في نور عينيه

البارت الحادي عشر

ضُمني بلا هَلا مِن الناسّ
ضُمني مِن العيُون الفاهيَّه بدُونك
علگنِي إعلى رمشَك طيَّف
أحِب مگابَل عيُونك .

الإسم :الكاتبة هُيـــــام
القصة :في نور عينيه

°°°°°°°°°°°°°°°°°°°°°
''''''''''''''''''

عدة الأيام وأمير ما محاجيني خاف لا ينكشف
وراد السالفة. تنسي
اني استغليتها فرصة وحرت بالاوراق

جاي يسوون ثواب لمهند اللله يرحمة
بيوم الثواب امهم متخليني اوصل يم الطبخ
تكلي روحي سوي غير شغلة واطلعلي شغل من جوة الكاع
خوب الطرمة مالتهم الصبه شويه
وتنشلع كدما اغسل بيها

عفت فريال ورسل يطبخن
وهناء فوك راس امها
طبيت للغرفة وأخذت الخاولي وياي طلعت العلاكة السودة
لكيت بيهن  كومة اشياء دورت ع أوراق غير الجناسي والمستمكات
لكيت أوراق ثانيه مال اطباء ومستشفى
باسم مهند وكتابات انكليزية وراچيتات وصفات طبيه
عفتهن ما شفت شي يلفت النظر

جاي ادور دخلت رسل

استغربت
رسل : ها رنوسة شدورين....

رفعتلها الخاولي
رانسي : اريد اسبح واجيت اخد دشدادشه منج
ما كدرت أكلج خفت من امج تسويها عزا عليه اسفه والله...

رسل : سودة عليه اوكفي خل اطلعلج انه...

رانسي : خوما زعلتي رسولة...

رسل : لا خية ليش ازعل...

طلعتلي داشداشة وانطتنياها
اخذتها منها وأخذت تليفوني وطبيت للحمام

ام كرار : الفصليييية وينج...

رانسي : جاي اغسل بحظي شتردين...

ام كرار : صيخ بطنج كون ع هذا الصوت...

رسل : عوفيها يمة خليها تسبح...

فتحت المي وطلعت تليفوني ترددت اخابر ضرغام
لان جاي اورطهم ويايه بس ماكدر ماعندي حل ثاني
كلت لياسمين كلتلي لآزمين تفهمين ضرغام
وماكدر اراسل اخوتي اول شي  بعيدين عليه بغير محافظة وثاني شي
اهل كرار عدهم وياهم ثار اخاف عليهم

فما عندي ملجأ ثاني الا دكتور ضرغام
خابرتة واني مغمضه عيوني بخوف من آخر موقف

ردت اتصل ماعندي رصيد اداينت من الشركة ومددو الصلاحية اتصلت فتح خط كبل
كتله بسرعه ودمجت الكلام يمكن ما طول ثواني

رانسي : ماعندي رصيد اريد اراسلك

هو هم ما حجة فصله وخابرني

احجي همس اخاف من فريال
لاتصنت عليه وتسويلي مشكلة

ضرغام : احجي بويه خوفتيني اذوج اجيج؟ ...