في نور عينيه

الثاني والخمســـــــون

عضم الله لكم الأجر في هذا شهر
شهر الحزن والمصائب الله يبرد كلوبكم بكل خدمة تسوها
...

..

..

لا تنسون الوالدة بدعائكم
والله يوفق البنات ودعواتهن الحلوة
ويفرح كلبكم ب أكثر أمنية رايدها
يارب بحق ضلع الزهراء وهضمتها
تمحي الهضمة والتعب عنكم  وعن امي💔 وأهلي

....

..

...
كل احترامي ولكل بنيه تقدر تعبي
بكلمة طيبة وتبرد الكلب بترافة كلامها

..

بالنسبة للتنزيل القصة  ماكدر اوقفها للقصة ابدا
لان حرفيا تعبت نفسيا وتفكيري بين اهلي صاير وبينكم
صايره قسمين اريد اكملها ب اسرع وقت وانهيها بخير
وكلما يصيرلي مجال جاي اكتب وكل بارت طوله
يتجاوز ال6 الالف كلمة ف التنزيل حسب فراغي اتمنى تعذرون

___________

بالنسبة للتفاعل الي ابد ما يريح النفس غير 6 بنات يمكن
معلقات ع كل الفقرات وكلامهن يخلي الواحد يبتسم
كدما متفاعلات مندمجات واكو بنات حت التصويت بعد ما يسونه
شكرا ع رد التعب ب الإحسان ♥️✨

....

...

الليل كلو منتظرة نَســـــرة
هساع تجي شويه وتجي وكلشي ماكو
طكت روحي وحسبة تجيبني وحسبة توديني

طيح الله حضج يا نَســـــرة وين صرتي ما تكليلي
هن چلمتين ثلاثة اسمعهن وتعاي خليهن ب اذني

بعد ما اتحمل ابد خلص صبري
لبست شالي ورحت لغرفة هشام
طرقت الباب مرة ثنين صاح

هشام : فوت.

فتحت الباب علكيف
الدخان ما ينوصف بالغرفه
خليت ايدي ع حلكي اكح

عوج نفسو جان متمدد ع الجرباية
طفه الجكارة مالتو دحكلي وبقة ساكت
منتظرني احجي

نسرين : اريد احجي وياك.

أشر براسو ع الباب
هشام : نزلي جوة جاي وراج.

درت وجهي طبكت الباب ونزلت
كعدت جوه بالحديقة على المرجيحة

نزل لابس ترواكة التراك
وكف كبالي انطاني ضهرو
ويدحك للجلب فارد جسمو
ومخلي ايدينو بجيبو

دنكت راسي ادحك على رجولي
نسرين :شصار اليوم ..

هشام : ليش تسئلين؟..

نسرين : جاوبني..

ما دار وجهو علي بقه نفس الوكفة
هشام : يهمج الموضوع واصحابو؟ ..