في نور عينيه

البارت الرابع والأربعــــــــــون

كلشي ضِدي
حَتى هذا الليل ضِدي
مِن بديت اسهَر
غفَى و خلاني وَحدي
هوَ اني شضَال عِندي؟
غِير القهر ودموع خدي

في نور عينيه
الكاتبة هُيام

___________

فراشاتي اميراتي كُل عام وأنتو بمليون خير يارب سنة سعيدة عليكم
تنعاد عليكم بالصحة والعافية 🥺❤️

احبكم بكد الدنيا اني يا احلة فراشات☹️🦋❤️
..

..

..

..

لا تنسون التعليقات والتصويت لأن سوالفكم حلوة من تتفاعلون واحسكم عايشين وي ابطالي..

______________

هشام : منو تايتصل عليج؟؟؟..

درت وجهي علي كتلو
نسرين : صديقتي..

أشر ع الموبايل
هشام : جاوبيها..

درت وجهي ع الجامة بعدم اهتمام
نسرين : عوفها تعاركنا انه وياها..

سكت ورث الجكارة جنت مخليتو الموبايل بحضني
ع العبايه ومچتفةايدي بضوجة ودايرة وجهي

بحركة وكف السيارة بمكان جر بريك
وسحب الموبايل بحركة سريعة منو

حسيت كلبي كام يرجف لزمت ايدو
دحك بوجهي ونزل نضراتو ع ايدي
لزمت الموبايل حيل منو اريد اخذو

كلي بصوت ينفض غضب
هشام : هدي الموبايل..

بلعت ريكي من الخوف الدم نشف بوجهي
نسرين : شبيك هشام..

رمقني بنظرات مريبة رفع حاجبو وأشر ع الموبايل
هشام : هدي بساع..

مدري شلون طلعت الحجاية مني وشلون فكرت بيها مادري
نسرين : مخلية صوري خلفية عوفو..

ركز نضراتو علية ثواني بس صارن شطولهن عندي
كلبي رجف. من الخوف مدلي الموبايل وحجة
من بين دخان الجكاير وصوته محتقن غضب

هشام : غيريهن..

حسيت ايدي تنكث من الرجيف خفت لا يحس بيه
درت عنو حت ميشوف سويت روحي اغير الخليفة غيرت
اسم جابر وسميتو جنان جامعة

شكو مكالمة منو تبدل اسمها طلعت
من جهات الاتصال بسرعة ما طولت عندي دقيقه

مديت الموبايل إلو جرة قرة الإسم وسكت شمر الموبايل
بحضني ودحكلي بنظرة استهزاء حسيتو ما قانع
كلبي وكع بالكاع من الخوف ثنينه سكتنا محد حجة بعد
بس لو انذبح قطرة دم ما يلكون بجسمي كد ما خفت وتوترت