حب عبر الاجيال

بارت 35

الكاتبة: - زينب الحربي
حساب الانستكرام:-zienab_alharbi

…………………………

رمضان كريم عليكم صيام مقبول اسئل الله قبول كافة الاعمال وقضاء جميع الحوائج

…………………………

كريم:-

ركضت عليها واني كلبي يدك سريع لا مناويتي كلشي ولا تعوفيني لا تكسرين كلبي هالكسرة وكعت بحضني حسيتها زوعت معدتها كلها الدم كام يطلع من خشمها ومن حلكها شلتها بدون حجاب بدون اي شي روحي مفرفحة افتتتتتح الباب سريع يلااااااا علي راح تروح روحي افتح الباب ركض كدامي وفتح الباب حطيتها بالسيارة علاوي يسوق وابوي كدام كاعد خليتها بحضني وبجيت ربي دخيلك اخذ من عمري علئ عمرها ربي كلشي ولا مناوي حبيبتي افتحي عيونج يروحي لا تاذيني هيجي احبج وعلي حجة ابوي

_كول يا الله بوية كول يا الله ما مش شي ان شاء الله مكضية ما مش شي بس ادعي واتوجهلة

ان شاء الله يابة ادعيلها روحي هاي اذا راحت ينتهي كلشي بهاي الحياة

_الله كريم بوية الله كريم هاي شوفها فجت عيونها البرب………… سودنتنا

درت علئ مناوي صدك فاتحة عيونها وابتسمت علئ كلام ابوي سحلتها لحضني هاي يعمري انتي شصارلج هيج سحلتي روحي وعلي

_ماكو شي كريم اشوي تعبت شنو اول مرة اتخربط لو شنو

لا بس هبطتيني وعلي يلا ماكو شي هسة نوصل للمستشفئ ونشوف شكو واني حاطها بحضني باوعت لعلاوي يبجي بصوت ناصي وبس دموعة تجري لو ما ضوة الشارع عاكس همين ما اشوفة غمزت لمنئ باوعتلة اتقربت عليه

_منو الماذي حبيب اختة وهيج مهموم ليش البجي علاوي

كمل بجي بدون ما يحجي ولا كلمة ضل ساكت وكانما تذكر كل همومة اليوم شبع بجي علما وصلنا للمستشفئ نزلت مناوي بس ما خليتها تمشي شلتها خلت راسها علئ صدري وسكتت واضح تعبانة بس تبيعهن علية ام الوصخ مشة بصفي علاوي وابوي بصفة علاوي مقبل يحجيلي غير نص السالفة اني اعلمة بعد اشوية الا انعل سلفة سلفاه والكاظم عبالة بكيفة ما يحجي وصلنا للردهة لاكانا دكتور رضا كتلة رضا من رخصتي مرتي

_اي صار دكتور كريم دقايق بس نجهز الغرفة استريحو هنا

الله يحفظك دكتور كعدنا منتظرينة

_كريم راح اطلع برة اشوية وارجع ما اتحمل اشوفها تتاذة والله

هزيتلة راسي تكدر تطلع بس دربالك تروح بعيد اكسر راسك علاوي حلكك اشكة

_ماشي اشوية وارجع

راح طلع ثواني واجانة رضا كال تفضلو دخلت مناوي هي وابوي لازم مرافق واحد ضليت برة اكل بكلبي متت بدمي لشوكت يخلص الفحص عبالك مفاحص احد قبل ولا مسوي عمليات كلبي راد يوكف اجة علاوي