حب عبر الاجيال

بارت 20

الكاتبة: - زينب الحربي

حساب الانستكرام: -zienab_alharbi

……………………………………

چـنت اظنك
چـنت اظنك...
توگـــــــــف ابوجه الوكت ....
واتنشف الدمعه ابجفها
وا چـنت اظنك ...
بالمحبه الفاجده ,اوحنت لابنهه
ثاري ...
ســــــچـينه خواصر !
گـــطع الدال ,سنه
جاسي واجراحك ينزن ...
لو ردت ...
تنشدني عنهه
مادريت !..
المايهزها الريح ...
تالي يخف وزنها ..!
او مادريت ..!
اگـــلوب ...
بشطوط العشك
تركس لذنهه
حايــــــــــــــــــــــر ...
اعيونك الحلوة...
اعله اليود ...
صدهه اشلهلنهه
وانه ...
كل وني .. اوعذابي
لوعة بچـــلاي منهه
واعدت .. واتاملتهه ...
اوردت ...
اوخانت عهدهه
رگـطه ...
نفضت غيضهه
او طبت حفر ...
وامنت سدهه ...؟
ااااخ ...
يانسمة شبابي ...
الغربت ...
ياهو اليردهه ..؟
اوسمت اجروحي الچـثيره ...
او حاير...
ابيا صورة اشدها ...
عاد.يالچـتف روحي ...
ابسلسله جسرات ...
هدهه

…………………

العراق/بغداد / معامل الطابوق

كريم

يوم عادي مثل اي يوم كعدت لكيتها محظرتلي الريوك اوف ياربي مصرة تطلعني مذنب وعلي ما مقصرة ولا اشوية بس ما احبها ابد طبيت للمطبخ لكيتها هي ومنئ واكفات صباح الخير ردن اثنينهن صباح النور باوعت لهدية عيونها حمر علئ لحظة توقعت منئ ماذيتها بالحجي رحت يمها كلتلها بيج شي واحد محاجيج

_لا يبعد رويحتي ما بياش شي الا هالتشوف فريخاتي كبرو ومن زمان ما شايفة اهيلتي راح يصير بالسنة

_علئ هاي بوية اخذج لهلج وعود خلي جهالج يم امي كبرو بعد مو مال تاخذيهم وياج

_اخافن وروح جدي ما يهدالي بال ويضل تفكيري يمهم

_باوعي شكد ما تثقين بية ثقي باهلي اكثر وداعتج كلهم امان حتئ هاي منئ اذا تخلينهم يمها تحسبهم اكثر من جهالها واداريهم شو هاي دكت علئ صدرها وكالت

_مت عيني منيلها فريخات لا تضكرها بعد روحي لا ما امش خاف ثكال اعليكم

_شنو يابة ثكال غير جهالي وليهمج اني اخذج خلي الجبير هنا واثنين اخذيهم وياج خوش

_هاي هي بعد روحي اندارلك فدوة يمت نروح

_العصر ان شاء الله حتئ ارد باجر عندي خفر بالليل

_هاي هي بعد روحي

راحت لغرفتها تحظر ملابسها اباوع لمنئ تباوعلي بصدمة مدري شبيها بعدين تذكرت وراحت هي تمشي جريتها من ايدها طبكتها بصدري عود شنو تضوجيني من تتجاهليني لو شنو ترة اخليج تجين تتوسلين بعدت ايدها من عندي ودارت وجهة عليه

_ليش بلا زحمة منو انت حتئ اضوجك واتجاهلك هذا الثكل مو سوالفي ولا زعلانة منك ولا عندي شي وياك بعد ليش اضوجك بعدين اذا انت تضوج من تصرفاتي صارلهن يمكن 16 او 17 سنة نفسهن شنو ما تعودت بعدين هي جاية من ايدج واليجي من ايدة الله يزيدة