في نور عينيه

البارت السابع

آنـه شناسي ؟
أحط راسي وأريد أغفىٰ
وألف شغلة تجي براسي ،
أضّل أتلمس بگلبي
أضل أحسب
عددهن كامل جروحي
كلشي أتذكرت
ما ناسي بس روحي ! . .

الأسم : الكاتبة هُيـــــام
القصة : في نور عينيه

°°°°°°°°°°°°°°°°°
''''''''''''''''''''

* ول يابة يالمصگوعات لا تنسن التعليقات بين الفقرات 

رددت ورا وكمل العقد المؤمن
بس دموعي نار بخدي
طبيت لأمي حضنتها واصرخ بكل ما عندي قوة
حسام ما شفتة
وإحسان مخلي ايده ع راسه
وكاعد  ما رفع راسه علية

امي :  ولك قاااسم كون عايش وتشوف
بنيتك اخذوها فصلية عمت عيوني كون…

الحجية نعيمة :  صاحتلي باستني براسي
يمة نسرة محد راضي ع الي صار
بس حكم القوي ع الضعيف
عسئ ان تكرهوا شيئا وهو خير لكم
انت بهذا قرارج تحمينو لاخيج
قدر ربج هذا وما بيج تغيرينو 
الصار صار
وانتي رايحة لبيت ام مثكولة
وانحرمت من ولدها شما تحجي تحمليها يمة…

هزيت راسي وكمت عنها صعدت
فوك الشيخ كال الصبح ياخذونها

صعدت لفوك حضنت شيماء واصرخ
ما تحملت هاهيه فقدت روحي طلعت مني
من اليوم انسه حياتي العشتها وجامعتي ودراستي
وكلشي وكلشي انسه ضحكاتي بيت اهلي
انسه لمتنا وي اخوتي  بجيت بهضمة...

رانسي : شيماء ابوس ايدج كليلي اني بحلم
حبابة كعديني خليني ارجع لذاك اليوم واحنه كاعدين بيتنا ونشاقه سوا لا تسكتين حبابة انطقي كليلي اي الصار حلم خيال كلشي الا واقع…

ششدت حضنتها الي وبجت ويايه بصوت

اجتني ياسمين صارت حالها حال شيماء كلش تقربنا من بعض

ياسمين : مسحي دموعج الحنية العندج ع اخوتج غلبت ع حزني عليج
انتي مسكينة وقوية ضحيتي بحياتج في سبيل اخوج دمو ما يضيع
عليش تبجين يول نفس ما اتخذتي هذا القرار انتي كدها وتتحملين وتخليهم يحبونج نفس ما حبيناج…

رانسي : مو قوية اني والله مو قوية من داخلي مهشمة احس روحي جاي تطلع شوية شويه ياسمين صعبة صعبة عليه انسه حياتي وجامعتي وأهلي واروح فصلية لمنو مادري ومنو العقدت علي مادري بس ادري رايحة لبيت ابنهم مكتول وبسبب حادث مو عمدا
مادري شنو الذل والقهر الي راح اشوفة عدهم
ولج احنه بيا زمن ورجعونا لللفصليات والله توقعت بهذا الوقت انقرضت هاي السالفة  شيماء والله من سابع المستحيلات جنت أتصور روحي اروح فصلية …

حضنتني وطببت ع كتفي
كتلها اريد أنام  غطتني ونمت

كعدت بعد العشاء ما نزلت ولا شي ولا وصلت لجَوة
راسلت أديان كتلها تخبلت عليه
تسودنت كالت مستحيل رانسي ما اتخيل ولا اتقبل الفكرة