الكاتبة: - زينب الحربي
للتواصل انستكرام: -zienab_alharbi
...........................
دنيا مؤذية تاذي المساكين
الفقير لا يعيش
الظالم يصبح صاحب الجاه والسلطة
يعيش في نعيم
من يحصل علئ احترام الناس
مستنقع مليئ بالافاعي اللادغة
تلدغ دون علم احد
لا تراها الا حين تشعر بالم اللدغة
عالم حقير غير منصف
اناس غير اسوياء
لا يوجد انصاف ابدا
كيف ستكمل الحياة؟
العراق/الديوانية / الشامية / سلف ال عاجل
ضيغم
ضليت يم حميد اشوية تغيرت نفسيتي كمت طريت العجد رايح الغصر ابوي وصلت احذئ الباب دشيت ولكيت ابوي جاعد احذئ الشجرة هاي الشجرة سواها هو وامي وداروها ومن يوم يوم يو تصعب يكعد حذاها ليما يفج اشوية ويدش الغصر داخل مشيت من يمة سمعتة يجر حسرات ما اطاني كلبي اعوفنة وامش تدنيت يمة اهو مو شايفني خليت ايدي اعلئ اجتافة شبلاك بوية شتهيس ليش هجي شاكة كلبك الحسرة فز ووكف ركض دار اعليه وحضني وانه حضنتة وحطيت راسي بركبتة
_ضيغم عزيز كلبي تنكسر الايد الطكتك انه بعد ابوك موش كصدي لا تشيل بكلبك اعليه يبعد ابوك
اشيل اعلئ الناس كلها وموش عليك لا تفكر بوية موش انه الازعل منك الا لجن ضلت بخاطري وراحت هساعة عاب كلبي يو خليتك تفكر هجي والحسرة شاكة كلبك جا انه ابنك جوة نعالك يو هسة تذبحني ما ازعل واشيل بكلبي اعليك شنهي السالفة يبوي لا تفكر
_عزيز ابوك انت من طكيت تمنيت تنكسر ايدي كبل لا اطكنك عزيز كلبي انت رحت نمت اشواي وامك اجتني تعتب اعليه حست بيك وطلعت دورت اعليك وما لكيتك وديت نوظيم يكول موش هنا كلت يو راحت العصبية منة يرد داخل ضليت افكر يبعد ابوك كلت يو ما رد شكولن لمة شكول الكلبي عزيز ابوك انت عسئ انكسرت ايدي كبل لا امدها اعليك
لا تفكر لا تفكر فدوة الك بعد روحي انت نعالك فوك راسي يو ردت تذبحني اذبحني المهم انت مرتاح وروح الحسين ما شايل بكلبي اعليك يالة دش داخل الجو بدة يكسر وصايرة باردة هالايام لجن الشمس جوية الضهر حيل جوية العصر يكسر الجو كوم يروحي دش داخل طببتة ورحت اني للمضيف اريدن استراح لكيت زهيرة كاعدة اعلئ الحافة تبجي تدنيت احذاها وانه اكولن الجو شبلاه هجي متكدر ثاري الكمرية زعلانة شنهي الماذيج اجسرة تجسر
_هلا بعد روحي لا ما مش شي لجن انغهرت اعلئ ابوي يوم ما شافك وامي تكلي كلة منج لاشيتي اخيج وخليتي ضيغم يطكة وابوج يطك ضيغم وتعصب
أنت تقرأ
حب عبر الاجيال
General Fictionفي كل جيل سابق هنالك قصة حب تتعلم منها هذه الاجيال بين الحب والنهوة وبين الظلم والفصلية بين الاخوان وانتقام العمام بين قسوة الرجال ورقة الاناث بين العرب حاملي السلاح وبين الحظر حاملي السلام بين الحكم العشائري والحكم القانوني من رحم كل هذه المعاناة...
