في قلبي رجل 🔞

البارت السابع و العشرون

سكتات عينيها عامرين بدموع و هزات يدها بمعنى يوقفو التصوير كتمثل انه ما قدراتش تزيد تنطق مزال و مدات ليها الصحفية كلينكس ، مسحات دموع تماسيح و رجعات سولتها اسئلة عادية و جاوبتها و هنا انتهى التسجيل..

غيثة: ايمتا غادي تبارطاجيو هدشي ؟

فاطمة الزهراء : اليوم بليل غادي يتلاح..

اكتفت انه تحرك ليها راسها بالإيجاب ، ما بقا هامها والو كتشوف راسها خسرت كلشي ما بقاش عندها مشكل في انها تشوه و يضحكو عليها ناس لي كيعرفو ، بذكائها كان ممكن توصل لحل مرضي و توصل لخطة احسن بكثير باش تنتاقم و باش تندمه عليها و باش يعرفها اشنو كتسوى ، ولكن للأسف ما فكراتش قبل ما تاخد هاد الخطوة ما فكرات في والو كل همها كان يوصلو الفيديو و يشوفو باش يعرف مدى قدرتها و مدى جرأتها و انها ممكن تمادى لما اكثر بذون ما تخاف ، ما عطاتش اسمه ولكن عطات بعض المعلومات عليه و لي عارفينهم الناس لي متبعينه في سوشيل ميديا..

القناة الاعلامية نشرات فيديو ديالها تحت عنوان " محامية شابة غنية ضحك عليها راجلها و هرب " ما خداش وقت بزاف و ضرب عدد كبير من المشاهدات و التعاليق و تنشر حتى في بعض الصفحات و المغاربة ما كتخفى عليهم حتى حاجة جبدوه بالزربة بقاو كيكتبو في اسمه في تعاليق و فوكونط هو لي ربط ليهم الاحداث بأنه هو الوحيد لي عنده جمعية و عايش في امريكا كيفما ذكرت و الكل كيقول انه ما بقات ثقة في راجل و أمل واحد في المية لي كان عندهم مشا..

الغد ليه ، كانت هرسات تيلفونها و مشات شرات واحد اخر ما يمكنش تبقى بلا بيه ، الساعة كانت باكرة ناعسة في فراشها الدافئ في امان الله حتى فاقت من نعاسها بسباب رنين تيلفونها لي كل ساعة كيرن بذون انقطاع عصبها و ناضت جاوبات بعيونها مسدودة بلا ما تشوف المتصل غير فتحات الخط و حطات التيلفون على وذنها بعداته بسباب صراخ عاد رجعاته..

سارة: اااش هد شوووووهة وااااش حماااقيتي اااش هاااد تبرهييييش فييين غيثثة لي كنعرااااف فين رزااااانة فين عقلااااك اويلييي ااااش هدشييي ياااا ربي ، عرفتووووو غادي يخررج عليييك عرفتووو ماا صااافيش ، على شكوون لي بقاا صافي في هاااد الووقت..

مغمضة عينيها كتسوعب كلامها و تفكرات المقابلة لي دارت مع الصحافة ، و جمعات كلماتها و مطقت بصوت صباحي مبحوح..

غيثة: اشنو كاين ا سارة مالكي على هد الغواث..

سارة( ضحكات بعصبية): صباح الخير الالة العروسة ، نوووضي على سلااامتك فيديو قريب يضرب مليوووون تشوهتيي غير سيررييي..

غيثة( ببرود ): شوهت اصل مو هو ماشي اناا ، نعلمو لعب مع لالاه كي داير ، نعلمووو كيفاش يضحك عليا..

سارة : الضحك درتيه في رااسك اغيثة ماشي فيه رااك وليتي برهوووشة بحالك بحال دوك الصلاكط لي كل مرة تيبانو لينا ، فين مشاا عقلك فين غير قولي لياا اويلي غتحمقيني..