للكاتبة: - زينب الحربي
للتواصل علئ الانستكرام:-zienab_alharbi
.......................................
كنت دائمًا صادقًا لم اتصنع ايًا من الكلمات التي كنت أسردها لك بشكل عفوي،كل شيء خرج من فمي شعرت به في صدري.
كريم: - كاعد اسوق وهدوة تبجي طول الطريق هسة غير اعرف عليمن تبجين صاير شي
_كلبي ما يطني ادش البيت ليش حاسة اكو شي صاير
يابة دكولي يا الله ميصير هالشكل تحجين تدرين باعي اكو بمرة جنتي انتي مريضة ومناوي جانت كاعدة بباب الصالة اني ضايج عليج وهي جانت تداريج ومنزلت حرارتج طلعت بالليل جبتلج علاج وهم منزلت بوقتها دين ما ضل براسي كعدت بباب الترك وضليت ادخن جكاير اجت مناوي خلت ايدها علئ ضهري وكالت الكاتبة الله يصير ولو يريد ياذيك ميكتبة الك نهائيا كل قرارات واقدار الله هي مفيدة دربالك تضوج لان رب العالمين كتبلك هذا الشي ومن عرفت هي مصابة بالسرطان جانت تكول خير ونعمة فضيلة حتئ ارجع لربي اول مرة اخذت بيها كيمياوي والمعروف عنة انو كولش مؤذي لان يحرك الوريد حرك تدرين شنو سوت
_شسوت مت عيني عليها
لسة اتذكرها ومراحت من بالي كلت راح تضل تزاكط وتصيح ومتقبل تاخذ الكيمياوي جنت خايف حيل حيل عليها خاف متقبل تاخذة لان مينحمل اكتفت انو مجرد غمضت عيونها وضلت تردد يا مولاي يا علي المدد ادركني يا ابا الحسن ادركني يا علي الهي اقسم عليها بعلي وابنائها وابن عمه ادركني يا الله وهي تبجي بس ولا ضعفت نهائيا عمي عافها وطلع برة يبجي ابوي حضنها وكام يبجي لان تكسر الخاطر اول مرة اخذت كيمياوي ابوي جان بجيبة علك جايبة من الامام علي خلاه بايدها ضلت شادة ايدها علئ العلك وتصير ادركني يا علي انت مدرك المساكين ها انا المسكينة اتيت بابك كلي حاجات فاقضي حاجتي يا الله ببركة علي واولاده لحد ما انتهئ الكيمياوي بذاك الوقت لازمها عصير حتئ تسترجع قوتها من وخر الدكتور جهاز التحويل مال المغذي سحبت ايدها وباست العلك وشربت العصير وكمنا نتمشئ بالبيت طبعا اني مجاي اكلج انو هي احسن منج لا بالعكس انتي الصابرة الطموحة بس جاي اكلج كمثال علئ القوة امام قدرة الله وميصير هيجي تكولين وتسبقين الاحداث المفروض تتفائلين وتتوقعين كل خير حتئ اذا ابوج لا سامح الله بي شي هذا امر الله بعد فيا حبيبتي وروحي انتي امسحي دموعج وهسة راح انزل اشتريلج مي من الطريق
_يا بعد روحي ابو حسين بهاي جلماتك امية باردة ونزلت اعلئ كلبي الله كريم بعد رويحتي الله كريم اكعد لا تتعب روحك ما اريدن امية
لا ترة ما يرد الكريم الا البخيل ميصير ترديني تنحسبين بخيلة يابة نزلت اشتريتلها مي وصعدنا انطلقنا للديوانية بدون ما نحجي وصلت بيت اهلها ونزلنا لكينة ابوها كاعد بالبستان يسكي بي وذاك الهوئ اليرد الروح باوعتلها بنضرة عتب عود شفتي ابوج ما بي شي انفعلتي بدون سبب اتقدمت باتجاهة وهاي جنها مدري شنو عباتها وراها عافتني وركضت ركض لبوها وتصيح بوية بوية
أنت تقرأ
حب عبر الاجيال
General Fictionفي كل جيل سابق هنالك قصة حب تتعلم منها هذه الاجيال بين الحب والنهوة وبين الظلم والفصلية بين الاخوان وانتقام العمام بين قسوة الرجال ورقة الاناث بين العرب حاملي السلاح وبين الحظر حاملي السلام بين الحكم العشائري والحكم القانوني من رحم كل هذه المعاناة...
