الكاتبة :- زينب الحربي
حساب الانستكرام:-zienab_alharbi
……………………………………
اذا خصتتك بابياتي مرة
فقد ذكرتك في دعائي مرار وتكرارا
اذا ذكرتك في احداثي مرة
فدماغي مليئ بك
ان اجبرت قلبي علئ كرهك ونسيانك
فعقلي مولع بحبك
انا ومنذ لحظة لقائك وانت ما تزال وسط قلبي
ما ازال والئ يومنا هذا مغرم بل مولع بك
انا احبك جدا
الديوانية /الشامية / سلف ال جبر
هديل:-
اجة ابوي وسحل مرت عمي وولت البيتها وراح العمتي كعد حذاها وحجة
_والله وحك كل حرف بالقرعان ابهذل احوالهم اخذ حكج مربع هنا اجيبنها يم رجليج اتعذر انه جم حدهن عدي هي اخيتي الوحيدة هي هدية ابوي العافاها الية
يحجي وعمتي تبجي شو اشواي ولنها كلبت عيونها وحلكها صار ازرك لاااااا عمة ركضت دكيت اعلئ وجهة عمة عمة ما ترد ابوي شالها وركض بيها واهو يصيح بالشارع
_سيارة بوية سيارة اخيتي راح تروح من ايدي
اجة عداي سركال ابوي وركضلنا حطو عمتي بالسيارة وانه ورة يمها وركضنا بيها للمستشفئ يا علي يا ابو الحسن بشاربك عمتي ها يا علي اخذوها وحطوها اعلئ الفراش ومشو بيها ابوي كعد بالكاع وانه كعدت حذاه بوية لا تخاف عمتي جوية تطلع منها بحيل الله ورسولة ابو الحسن علي حاضرها اعليه هي
_اوف يبعد ابوج انه ما عرفت اديرن بالي اعليها امانة ابوي هاي يم الله ضلت يم الله
ابوي ضل يلوب وانه وياه اثنيناتنة ندعي الها وندعي اعلئ مرت عمي اشواي واجة عمي ابوي ركض اعليه
_امش اطلع شوفتكم ما اريدنها امش يالة وعدي حساب وياك ووي حرمتك موش ابن ابوي يو خليتها هنانة امش اطلع
_تهدة يخوي تهدة انه اتعذر عنها واجيت اشوفن اخيتي منانة الوادم لا تشمتهم بينة يخوي
_انه شلازمني يو ما الوادم تنطر وشوف اليجرة الحرمتك اخيتي توكع وحرمتك السبب الا وروح ابوي ما تضل بغصر ابوي ولا اشوية انه الها
_تهدة تهدة نشوف الدكتور شيكول والدور نحجي بهاي الطلابة
عمي جان هادي توغعت يجي يتعارك الا لجن سكت لبوي واهو يصيح اعليه رحت حطيت اديه اعلئ جتاف ابوي تهدة بوية تهدة ما مش شي بحيل الله تعال عمي اكعد ليما يطلع الطبيب يالة اكعدو هنا يالة بوية كعدو اثنيناتهم وناطرين الطبيب ليما يطلع وندش لعمتي والله لشواي وطلع وركضو اعليه ابوي وعمي
أنت تقرأ
حب عبر الاجيال
General Fictionفي كل جيل سابق هنالك قصة حب تتعلم منها هذه الاجيال بين الحب والنهوة وبين الظلم والفصلية بين الاخوان وانتقام العمام بين قسوة الرجال ورقة الاناث بين العرب حاملي السلاح وبين الحظر حاملي السلام بين الحكم العشائري والحكم القانوني من رحم كل هذه المعاناة...
