في قلبي رجل 🔞

البارت الرابع عشر

إلياس: شنو هو لي ترضاي عليه زعمة و حنا لا ؟

فاطمة( مسحات دموعها و بعدات كتشوف فيه ): انا راضية عليكم كاملين اوليداتي ولايني هو مغطياه و مفرشاه برضى..

أنور: تهناي دبا احنا نشوفو بنت ناس لجواج و انگلس حداك..

فاطمة( حركات راسها ): عمرني نتهنى حتى يتجمع شمل ولادي و يصفاو الخواطر بيناتهم و تصالح مع باك..

أنور( تنهد ): موضوع جمعناه و طويناه زمان هدا اميمتي بلا ما تبقاي كل مرة تجبديه..

في جهـة أخرى..

كانت غيثة في بيتها مخشية في سريرها بـ بيجامة و مقابلة تلفازة قدامها من سيري لسيري كتحاول ما تخليش احساس الوحدة يتسلل لقلبها لأنه غادي يأزمها كيف ديما ، فـ كتحاول تشغل راسها بأي حاجة..

رن تيلفونها و هزاتو شافت الإسم استغربات نقصات صوت التلفازة و جاوباتو..

غيثة: ألو ؟

أنور: مسالية نشوفك اليوم ؟

غيثة: ما مسالياش

أنور: اشنو عندك ؟

غيثة: عندي ما يدار..

أنور: و غدا ؟

غيثة: ما مسالياش

أنور : بغيت نحطو نقط على الحروف في اسرع وقت ممكن ، لا جات على خاطرك نشوفك اليوم..

غيثة: عندي ما يدار خلي لبعد غدا..

وافق و سالات معاه الاتصال ، كيفاش مدة و هو غابر و رجع صونا ليها و ما سولها لا في حالها لا أحوالها دخل نيشان في صلب الموضوع و من الفوق كيتآمر عليها انه يشوفها اليوم كأنه غير كتسناه و ما عندها ما يدار..

هدشي لي قالت بينها و بين نفسها و تفكرات خدمتها و قالت بحرقة...

" كو كنت باقة في خدمتي كون راه ما نعطيه تا هو رونديفو على شهر "

بعد مرور يومان..

كانت قدام المرايا شعرها الأسود الناعم نا نازل على كتافها و كتوزع في عكر نيود على شفايفها و رشات من عطرها الخفيف الفاكهي..

وقفات كتشوف راسها في المرايا بسروال ثوب عريض في البرتقالي و فيست ديالو قصيرة في نفس اللون و كعب عالي في الأسود و صاك اسود من شانيل..

شافت ساعة كانت تشير الى الواحدة نهارا ، كان هدا هو الوقت لي دار معاها أنور فيه الموعد و طبعا حتى شافت واش مناسبها هي ماشي هو ، سيفط ليها ميساج بأنه وصل في الموقع لي سيفطات ليه..

خرجات من العمارة أنيقة و هازة راسها لسماء والهواء كيلعب بخصلات من شعرها ، لمحات سيارتو لي كان وسطها حاضيها ملي خرجات و مشات في اتجاهها فتحات الباب و طلعات قالت سلام و دارت كتشوف قدامها و ردها عليها و ديمارى..