيتو

أعترفلج الستر مو قطعة قماش سودة تتخلى ع الرأس
لان اكو چثير بنوات  مغلفه الأخلاق الرذيئة بالعبايه ومشوهه سمعتها للعباية مثل اليدس السم بالعسل

الستر هو أن احفظ واضم كلشي رب العالمين انطينا وحللو للمحارم وحرمو لليحل  كلشي عدنه أمانة ومن انخلقنا للدنيا رب العالمين ما انطانه شي ناقص او بي خلل بغض النظر عن الاختلاف والتفاوت بين الناس