في قلبي رجل 🔞

بارت ثالث و الأربعون

غير دخلو مع الباب شادة فيه ، ضيق عينيه وضاحت ليه الرؤية و رجع شاف فيها عاقد حواجبه..

أنور: ااش هدشي ؟

غيثة( شافت فيه و ضحكات ): لي ما يعلي و يكبر بحبابو موتو خْيَرْ من حياتو ..

كانت فرقة موسيقية كيعزفو ، و جاو عينيه على خوه الياس و بعض صحابه و دنيا مزينة بـ بالونات في اللون الأبيض و الورد و عبارة " عيد ميلاد سعيد " بالإنجليزية كبيرة في الحيط كتلمع بالأضواء..

أنور( حك على ذقنه و نطق بصرامة ): واش انا بنت ليك ديال هد تخربيق ، لاش جامعة هادو..

غيثة( شافت فيه مبتاسمة و نطقت ): و شنو راجلي دخل سنة جديدة ما نفرحش بيه و لا كيفاش ؟

بقا كيشوف لمدة ، ما كيحتفلش بأعياد ميلاده و ما عندوش معاهم ، و فاش تا يوصل وقت ميلاده و تزاده سنة جديدة في حياته ما كيحس بوالو عندو الأمر عادي ، رجع دور عينيه على الحاضرين لي كانو قلال لقى راسه كيعرفهم كاملين ما كاينش شي واحد غريب رتاح نوعا ما ، ما عندوش مع التجمعات و الاختلاط..

انور: كون جمعتيهم غير في دار لاش معذبانا حتال هنا ؟

غيثة( ضحكات و جراته داخلين ): النشاط كيبغي تيساع أحبي ، تا نديرو الفيلا و نبقاو نتجمعو غير فيها..

كان حاضرين صحابه المقربين ، عثمان لي عنقه عناق رجولي و رجع عند صاحبته اجنبية ، و شعيب و مراتو صوفيا و معاها ختها شابة في العشرينات و كان إلياس لي جايب معاه بنت عمتهم و راجلها كانو قراب من أنور و أناس لي ما عرضاتش عليه غيثة و ما عرفاتش منين جا..

جلسو كاملين كيسولو في بعضياتهم و يعرفو جديده بعضهم البعض ، جالس انور و جالسة جنبه ، لي سولو كيجاوب بكلمة جوج كيف عادته و هي عينيها مرة مرة كيمشيو لجهة اناس لي جالس و حاضيها بنظرات غريبة ما قدراتش تفسرهم ، و نطقت ضاحكة..

غيثة: فين منال علاش ما جبتيهاش معاك..

اسمها خلا شعيب يشوف جهة أناس و يرمقو بنظرات حادة ، منال بنت خالته و ديما خالته تصوني تشكى عليه ، ما كيحملوش و حتى اناس حس بيه كيشوف فيه و شاف جيهته و رسم ابتسامة ساخرة على شفايفه و رجع شاف فيها و نطق ببرود..

اناس: ما جبتهاش..

غيثة( دارت ليه ابتسامة صفراء ): ايوا مرة خرا..

اناس( ضحك بسخرية و قلب عينيه لعند بنت عمته ): غبرتي ألالة نهى ما بقيناش كنشوفو وجهك..

دارت ليه ابتسامة خافتة جات تنطق و هو يجاوب في بلاصتها راجلها لي مدور يدو على ضهرها..

يونس: غير الحياة أ با اناس..

الأمسية كانت راقية ، دارو بالطبلة كيتعشاو تحت موسيقى خافتة ، كلهم ثنائيات حتى من الياس جلسات حداه اخت صوفيا ملي شافها و هو حاضيها بإعجاب و لقى الفرصة عند العشاء فاش جلست حداه يهضر معاها ، إلا اناس جالس بوحده كيتنهد بملل ، كيهضر غير لا سولوه كيجاوب و يرجع يسكت..