الكاتبة: - زينب الحربي
حساب الانستكرام:-zienab_alharbi
.................................
ويا ريت متصرّف غلط
وياك جا سهله اعتذر
حته المجادل ينفظ
تالي اعرفت قصتي شنو
وانعاف وبلايا سبب
دوّرت ،ما بيه ذنب
بس شي بقه، قلة الحَظ
وبعد الفراگ المشكله
يواسونّي بس انجرح
الله يعوضك بس الي ؟!
امنيتي مره بعمري احس
اني الاعوف وغيري خل يتعوض
.............................................
بيت الشيخه حدهن
حدهن
قعدت وانا ايدي اعلى خدي واتذكرت بنيتي اوف يا بعد امج اشتاكيتلج مشتاكه اشوفنج بجيت اعلى كل حيلي يمه روح ليش تعوفيني وتروحين تذكرت كلام الشيخ اللي جرى فادي ليش مو انا حبيتك وفضلتك على روحي هجي تسوي بيه ليش يا شيخ هجي يا عارف تشمتهم بيه تذكرت بنيتي ومنغاها وضحكاتها هذا الليل يمر اعليه ولا انام منه اريد بنيتي ووليدي واريد الشيخ اريد جمعتنا كبل اتلكاه من الباب واشوف لهفته يرد من الكعدات ركض الحجرتي ولا عبالك اكو احد بالكصر غيري اوف يا شيخ اجتني ركيه مرت اخوي ولينها تحجي
_ استغفري الله يا ديه امر الله بعد شنو يومية نكلج امانته واخذها شنو نتعارك ويا رب العالمين كومي يدية تعوذي من الشيطان وكومي عندي حجي وياج تعاي غاد بالطرمه رشيتها امية كبل شويه هسه بيردة ترد الروح كومي وياي نحجي
_ كمت واياها وكعدنا اعلى الترابه ولنها تحجي وياي
_ كليلي يحدهن شصار بذاك اليوم من اجيتونا رحتي فرحانه شصار وشسدة وراها انا بس سمعت الحجي بذاك اليوم ما عرفت شصاير احجي يحدهن انة اسمعنج بلجي يخف الحمل عنج وتكل هموم قلبج شويه كولي يحدهن شاكدر اسوي و يرتاح قلبج اطيج كلبي وترتاحين
_ بعد كلبي كلبج يديه يسلم كلبج ويحفظلج رجلج وويلادج شوفي يركيه بذاك اليوم يوم الخطبناج انة من كعدت الصبح رضعت بنيتي وخليتها مهدتها وخليتها بفراشي عليوي جان كاعد هنا كلتله يدير باله اعليها وصيت ابوي زعم وهو ما يكدر يكوم لجن وصيته كلب ام بعد وظليت تفكيري كله يمها وروح جدي حسيت انه من كعدت الصبح حسيت بعد ما اشوفنها يا تردين روحي شلون ذابت بذاك اليوم وروح الحسين يركيه حسيت راح يصير شيء تعوذت من الشيطان وكمت ما اريدن اكسر فرحت عليوي والله مريت اعليكم انة وميمتي حجينا وي امج بذاك اليوم وخطبناج حجوت نسوان رديت للبيت لكيت عليوي فرحان ويتنطر كلامي يريد يشوف اهيلتج شكالوا اهو بناه مخطوبه انتي لجن من كلتله يردولنا خبر يا تردين حاله طار من الفرحه وانا على فرحته قمت اهوس اخونا خوش اخو ويستاهل الهوسه فرحنا انا وياه ذاك اليوم وامي ويانا وابوي لجن اخواني الكبار ما مرو ولا شافونه ولا باركوا لعليوي بس اجا رضا وتعارك زعم احنا رحنا بدون ما يدري واحنا ما ردنا نخرب فرحت عليوي سكتنا عليه والله مره اليوم يدية نمت انا وبنيتي وبالليل كعدت اعلى كحتها الشكت كلبها تكح بكل حيلها قعدت ولني اشوف الدم اعلى حلكها وانا صحت بكل حيلي اخوي عليوي الحك بنيتي ما ادري شبيها هو ما جذب خبر اجاني يركض حط بنيتي وركض بيها للمستشفى مال الولايه وانا ظليت هنا الطم وامي تصبرني ذاك اليوم جان عدها فتحه بالكلب عمت عين كلبي اه كانت فرخه صغيرونه ولازمها عمليه اوف يبعد امج شكت كلبي شك بروحتها يا تردين حالي يديه ملخت روحي ذاك اليوم رد عليوي راح البيت الشيخ لين الدكتور ما رضة يسوي العمليه الا بصمه ابوها رادو واخوان الكبار يوجفونا لجن عليوي راح البيت الشيخ بذاك اليوم دك الباب اعليهم الساعه بالاربعه الفجر والله و فتح الشيخ عارف الباب
أنت تقرأ
حب عبر الاجيال
General Fictionفي كل جيل سابق هنالك قصة حب تتعلم منها هذه الاجيال بين الحب والنهوة وبين الظلم والفصلية بين الاخوان وانتقام العمام بين قسوة الرجال ورقة الاناث بين العرب حاملي السلاح وبين الحظر حاملي السلام بين الحكم العشائري والحكم القانوني من رحم كل هذه المعاناة...
