الكاتبة: - زينب الحربي
حساب الانستكرام:-zienab_alharbi
……………………………………
قدمنا الصلح و كلوبنا تفور
وتغاضينه لجل لمتهم تصير
فرونا بحجيهم فرة الماي
لمن يصعد على امتون النواعير
سهرنا وكلنه بلكي النايرة تهون
لحد ما طر فجرها اعلل عصافير
وضمينه الحجي بتلفات الكبور
خفنه من الدلو يطلع حجي البير
اشتغلنا احنه بأصلنا، وبالمجازاة
بلاية انصاف يطلع بينه تقصير
والتمت جوادر غيض الكلوب
وانطينا الفصل و احنه المكاسير
وتراها الفشلة من التمت الناس ،
على الحاجوز و تريد المخاسير
ترا البرا الحرامي ببوكة الزاد
نفسه الحطها بركاب النواطير
ابد لا تنشد اعل افعال الاطياب
ذيج وياها ما تحتاج تفسير
شط افعالهم روج ويطك روج
مو مثل الخبيث افعاله تكطير
كاسرله الغصن متعجب الفاس؟!
ترا بكل الاحوال جناحنه يطير
لزميلي (حسين عبد طالب)
…………………………………………
العراق / بغداد/المعامل
بيت الحجي حربي
كريم:-
كعدت الصبح اريد اروح للدوام وضليت افكر كلش معاجبني وضع منئ ابد النهار كلة صافنة وحياتها عبارة عن دراسة وشغل بس حتئ متشاقة ولا تاكل مثل قبل واحسها ذبلانة كمت غسلت وجهي واجيت كعدت يمها مناويتي صباح الخير علئ احلئ بنية بالدنيا
_صباح الخيرات
_تكومين تتريكين وياي اني راح اسوي ريوك اليوم الطباخ الدكتور كريم حربي يسويلج بعد شتريدين
_لا ما اشتهي محاظرتي تتاخر اليوم حرجع انام اخذ راحتك روح انت تريك مع السلامة
_والله العظيم ضليت صافن ومذهول شريد اكول اول مرة بحياتها تسويها وويامن وياي ابد ممسويتها كلتلها هسة راح اعوفج بس ثقي بالله اذا محجيتيلي كلشي من ارجع تنسين كريم والله العظيم حتئ بالبيت ما ابقة وبكيفج بعد احترمي نفسج واحجي حتئ تخففين عن نفسج نزلت كشفت وجهة شفتها تبجي وتضم بوجهة عني ردتها نامت علئ ضهري مسحت دموعها ونزلت حبيتها من راسها شبيج احجيلي وعلي ترتاحين بس كولي شبيج حجت وهي تناشغ
_مبية شي والله اشوية تعبانة
_افئ تعبانة واني موجود ازين شاربي وعلي
_حشاك يعمري روح اتريك هسة اني راح اجي وراك يلا لتضوج
_ماشي انتضرج بس ها مو عبالج خلصت السالفة ارجع من الدوام واني اعلمج
_هههههه ماشي ماشي وليهمك
_رحنا تريكنا وحسيتها بس صافنة مهمومة خلصت ريوك حبيتها وطلعت من البيت كملت دوامي الئ ان انهد حيلي من ثمانية الصبح للاربعة العصر رجعت للبيت طبيت والصايح واصل لراس الشارع لكيت منئ كاعدة فوك جنان شابعتها دك كفشتها شطولها وعيونها وحلكها يجرن دم وعاضتها من ايدها اقسم بالله ضليت صافن يريد يجروها ميكدرون عاد محمد رفع ايدة يريد يضرب منئ ركضت اني لزمتة من ايدة اياك اكسرها ومحمد جريت منئ اللي بغير عالم حسيتها متوحشة
أنت تقرأ
حب عبر الاجيال
Ficción Generalفي كل جيل سابق هنالك قصة حب تتعلم منها هذه الاجيال بين الحب والنهوة وبين الظلم والفصلية بين الاخوان وانتقام العمام بين قسوة الرجال ورقة الاناث بين العرب حاملي السلاح وبين الحظر حاملي السلام بين الحكم العشائري والحكم القانوني من رحم كل هذه المعاناة...
