في نور عينيه

البارت الواحد والثلاثون

الليله كل شوغات روحي
وكل بواچيها وحزنها
إلتمن بصدري وذكرتك
شلون اقنعهن خسرتك ؟!

في نور عينيه
الكاتبة هُـــــيام

________

عيون هُـــــيام إنتو لا تنسون التصويت والتعليق بين الفقرات
شوفوني تفاعلكم قدرو تعبي.. 💚✨

°°°°°°°°°°°°°°°°°°°

انفتحت الباب دخل ضرغام كأنما الزمن يكلي اني حالف ومنطي وعد أن بكل موقف بشع ومحزن ويبجي الصخر يكون ضرغام هو المنقذ الج وهو الشاهد ع الي تعاني ويصور حالتج بذاكرته

من شفت وجهه العذاب العشتة طلع وتجسد بصوت مرعب بصرخة انسانة يتيمة مهضومة مذلولة ولو الحديد والجماد ينهزن من صوت بني آدم جان الغرفة الكاعدة بيها انهدت

كمت اهز براسي ماردته يشوفني بهيج منظر مريب جنت عبارة عن
جسد بلا روح تلاوت وياي الدنيا بستري وهي الي انتصرت صار جسم معروض لراح والاجه تعبت روحي من كلشي موجود

جحضت عيونه وهو يباوعلي شفت فكة رجف من صرخت ركضلي
يفتح ب ادية ورجلية لأن جان مشدودات بكل قوة هو يبجي واني ابجي دموعة تنزل ويمسح وجهه بقوة من فتح اديه ورجلية لميت روحي لم كأنما جنين نايم بطن أمه

ما كدر ينطق ولا اني لساني عنده كلام رفع الموبايل وضمة بجيبة
نزع دشدادشتة لبسنياها

حجيت بكسرة وانسانه عاجزه تستر روحها

رانسي : لتباوع عليه ..

ضرغام : اششش ضَنه گلبي اشش
عيوني تشوفج مستورة وداعت دموعج ما جاي اشوفج عريانة..

بعز الصيف جسمي يرجف يختض خض

ضرغام : حيلي باد اعليج بس ايدج رفعيها خل اطبب الردان..

رانسي : ادية يوجعني ماكدر..

ضرغام : يبعد ادية غير اريد البسج..

رفع ايدي حت يطبب الردن مال دشدادشتة صرخت من الوجع
حضني خله وجهي ع صدره الطالع نصه من الفانيلة

ضرغام : اللهي عِين حيلي تَــــراه انهـــــد ..

منزلة اديه للكاع وهو كاعد ركبة ونص
وحاني روحي عليه واني اصرخ ع صدره مابية حت ارفع وجهي

من سمع صوت الزلم الأجو
صاح بعلو صوتة

ضرغام : لحدددددد يدخل غير إحسان ..

اسمع إحسان يوكف بيهم وبس اخوي دخل شفته نزلت راسي
هز راسه يريد يستوعب الصدمة من شاف نص جسدي عاري
ونص محطوطه علي الدشداشة مدخلها بس من راسي وايد وحده

التفت ضرغام علي وهو لازمني لأن ماعندي طاقة اثبت جسمي لا اكل ولا كلشي بس ضرب التفت علي ضرغام وهو لازمني مخليني ع صدره