في نور عينيه

البارت السادس والعشرون

بَعد مَا بي فَرح لُوني
ولا ضحكة التُمر وتغَازل عيُوني
غَراض مِطلگة وبالليل شالونِي .

في نور عينيه
الكاتبة هُـــــيام

_______________________

حبيباتي التنزيل كل أثنين و خميس
الساعة بال11 مساءاً

**سوالفكم الحلوة والتصويت لا تنسوهن

واليوم  ادري البارت قصير

_____________

نسرين : خليها يمي
_ دحكي ياسمينة روحي كعدي يمهم
حت تشوفج كاعدة تأمن وتجي
وانه هينة اختل ما اخليها تشوفني..

ياسمين : عجل شون اريد اسمع وياج..

نسرين :روحي شبيج انه بعدين اسولفلج..

صدك والله راحت ياسمينة
المطبخ يصير بي شلون الفاصل
والمساحة جوة فارغه
فنزلت روحي وختلت بي
طبت وراحت للصاله
شفت خطوات رجليها
مديت راسي بخفة

فاطمة : قبل الله عيني..

جان يلم بالمصلاية كلها

ضرغام : منا ومنكم ، اي تفضلي شنو الموضوع المهم..

فاطمة : خجلانة منك انه ماريد أعرضك لهيج موقف
بس تعرف ماعدنة لا اخو ولا ابن عم حت يحل مشكلتنا..

ضرغام : عليش الخجل كولي إنه اخوج الجبير..

فاطمة : لا أنت مقامك عندي أكبر من هيج الله يحفظك
ان شاء الله ، المهم ابوي يريد يزوجني جايين ناس علية وانه ما قابلة ومن رفضت تعارك وياي وامي مالها كلمة يمو واذا احجي تصير مشكلة ف أتمنى تحجي ويا..

ضرغام : بس بصفتي شني احجي بالموضوع
واكلو بتك لا تزوجها  واذا القسمة زينة أنتِ ليش رافضة..

فاطمة : مادري بس ما قانعة هالمرة واخاف منو بعد أرفض
لأن ذاك اليوم ضل يصيح ويتعارك
لا تفشلني وتخلي يزوجني لأن انه ما عاجبني الوضع..   

ضرغام : ان شاء الله يصير خير اسمع منو واشوف الحجي شني..

تقربت يمو رادت تلزم ايدو وتسوي شكرا شكرآ
رفع ايدو لفوك ووخر انضارو عنها كلها

ضرغام : ايدج يابة لا تمدينها..

فاطمة :ماعرف  من فرحتي مادري شسوي
الله يحفظك ان شاء الله..

ضرغام : ماكو داعي بعدني ما سويت شي ..

فاطمة : شكرآ ضرغام..

هز راسو ودار وجهو يخلي المصلاية بمكانها
من راحت كبل اجتي ياسمينة
طفرتلها اريد اعتها نروح لغرفة جدة لاكانا ضرغام

ضرغام : هلة برية وسكينة..

نسرين : ههههه..

ضرغام : شوكت تصبون العشا من الظهر بلاية أكل  انه..