حب عبر الاجيال

بارت 34

الكاتبة: - زينب الحربي
حساب الانستكرام: -zienab_alharbi

…………………………

اصعب ليلة قد ينام بها الانسان
هي الليلة التي تنتهي بعد موت من تحب
تنقضي هذه الليلة بشتئ انواع التعب
لا تعرف كيف قضيت اليوم ولا كيف نمت حينها كل ما تعرفه انك خسرت جزءا كبيرا من قلبك

كريم: -

بعد طول انتضار بعد حب طويل بعد تعب وسهر وفراك واخيرا حصلت عليها احسن يوم جان يوم عرسي بحياتي ما فرحان هالفرحة كل الاعرفة انتهت هاي الليلة وهي بحضني خلاص انتهئ كولشي صارت الي وليوم الدين بعد زواجنة بشهرين رجعت من الدوام للبيت لكيت منئ بالحمام وتزوع. وهدوة واكفتلها بالباب ركضت ملهوف خير هدوة شكو شصاير منو جوة

_مت عيني هاي مناوي مادري شبلاها شنهي الصارلها جاي تزوع

وخري اشوف منئ افتحي الباب خل افهم شكو افتحي الباب مو احجي وياج منئ ويامن جاي احجي فتحت الباب طلعتلي الوجه اخضر علئ اصفر تقربت مسحت وجهة من المي شبيج ليش هيجي

_كريم تعبانة روحي حتطلع احس كلبي ديوكف من اتقيا حيل متاذية صار فترة وضامة عليكم بس ما اتحمل الالم بعد

فكيت عيوني علئ وسعهن شنو الم شنو ضامة علينا شصاير منئ

_صار فوك الشهرين ازوع دم وصفحتي حيل تاذيني وكلبي يوجعني بس ما كلت ما اريد اخرب ونسة عرسي تعبانة حيل

ضليت واكف ومصدوم شهالحجي منئ شجاي تكولين. صحيت من غفلتي معقولة حبيبتي بيها كل هذا واني ما ادري البسي بسرعة خل نمشي يلا هداوي بعد روحي جيبي هدومها وحجابها راحت هدوة تركض جابتهن واجت جابتهن اني لبستها بايدي هدوة البسي عباتج ويانة تمشين

_صار بعد عيني اشويونة واجيك

راحت واجت ركض صعدنا بالسيارة اني اسوق كلت لمنئ تصعد كدام خاف تتخربط اكدر اسعفها ركض هدوة استريحي انتي ورة

_لا اني اكعد ورة خل تكعد هدوة كدام اريد اتمدد تعبانة

خوش لعد هدوة انتي اكعدي يمها واذا تريدين تعالي اكعدي كدام

_لا مت عيني ما اريدن اكعد جدام راح اكعد احذاها ورة.

صعدن اثنينهن واني كعدت اسوق لمن وصلت المستشفئ لاكاني رضا هذا صديقي رضا بسرعة اريد مجال مرتي كلش مريضة

_صار صار كريم وليهمك دقايق واخلص كلشي

اخذتها سويت تحاليل وسونار وكلشي لحد لمن دكت الساعة ب7 بالليل واحنا بالمستشفئ هسة ضال بالهم علينا دخيلك ربي ماكو شي ان شاء الله دقايق وطلعت التحاليل اللي راح تنهي حياتي فتحت عيوني علئ وسعهن احتمال الاصابة بسرطان الكبد لكن ميوضح هسة الا بعد 14 يوم الا تطلع النسبة وهل هي صحيحة او لا كعدت بالكاع حيلي مهدود اجت كعدت كبالي