في قلبي رجل 🔞

بارت ثامن و أربعون

حس بالكذب في كلامها و ماشي هي هادي الحقيقة ، كيفاش يمكن ليها تغلط و تشرب السم ، حرك راسو بالنفي و نطق..

انور: كتكذبي في وجهي أ غيثة ؟

غيثة( حركات راسها بالنفي ): كيفاش كنكذب عليك واش نتا حمق..

انور : ماشي هدشي لي وقع بغيت الحقيقة غادي نسولك اخر مرة ، اشنو وقع ؟

غيثة( كتشوف فيه بتبات ): لي كاين قلتو ليك..

حرك راسو كيحاول ينفي الفكرة لي كدور ليه في ذهنه و طلق تنهيدة عميقة ، بقا كيشوف فيها مدة بنظرات غريبة حتى توترت و نطق بصوت هادئ..

انور: بغيتي تنتاحري ؟

غيثة( خرجات عينيها ما مصدقاش سؤاله و ضحكت بسخرية و نطقت ): بغيت نتاحر واش بنيتك ا رااجلي واش كنبان ليك هرب ليا و لا شنو اش هد سؤال واش بغيتي تقول تسطيت ؟

انور( تنهد بعصبية ): ماشي هدشي لي قصدت ؟

غيثة( بعصبية نطقت ): و شنووو قصدتي كيفااش نتااحر واش اناا ما درتهااش شحال من عام هادي فاش كنت مراهقة و لا فاش مات بابا و ضلامت دنيا في عينيا بقاا انديرها دبا زعمة دبا خرج ليا العقل ياااك ؟

انور: وااش انا گلت ليك تسطيتي واش سمعتيها من فمي..

غيثة( حركات راسها بالنفي ) : ما قلتيهاش ولكن قصدتيها..

انور( تنهد و نطق بهدوء ) : انا ما داخلش فيك اغيثة ما عارفش اشنو كتحسي ما عارفش اش كتفكري دكشي دازو عليك شي حوايج صعاب ممكن مزال عايشين معاك كلشي ممكن باش نكون معاك واضح الفار ما دخلش ليا لعقلي غير جيني للصراحة و يكون خير..

غيثة( ضحكت ما مصدقاش و نطقت بصوت مرتجف ): واش دبا نتا وليتي كتشك في قوايا العقلية ياااك كنبان ليك تسطيت يااك راه كون بغيت نتاحر كون نتاحرت شحال هدا ماشي حتال دبا واش كنبان ليك برهووشة..

انور: كاين شي حوايج دازو علينا كيبقاو محفورين في البال الانسان ما كيقدرش يتعايش معاهم و كاين شي حوايج لي حتى كيفوتو عاد دقتهم كتسرا معانا هدشي ماشي عيب..

غيثة: واش ما تقيتينيش ؟

انور( حرك راسو بالنفي ): ما تيقتكش الكدوب كنشوفو في عينيك..

غيثة( بـ عصبية ): اناااا مااا مبغييتش نتاااحر وااش تسطييت واش كتقووليا حمققةة..

قرب منها و جلس حداها في طرف السرير شابك يده مع يدها و نطق بهدوء..

انور: ما گلتش حمقة و لا هرب ليك ، هد الحالة لي وصلتي ليها سبابها بعدك على الله سبحانه و تعالى ما كتحطيش لراسك لأرض ما كتعرفيش صلاة فين جات راه صلاة كتنهى عن الفحشاء و المنكر خاصك تعمري قلبك بالله ا غيثة و غادي نشوف ليك مع شي بسيكياطخ مزيان..