في قلبي رجل 🔞

بارت واحد و خمسون

الابتسامة لي كانت على شفايفها تلاشات ، كيفاش هي ضاربة تمارة على هدشي باش يخرجو من الروتين و يكون الجو رومانسي و تفرحه و هو ما فهم تا لعبة و قاليها واش تقطع الضو ، رجعات بتاسمات و نطقت..

غيثة: لا ما تقطعش الضو غير شعلت الشمع ، اش بانليك كي جاك هدشي ؟

أنور( ضحك بسخرية كيدور في عينيه و نطق ): واش غادي نگوليك هدشي بان ليا بحال شي مْسيد شي زاوية بحال شي ولي صالح مدفون عندي هنا في دار و جايا تزوريه..

دارت مجهود باش توجد هدشي و خدا منها وقت طويل و عيات و هدشي كامل على قبالو و دبا كيسخر منها واش فعلا ما عارفش اجواء رومانسية او كيتغابا عليها ، ربعات يديها و عقدات حواجبها و نطقت..

غيثة: ما عجبكش هدشي ؟

انور( طلعها و هبطها و قرب منها ): عجبتيني نتي..

غيثة( رفعات حاجبها ): واش كضحك عليا كاين شي واحد ما كيعرفش لأجواء الرومانسية..

لاحظ عصبيتها و بتاسم قرب عندها و قلبها عنده مدور يده على كرشها و خاشي راسه في عنقها كيستنشق عبير عطرها و نطق..

انور: انا غير عروبي ما عنديش مع رومانسية..

كيلعب ليها على اعصابها حاولات تفك منه و رجع زيرها عنده كيطبع قبلات خفاف على عنقها و كتفها العاري ، نطقت بعصبية..

غيثة: وا سير كضحك عليا لا سولنا غير ولد عندو سبع سنين يعرفها..

انور( ضحك بخفوث و طبع قبلة حارة على كتفها حتى تبورشات و نطق ): الجيل ديال دبا هارب في كلشي انا من تمانينات قديم..

غيثة( تنهدت ): نتعشاو العشا برد..

انور( يديه طالعين مع فخاضها ): باغي نتعشى بيك..

ضحكات بهمس و دفعها جهة الكناپي و دورها عنده قرب من شفايفها لي كيلمعو و دخلو في قبلة عميقة..

صباح جديد..

كانت لابسة حوايحها و شعرها منسدل على اكتافها مزال سارد دليل على عاد دوشات ، قدامها تيست الحمل شافت طريقة استعماله و تبعاتها حطات فيه قطرات البول و وقفات كتسنى يديها كيرجفو و عينيها مفيكسين عليه ، طلعات الشرطة الاولى حمرة و تبعاتها الثانية بسرعة حتى هي حمرة ، خرجات عينيها بصدمة و قلبها كيدق بجههد ما مصدقاش تملكها احساس الخوف اكثر من احساس الفرح ما عرفاش شنو خاصها تحس اتجاه هد الخبر ، خدات نفس عميق و هزات التيست و خرجات عنده لقاته جالس مقابل مع شاشة البيسي و في يده كاس قهوة قربات عنده و وراته التيست ، شاف فيه و شاف فيها بعدم الفهم و نطق..

انور: شنو هدا..

غيثة: تيست الحمل..

انور( رفع حاجبه و نطق ): حاملة ؟؟