الكاتبة: - زينب الحربي
حساب الانستكرام :-zienab_alharbi
…………………………
مثل العود من يذبل ....بلاية وداع
ومثل الماي من ينشف .......بلاية وداع
تدريني هرش واوجرت بية الكاع
يا رخص العشك من ينشره وينباع
جنت بليل المحبين ....شلذ اسمك على الخاطر
وجان الشوك بيك رسوم .. حلوة ..ولهفة مسافر
وجنت وياك
خلك الكاع للكيض .... وصبر شاعر
وبلا جلمة التنكال
كل ذاك الفرح ينشال
وظنون المحبة تظل بلاية وداع
يا رخص العشك من ينشره وينباع
ل(عريان السيد خلف)
……………………
(ثمن ثار عشائري قديم )
العراق/الديوانية / قضاء الشامية /قرية الحميدات
_واكف والجو بارد لجن عرك كصتي يزخ موش طلابة هاي حيلي نهد من التعب من فجر الله لساعة وانه ما مكمل الكاع لشوية ردت اعوفنها واروحن لجن شوجل اهيلتي شوجل ابوي المايكدر يمشي لو اميمتي عدك حلها ربي كملت الكاع ولميت غريضاتي وتوكلت اعلئ الله اروحن للبيت مشيت وطريت الشط وصلت لراس العجد مالتنة ولني اشوفن هوسة احسن حيلي باد يو ابوي يو امي واثنينهم ما يتعوضون ركضت بكل حيلي اوصل لبيتنا شفت الهوسة مو يم بيتنا جريت نفس براحة الحمدلله والشكر ربي رحمتك موش اهلي مشيت لجدام اشوية اردن اشوفن علوم الجمعة شنو هاي تجربت حذاهم خايب هنا حياهم الله عسئ ما شر رد اعليه واحد
_جا انت اشلون عايش هنا وما تعرف شصار وسدة
_خير شصاير من الفجر لساعة انه بالكاع اشتغل ما اعرف الصار
_ثار الشيخ هلوس يرحمة الله عرفو من الجاتل واجو ياخذون ثارة الهدادة
_وانتم هسة تذكرتو ثارة صارلة تلاثين سنة الرجال مات بالكهرباء شعلوم الثار هذا
_لا انت ما تعرف موش الكهرباء جتلة هاي
_الشيخ عارف داري بكل هذني اضنة موش راضي ولو درة يطركم من السلف اذا ما جتلكم
_يدري يدري هو الودانة ناخذ بثارة
_خايب تعلمني بشيخ عارف انت تضحك اعليه انه رايحلة وارد اشوفن هالطلابة شنهي اعرفنة الشيخ موش هجي يحلها يفكرلها الا يحلها موش طلابة ثار الشيخ وحتئ يو راد ما يحلها بهيج طريجة شفتة صاح اعليهم
_يلا يولد حذرنا اليوم باجر ندكهم ان ما ما حولو ومشو علينا
_انعل ابهاتكم يابو ثاركم خرطت العافية طبيت البيت تلكاني ببتسامتة التردلي روحي تجدمت اعليه دنكت وحبيت اجدامة واديه وحبيت راسة اشلونك يبوية خلة ايدة اعلئ راسي وحجة
_انه بخير دامك بخير اشلونك يبوية تعبت ادريبك لجن حلالنة يبوية ما نكدر نخاملة ويروح شغلنة كلة
أنت تقرأ
حب عبر الاجيال
Ficción Generalفي كل جيل سابق هنالك قصة حب تتعلم منها هذه الاجيال بين الحب والنهوة وبين الظلم والفصلية بين الاخوان وانتقام العمام بين قسوة الرجال ورقة الاناث بين العرب حاملي السلاح وبين الحظر حاملي السلام بين الحكم العشائري والحكم القانوني من رحم كل هذه المعاناة...
