في نور عينيه

البارت الثالث والأربعــــــــــون

خَلهن مو وكتهُن .. خَاطر احجِيهن !
يَجيني الليل ، واكعد انفر بيهن ..
وفتحهن مِثل فتح جناح الطِير "
واحجِيلك الي مَ حَاجيهن ....

في نور عينيه
الكاتبة هُيام

:: ::: :: ::: :: ::: :: ::: :: ::: :: ::

شونكم فراشاتي عيني🦋✨

لا تنسون التعليقات ع كل فقرة والتصويت ♥️

♥️احبكم بكد التمن 😂♥️

.

.

حساب الانستا

lnstagram :- hiy.am99
..

..

__________

رجعت من العرس هلكانة تعب
وأهل نسرة عدنة ونص المعازيم رجعو عدنة
لان بعدنه مسوين غدة لباجر والعزومة بعدها مستمرة

صعدت للفوك غسلت وبدلت وتمددت ع الچرباية
ردت اراسل ياسمين احس اشتاقيت الها
بس كلت هسة هيه وينها ويني حايرين بالبوس

لزمت الموبايل لكيت شكثر رسائل من جابر
غميت كصتي بندم ول عزة بعيني شون نسيتوو
رسائل واتصالات وحت غلط غالط كلش عصبي
اتصلت علي بسرعة جاوب

أول ما فتح خط
اجاني هجوم بصوتو والصياح والغلط
انه ساكتة ما حجيت منتضرتو يكمل

نسرين : كملت؟؟؟..

جابر : كملت ليش متنطقين شكوووووو ساكتة..

نسرين : اول شي أنت ليش متحترمن....

بعدني جاي احجي نطق وصيح بصوت عالي راد يسكتني

جابر : ما احتررررمج ليش متكولين واحد ك.... عايفتو ويراسل ومادري بي..

نسرين : جابرر تحترمني ونص انه ما جاي اطلب منك الاحترام
لا انت مجبر تحترمني افتهمت لو لا..

جابر : شلوووون هيج تغلسين متردين عليه حب لو شنو هذا..

نسرين : أغلس ما أغلس بكيفي مو ع ابو حبيتني ومدري شني
تكعد تمسح كرامتي بالكاع امسحك من حياتي والله
أنت مو تدري اليوم عرس ولد عمي شكو هاي الدراما وعليمن صياحك
يعني العندو عرس شياخذ منو غير الخبصة والركض تريدني اكعد احير بيك واراسل واعوف الدنيا مخبوصة..

سكت وتغير صوتو

جابر : اي بس كلت ما معقولة ما لزمت الموبايل..

نسرين : لا لزمتو وصورت بي بس جنت ما فارغه ارد..

جابر : اهااا..