حب عبر الاجيال

بارت 40

للكاتبة :- زينب الحربي
حساب الانستكرام للتواصل: -zienab_alharbi

………………………………

اصعب شي قد يمر به الانسان
ان ينتظر فرحة وفي ذات الوقت ينتظر ان لا تاتي
هذا ما حدث مع كريم هو جالس بانتظار فرحة عمره لكن لا يريدها ولكن مشيئة الله فوق كل شي

كريم:-

مناويتي شبيج شكو من الصبح تزوعين مو وصلنا مرحلة متقدمة من العلاج

_مدري كريم بس اشتميت ريحة البيض معدتي كلبت

دخيلك ربي هاي علامات الحمل بس لا البالي صحيح لا ياربي دخيلك لو بغير وقت جان ركصت من الفرح بس مو بهذا الوضع مناوي البسي بسرعة وتعالي وراي

_خير مالي خلك اروح للمستشفئ وعلي

مناوي بروح جدج لا تعذبيني البسي وتعالي طلعت برة واني ميت فكرة براسي دخيلك ربي مو هسة دخيلك ربي لا اعتراض ع حكمك بس مو هسة حيلي كام يرجف كلش مو زين عليها الحمل مو هسة دخيلك ربي مو هسة
حسيت ايد تخلت بايدي ايد دافية

_ادري بيك منين خايف خايف من الحمل مو لتخاف نهائيا الكدر يزرع روح بداخلي رغم جرعات الكيمياوي ورغم الادوية والعلاجات كادر يطلعني اني وهاي الروح من الموت لتخاف يروحي امر الله فوك كلشي خلي ثقتك بالله جبيرة يعمري

ان شاء الله يروحي ماكو شي ان شاء الله ماكو الا الخير اخذتها وطلعت حتئ محد يدري بينا بعدهم نايمين وبس اني وياها كاعدين الساعة بالستة الصبح حتئ وكت دوامي بعدة صعدنا وطلعنا للمستشفئ لاكيت دكتور حاتم هذا صار يعرفني ع منئ دائما اجي

_ها صباح الخير خير دكتور كريم عسما ماكو شي

مرتي شاك بيها حامل

_اي الف مبروك لتخاف احنا واصلين مرحلة متقدمة من العلاج وان شاء الله خير تعالي خوية خل ناخذ دم

رحنا اني ومنئ وياه اخذ دم وكعدنا برة ننتضرة اشرتلة بمعنئ كمل التحاليل البقية
اشوية وطلعلنا دكتور حاتم

_الف الف الف مبروك دكتور كريم يسعدني انو اخبرك بحمل زوجتك ويارب تكوم بالسلامة وكذلك الكانسر ما باقي منة الا القليل شكرا لله وللمجاهدة زوجتك حتئ بعد ما يحتاج كيمياوي فقط علاجات عادية

الله يبارك بيك باوعتلة اشو كلبي ممرتاحلة خاف السالفة جذب حضنت مناويتي وباركتلها وهي الضحكة شاكة حلكها يارب لا تروح هاي الفرحة لازمة بطنها وتضحك اخذتها وطلعنا مناويتي اصعدي بالسيارة هسة جاي ماشي

_ماشي حبيبي روح انتضرك اني وابني مدري بنتي

هههههه ماشي انتضروني عفتها ورجعت لدكتور حاتم واني حيلي يرجف حاتم بروح جدك كلي ما جذبت عليه وبولا كلمة