حب عبر الاجيال

بارت 41

للكاتبة: - زينب الحربي
حساب الانتسكرام للتواصل: -zienab_alharbi

…………………………………
بس اني مالي گلب
جمرة جگارة صرت
تحرگني واتقرب .

ضيغم: -

اي اهو هذا وعلي اهو هذا نزلت وكفت جدامة.

_منهو انت شرايد

عمي انة ضيغم ادريبة ما يشوف بس يعرفني يعرف صوتي ويعرف اسمي شفتة فج اعيونة اعلئ حيلهن وكام يرجف

_ضيغم ضيغم انت موش غيرك

اي عمي انة ضيغم وعلي ضيغم عمي وين رحت دورت اعليك بغداد كلها ما ادريبك هنانة جا حطيتك بنص عيوني

_يا بعد ابوك تهجرت تبهذلت احوالي بعد ذاك اليوم المصخم

شصاير عمي اكعد احجيلي يو اكللك تعال اكعد بسيارة من حر الشمس اشواي

_تعال بابا صعدني هالتشوفني ما اشوف العكازة عاينتني وحافظ الطريق

كدتة وصعدتة بالسيارة مشيت ونحج انة وياه يالة عمي احجي شنهو الصار وهجي تغيرت احوالك وانه اعرفنك الافندي حسين العارف نفسيتة

_بيوم الرديت من بغداد ضليت حزين عليك بوية لان تدري اني ما عندي احد بس انت وجنت ساد عليه وحشتي من مشيت وفرغ الهم الجو هجروني بابا هجروني ما احترموني جنت كاعد بالكهوة مالتي حركو بيتي ومرتي ماتت ومن اشتكيت عليهم عدهم عرف بالدولة انحبست اني انحبست خمس سنين شايف الضلم بابا شايفة اتعرضت لانواع التعذيب بالسجن ذبو براسي انواع التهم لحد ما  عبد الكريم قاسم انطة العفو العام الا طلعت ومن طلعت ما باقيلي احد ولدي بالخارج ما يدرون عني ومرتي انطتك عمرها الكهوة مالتي اخذوها بيتي احترك راح زمن الافندية جنت ادورلي علئ شغل حتئ اعيش بابا ضليت اربع ايام بدون اكل اكل من الشارع لحد ما اجة صديق الية وجابني وياه هنا ومن يومها واني هنا

اتنوعلة يحجي ويبجي زحمة زحمة رجال جبير هجي يبجي ضربت السيارة بكل حيلي ودرت حبيت ايدة والله وداعتك وداعة امي وابوي اخذ حكك مربع وبعد ما مش ردة لرفيجك هنانة تضل يمي ليما اجيبنهم اذبنهم عد رجليك وتاخذ حيفك منهم

_لا ابوية انت خاف تصير زحمة عليكم

يا زحمة عمي يا زحمة موش ابنك انة موش ضليت يمك 13 سنة ليما خلصت دراسة جا شنهي تنسي هي بوية يالة عمي تدش وياي لمضيفنا وتضل معزز مكرم لحد ما اردن بيتك وكهوتك وبيدي ازوجنك

_اخ بابا اخ يا حسرة ام علي الهدت حيلي انمرد كلبي ماتت وما شفتها ما تجي مرة مثلها ابد

الله يرحمها ناطرتك بالجنة اهي عبن ماتت مضلومة بس وعلي اردن ثارها اخذتة وكعدتة بالمضيف عمي اروحن اجيبن ابوي واجيك خوش هههههه عبن ابوي رد شباب بردة امي اتنوعلة فج عيونة