في قلبي رجل 🔞

البارت ثلاثون

نطق الرجل..

- لا حول و لا قوة الا بالله ، نزل اولدي البنية و سير بحالك حسن ليك..

ما جاوبوش انور حل باب سيارته و دفعها باش طلع و هي والو لاصقة ليه في الأرض و الرجل دخل بيناتهم دفع انور و جابها موراه..

- ما غتمشي معاك فين اسير بحالك الله يرضي عليك..

انور( زفر بعصبية ): شريف راها مرتي ، شوف في وجهي مزيان واش كنبان ليك قطاطعي..

- البنت بعقلها ما كاين لاش تكدب سير بحالك الله يرضي عليك ولا نجيب ليك البوليس يفاريوها..

زفر بعصبية و مسح على راسه و دار جهة سيارته عطاهم بالضهر جامع يديه على شكل قبضة بذون سابق اندار خشاها في سيارته حتى خلات الاثر في سيارة و هي شهقات ورا رجل الندم كيقتل فيها و الخوف تسلل لقلبها و الرجل كيشوف بذون خوف ، دار عنده كينطق من تحت سنانو..

انور: شريف تعطيني مرتي و سير بحالك ما باغيش نغلط فيك و لا نقلل عليك الاحترام..

رجل ما جاوبوش شاف رجل اخر اربعيني و ناداه باسمه جا عندهم شرح ليه المشكيل و هو يتقدم عند انور مخرج فيه عينيه..

- تكون عاقد عليها و ديها ديك ساعة ، حنا اسيدي جاهلين ما كنعرفوش اشنو هي صاحبتي كنعرفو امراتي..

متحكم في اعصابه لحد الساعة ما باغيش ي فشي واحد متفهمم و تدخلهم زوين باقي الخير لحد ساعة ، كيشوف فيها بنظرات قاسية من ورا ضهر الرجل من عينيها باين الخوف ، شاف في رجل لي واقف كيشوف فيه و هز يده فيها الخاتم ما بقا عنده حل اخر..

انور: راه مرتي ها الخاتم اشريف..

شافت خاتم زواج مزال في اصبعه و محافظ عليه رغم فراقهم و هد المدة كاملة عيونها لمعو تصدمات و في نفس الوقت فرحات متناسية الحرب لي كانت بيناتهم قبل دقائق و متناسية مصيرها المجهول معاه ، كانت مفكراه غادي يكون نساها من اول نهار ، ندمات و ندمات و ما كرهاتش ترجع بالوقت لور و تخلي كلشي لقدر هو لي يتصرف في علاقتهم ، شاف فيها و نطق بحدة..

انور: مرتي و لا ماشي مرتيي دويي خلاص..

غيثة: مرتو..

دار شاف فيها الرجل المسن و نطق..

- و من لول ما تخليناش ابنتي نتسناو واه اش هد قلة العقل كتباني بعقلك زعمة ( شاف في انور ) سمحلينا اولدي سئنا فيك الضن غير هو لا كان شي مشكيل بيناتكم حلوه بالهداوة و بالعقل و الله يسر طريقكم زيد اولدي نمشيو بحالنا..

خرجو من وسطهم الرجل و ولده في التالي كتبقى مراته ما عندهم ما يديرو ، خنزر فيها و جرها بعنفها من بيجامتها دفعها طلعات و دار لجهة الأخرى..