في نور عينيه

البارات الواحد والعشرون

و يلوموني •
أحسك تكبر بروحي و يلوموني
و انا بلا شوفتك اشتنفع عيوني
يا شوكَي
و رجوتي
و دنيتي
و لوني
و عذابي
و لهفتي
و شكواي
و ضنوني
يخي عونك عليه ، و بيك خي عوني
يواهس تضحك الدنيا على شفافك
يا ابو ليل الحلو اليلعب على جتافك
أحس روحي تأمن بيك وتخافك
و أحسك مدري شنهو انتَ
لغز ، لا حجي ، لا سكتة
( ولا غيرك نبع بالشوگ يرويني )
و توصيني لوَنّك مو دمع ما شالتك عيني ".

في نور عينيه
الكاتبة هُـــــيام

____________________

بس تخيلو من ال5 الفجر لحد الان اني اكتب للبارت
كلت اليوم نفوز ولازم انطيهم هدية
كلبي جان حاس الفرحة تصير من نصيبنا

2023/1/19 ❤️ كأس الخليج 25

توتر وشد أعصاب فوران دم بنهاية فرحة تجنن

عبرولي عن فرحتكم ب اندماجكم وي فقرات القصة والتصويت

____________

كعدت من نومي اطكطك
مخلية ادية بجيوبي
وكمت للمطبخ اشرب ماي
من فتحت الاضوية ما شفت ضرغام
خفت رفعت البردة
لكيتة كاعد برة ويدخن وبيدة. كلاصة
الوقت متأخر مديت راسي
دار وجهه  من صوت الباب
ابتسملي واشرلي بيدة

چان لابس عباية رجالية
تصير من فرو لونها جوزي
  وثخينة كلش وچببرة
مخليها ع متونة وما مدخل ادي بالردانات

خلة الكلاص ع جهه
وفتحلي العباية  تقدمتلة
وكعدت يمة غطاني ويا
وطلعت بس راسي
وجان الجو بارد ويجنن
كلش حلو عدهم الجو وخاصتا بالمناطق الزراعية
الهوى يصير أضعاف نسمتة تصير باردة
رجف جسمي من البرد

رانسي : ششششح باردة…

ضرغام :هسة تدفين
__ شمكعدج بهل الليل…

رانسي :  عطشانة وكعدت
_ أنت ليش منايم شمكعدك …

ضرغام :  نوم الليل ما يلوك للعاشك…

ضحكت ورفعت راسي الة
رانسي : وأنت شنو عاشق ؟…

ضرغام :  واكع ومحد مسمي علي…

رانسي : هههه منية الوكعت علمودها…

ضرغام : وحدة شيبت راسي…

رانسي : ادري بيها وحدة بس منو…

ضرغام : متعرفينها…

رانسي : تدري بيك عقدت علية…

ضرغام : ممممم…

رانسي : وشسوت شنو ردة فعلها…

ضرغام : ماسوت شي …

رانسي :  ليش؟  شنو متغار عليك؟ …

ضرغام :چؤ…

رانسي : يعني اذا تدري بية هسة
اني بين احضانك متغار ؟…