في نور عينيه

البارت الثامن والعشرون

ارد أگلك كلشي بعيونـك خذاني
وارد أگلك فاهيـة عُيون البشر
من غير رسمك ارد أشمك
وأرجع صغير أضمُك
وأترس الدنيا ورد
أنت يا آخر اُغنية تتيـه
مني وماترد .

في نور عينيه
الكاتبة هُـــــيام

~~~~~~~~~~~~~~~~

وعُذرا ع التأخير وشكراً لان تحملتو جنت بالزيارة واندعيتلكم
وعظم الله لكم الأجر ب استشهاد الإمام الكاظم

والبارت كلش طويل حبيباتي عوضتكم 
لحد تكول قصير فدوة لعينكم بعد شكد تردوني اكتب

التعليقات ع الفقرات  وسوالفكم الحلوة بيها لا تنسوها. 💚✨

___________

ياسمين

صعدت لفوك اريد ألم الملابس
تعديت من غرفة وفاء سمعت اسم حمزة بلسانها
وكفت ورة الباب واسمع كلامها 

وفاء : هاي اختج عذراء تحرك الكلب ما تعرف تجر حمزة..

__ أكلها امشي اصعديلو لفوك سولفي ويا شوية
خل يركز بوجهج يشوفج..

__ عوفج من حمزة وعذراء لأن هاي الجنها بسممار لازكة بذيالو مچلبة بي من ياختو..

__ عجبتيني والله شون قنعتي ولو انه ادري بيه راح يقنع
لان هو ما يرضى بشي اسمو جبر او غصب متشوفينو حجة وي ابوي..

__ اي انه عمدا كتلج ابجي لأن هذوله زلم ال عمران ما يقبلون بالظلم لو سالفة جبر متشوفين نسوانهم مرتاحة ومتللات ذهب..

__ هسة هاي البداية ماطول حجة وي ابوي وهسة ذاك طفش
نوب خله عينج عدل خلي ينتبهلج وانه هم كلما نحجي اجيب طاريج بلكي الله وتصير القسمة وتكعدن هينة وياي..

__ ما يتفوت ضرغام والله من زمان اريدو الج بس غير كون يلتفت عليج ويشوفج يخليج بالو تعيشين براحة وتنسين الضيم العد أهلي..

اسمع الحجي ومصدومة يعني هاي سالفة الخطوبة شني صدك جذب
احس دخت من سوالفهن اريد اسمع بعد شنو ناويات وشني خططهن يعني هاي هن مرتبات الأمور وهي وفاء الصعدت اختها عذراء لفوك احس احتركت صعدت نسرين

أشرتلها  بيدي تسكت حت اسمع
بس ابن وفاء كام يبجي

وفاء :بعدين احاجيج هذا المكموع يبجي وراح يجي أسعد
يله خية مع السلامة..

كبل وخرنه عن الباب
وهاي نسرين كلشي ما مفتهَمة بس تسوي شكو وشصاير

جريتها وسولفتلها السمعتو

نسرين : دخيلك ربييي هاي شني من بشر..

ياسمين : لج نسرين عود تريد تاخذ حمزة
دحكي رجفة ايدي من سمعت..