في نور عينيه

البارت التاسع والثلاثون

و الفَرح طَر المَدينة ،
و إنطه للنَاس التريدة
و دكدك البيبان كُلها
مِن وصلنا إنشلّت إيده
آخ يَا حزنك يَ گلبي
جَمرة مضمومَة بجريدة .

في نور عينيه
الكاتبة هُـــــيام

_____________

لكم يااااابة ونبي مشتاقتلكم 😂♥️ تعالو كلكم حضن

بس علكيفجن لا نصير همجيات بالسرة بالسرة 😂😂

اي داده شونه المطر وياكم منو غرك بيتهم منو طلعو سلامات

يلا هُـــــيام لا تلزكين خلي الحليوات يقرن البارت وضمي لسانج

_______

بربكم تفاعلكم كون نفس البارت القبله وأكثر
التفاعل چان يجنننن واندماجكم بتعليقات يخلي
الواحد غصب عنه يبتسم احبكم بكد التمن 🥺💚💚💚✨✨✨

التصويت + التعليقات لا تنسنهم  لا تصيرن حيايه بس تقرن 😂

________

عدت فترة وعقدنا محكمة والاسابيع والايام تمشي
نزل ضرغام من محافظتة لأن بلش الدوام اخوتي
كلولة اكعد يمنة ترجو ماقبل  ابدا رفض رَفُض قطعي
كلهم عندي شقة مشتريها هنا 

بليل خابرني فتحت الخط وكتلة

نَســـــرة : الحمدلله ع السلامة..

ضرغام : الله يسلمج ابوية، شلونج..

نَســـــرة : الحمدلله بخير شنو اليوم مار ع اخوتي..

ضرغام : أي والله مريت عليهم  ع شغلهم..

نَســـــرة : شجاك لعد ما اجيت يمنه ترتاح تبات هنا..

ضرغام : زحمة وين ابات وانه عندي هاي الشقة عليمن هالوزة..

نَســـــرة   : شنو السالفة ترة عادي ..

ضرغام : وترديني ابات واحنه نفس البيت وانه بمكان وأنتِ بمكان؟؟ ..

حجيت الطف الجو ويا
نَســـــرة : ههههه إذا ع. هاي أنزل يمك عادي

ضرغام : اه وتنامين يمي؟؟

نَســـــرة : هههههه اي ..

ضرغام : واخليج بين ضلوعي وما تحجين؟.

نَســـــرة :  اي شسمك أنتَ..

ضرغام : ههههه   مو انه اعرفج تعلميني بيج.، تعشيتي..

نَســـــرة :  أي وأنتَ..

ضرغام : الحمدلله،.. أكول

نَســـــرة: كول..

ضرغام : بعدهم اخوتج يودوج لو اشتركتي وي خط..