حب عبر الاجيال

البارت الرابع

الكاتبة: - زينب الحربي

حساب الانستكرام:-zienab_alharbi

………………………

يا روحي اذّاچ الگلب
لا من حچه ولا من صبر
لا يعطش ولا يرتوي
ولا يقنع بغير النهر
يا گلبي من تعشگ بعد
هم عاين العمري الگصر
لمرايه تعتگ من صدگ
لو ما يمر بيها بشر
شما نامت بليل الشمس
دارت وجهه اعله الگمر
الناس بيّاعة چذب
والعين شرّاية سهر
يا گلبي دورلك جرف
لا تبقى عايش عالمطر

ل(فاضل حسن)

………………………

العراق/ بغداد/ المعامل /مقالع الطابوق

_شنو يابة شنو الصاير ما فاهم السالفة كلها اني شنو يكولون الشيخ يطالب بثار عمي شو احنا ما عدنا علم شنو رجل كرسي احنا هنا

_يبوية انت ما تعرف السالفة من انجتل عمك ولليوم انه لا ليلي ليل ولا نهاري نهاري شردت بيكم وانتم فرو/خ واجيت انه وامك وعمك ومرت عمك وولدة ومرت عمك المرحم وولدها بوية سالفة الثار تاكل وتشرب وياي

_بس يابة الناس اتطورت وبالنسبة النا احنا حتئ ما شايفين عمي اني حتئ ما اتذكر شكلة اني حتئ لهجتكم مستغربها ليش يابة نفتح سالفة الثار هسة ونموت الناس ونصير ضلام كدام الله خلي القانون ياخذ مجراه ونفتح القضية القديمة من جديد

_خايب ما تنجب يفتح القضية هو بوية الثار ثار الزلم لزوم نردة

_تردة بوكتة يابة مو بعد مرور تلاثين سنة حتئ الله ميرضاها

_كريم ان ما طريت من جدامي احز زردومك حز وروح اخوي المات وما ودعتة وحظر روحك انت واخوك العود نروح للدوانية نشوف الشيخ شيتصرف

_تأمر امر يابة ولو سالفة الثار من اصلها رافضها اني رب العالمين كال لازم تقتص من القاتل نفسة اما بالقتل او الدية مو من عائلتة ولا اليقربولة لعد اشلون احنا مسلمين

_بوية انت ليش تخليني اكوم اجسرك تجسر وروح ابوي ان ما فارجت من وجهي

_رايح يابة رايح لا تضوج انت وليهمك جوة انعالك المهم لتضوج

_روح يبوية بناك انه حاب سالفة الثار لجن يبوية الدم ما يهدة والزلم ما يرتاحلها بال لما يردون ثارهم بديهم روح يبوية

_رايح يابة رايح مريت علئ اخوي حاتم يا الله السلام عليكم

_وعليكم السلام هلا بعد اخوك اتفضل

_زاد فضلك اني اسف اخاف سببتلكم ازعاج بس ابوي يكول خل يحظر روحة نروح للديوانية اليوم

_هاي هي بعد اخوك اتفضل اتغدة

_الف عافية خوية مو جوعان سبقتكم اترخص اني احظر روحي عفتهم ورحت سبحت ولبست دشداشتي جاي امشط بشعري ومرت بشعرها اليتمايل اليردلي روحي بوياي والعباس تخبل منئ اوكفي عيني اوكفي التفتتلي وهي عصبية عرفت ذولة الخايسين مزعليها حجت وهي ترجف شفايفها