في نور عينيه

البارت السادس والثلاثون

يلـ مخليني أحِبّ الدنيا حِبني آكثر
انه بعيونك التميت ، وچنت مثل الهوى مطشر
حلاتك ماجزتني منين ماصدلك حِلم يكبر
چنت كِلش بسيط وفوضوي وتعبان !
ماچنت ادري هيچ اليحب يطّور .
الناس تگلي شو كبران؟..
مايدرون انت الچنت أدور عنه
بين الناس حَتى أصغر ..

في نور عينيه
الكاتبة هُـــــيام

________

التمست منكم العذر قبل لا أنشر وكلش هواية احبكم لأنكم متحمليني
ودائما تكلولي هُـــــيام ليش تتأخرين بس شفت مرة شي حلو وبقة بالي

" بكيف الضروف نعيش محد عايش بكيفة"

فهذا جوابي الكم 💚✨

____

إحسان : وهسة احجيلي جوابج بدون مستحة وخجل لأن هذا قرار يخص حياتج وما منه رجعة ، موافقة لو لا؟

الدمعة كحلت عيني ايدي ما ثبتت ولا لحضة
بالي متروس حجي

" إذا رفضت نَســـــرة وما قبلت اخذ فاطمة"

" حاولت تنتحر وتموت"

"فاطمة تحبة وهو رايدها بس بسببج"

🔙

كاعدة لأن ع الموبايل اكلب بالبرامج اجاني إشعار رسالة
رقم مخلي صورة طفل دخلت ع الرساله
اباوع للطفل شايفته وين ما اتذكر لامحة هيج طفل
بس مادري وين بقيت مركزه ع الطفل بين ما ترد عليه
ورة ساعتين ردت علية

مكتوب
_ أريد اخابرنج ماريد هيچ نكتب..

كتبت
___ ليش تتصلين او تتصل علية ومنو غير اعرف..

_أنتِ مالج علاقة عرفتيتي او لا بس انه اريد انطيج
علم بخصوص شي مهم ووراه شتردين تسوين سوي..

بعدني ما كتبت اتصل الرقم فصلته

_ فتحي اني مرة مو رجال ترة لا تستشرفين براسي

رجعت اتصلت مرة الخ عليه مستغربه من الكلام
فتحت خط اجاني صوتها يرعد

وفاء : سمعيني اول شي انه ما مخابره اسمع حسج حت كلساع تفصلينو بوجهي هاي وحده وحدة الثانية أنتِ يمتة ناوية تفجين ياخة عنة ترة مو حجي هذا بطل..

جاي تحجي قطعت كلامها

نَســـــرة : اوكفي اوكفي أنتِ شجابج عليه ومنين جبتي رقمي وشنو افك ياخة عنكم هو اصلا منو جاي يمج أنتِ ف احترمي نفسج ولا تصيحين ..

وفاء :سوالف البنيه الطيبة الحبابة الكلشي متدري بطليهن اعرف شني غايتج رحتي فصلية وكلبتي بيتنه كلاب وخليتي ولدنه يهاددون والناس كل يوميه متهجمة علينة سكتنة نوبه سويتي روحج مخبله وما عندج عكل هم سكتنه وهسه جاي تنفذين خطتج وتجين هينة عروسة لابن آل عمران..