حب عبر الاجيال

بارت 18

الكاتبة: - زينب الحربي
حساب الانستكرام:-zienab_alharbi

……………………………………

لماذا رحلتي وكنتي الحياة
لماذا هجرتنا وعلمت ما بالبعد مداه
لماذا الرحيل ؟؟ لماذا الجفاء
فلا مكان لغيرك يحتله عاشق ليعيد أنقاض قلبي المغتال !!!!

بغداد/مستشفئ مدينة الطب

كريم

دخلتلها حبيتها من راسها كدام الكل الحمدلله علئ السلامة مناويتي ما تشوفين شر ان شاء الله تنذكر وما تنعاد يارب

_الله يسلمك كريم ربي يحفظك من رخصتكم اريد احجي وي كريم اشوية عندي موضوع مهم وياه

طلعو اهلي وضلينا اني وياها كلتلها امري يكلبي شنو تحتاجين

_كريم اريد اني اروح اخطبلك اذا تسمحلي طبعا اروح للديوانية واخطبلك واعيش هاي الفرحة

ضليت فاك عيوني شنووووو لا مستحيل شتحجين انتي واعية شنو جاي تحجي

_اي واعية وبكامل قواي العقلية اذا تريد تتزوج بعيد عني مو مشكلة بس نفذلي هذا الطلب حتئ اخضع للامر الواقع واطلعك من كلبي

دنكت يمها رفعت ايدها مناوي اضربيني ولا تكولين هيجي كومي صيحي كسري انعلي سلفة سلفاي بس لا تكرهيني عليج الله لا تكرهيني

_منو كارهك كريم شجاي تحجي عليمن اكرهك قابل شعندي وياك حتئ اكرهك انت ردت تخطب وخربت فرحتك من انفعلت وهسة اريد اكفر عن ذنبي واخطبك وتكمل فرحتك بوجودي مو انتي تكول بيني اكو بنت ما تحظر خطوبة ابوها شبيك انت

بروح الحسين لا تاذيني فوك ما اني متاذي عليج الله لا تسوين هيجي لا تسوين وكان شي لم يكن الله عليج

_كريم شمسوية يعني لا هيجي اعجب ولا هيجي اعجب هسة تاخذني وياك بالخطوبة لولا من الاخير

منئ بس اسمعيني

_اي لو لا من الاخير

اخذج اخذج بس لا تسوين بروحج شي عليج الله

_ليش اسوي بروحي شي غير المفروض افرحلك واني طايرة من الفرح الك اليوم يلا يروحي صيح لاهلي وكللهم تاخذني وياك من تخطب

قسم بالله ضليت صافن عود هي تمثل لو صدك هيج علاوي شريد احجيلك بعد ما دخلو اهلي كلتلهم وهم رحبو بالفكرة اهو مناوي صديقتي وتروح وياي بعد ما كامت بسلامة اخذناها ورحنا للديوانية كول كملنا وطلبنة ايدها واتفقنا علئ موعد العرس والعجبني اكثر ثباتها بهيج موقف غير المفروض تنهار بالعكس خلصتها هلاهل ولا انطت اي ردة فعل مؤذية

_حقها تدري ليش لان حبتك من كل كلبها وخنتها وطيحت حظها لو منها سلام ما اسلم عليك بس كلبها حيوان كمل يلا

_رتبنة موعد العرس وانطينياهم المهر من اجة موعد العرس وعلي جان كلبي كلة يمها ولا عبالك عريس لبست دشداشتي بمساعدتك واخواني همين ولبست العكال والعباة فوكاه وطلعت اتوقعت اشوفها منهارة بس لكيتها تجنن باحلئ لبس بالعرس تقربت عليها كلتلها انتي شنو مصرة تاذيني مصرة تضوجيني يعني ما كفاج السويتي كلة. باوعتلي ببرود