الكاتبة: - زينب الحربي
حساب الانستكرام:- zienab_alharbi
……………………………
"لا شيء أشدُّ وجعًا من أن تشعر بالندم على نفسك
على أمور حدثت لم تكن تستحق حدوثها
على ثقتك العمياء بالأشخاص
على مغفرتك الدائمة لمن أساء إلى روحك
على تمسكك بمن لم يدركوا يومًا قيمتك."
………………
الديوانية /الشامية/ سلف ال عاجل
ضيغم: -
دشيت داخل الغصر لكيت ابوي كاعد يم مرتة مشيت عنهم وانه امش لاجتني زهيرة ها حبيبة اخوج
_هلا بعد رويحتي جنت ناطرتك اجي عبن انه جويعانة واريدن وحيد ياجل وياي
ما اكولن لا جيبي شعدج خل ناجل انه وياج
_فضة سوت اجل موش انه لجن ما استلذيتة جيفن وحيدي ناطرتك
هاي هي يبعد اخيج جيبي خلنا ناجل جابت الاجل وكعدنا ناجل كمت من حذاها اروحن اعلئ حميد طلعت يم حميد حميد هيوو خايب هيو حميد شبلاك شنهي الصاير
_وهرش شني شصاير شبلاك تهايط اعلئ راسي
هرش الهرشك اجيتك جيفن مشتاكلك شنهي ما نشتاك شبلاك ولك تنوعلي بطارف عينة وسد الثانية
_منهو هذا المشتاكلي خلني اشوفن تحجة لا اجسر ضلوعك
ههههه ما تمش اعليك سويلفة الا انه مشتاكلك لجن جايك بسويلفة
_جايك جايك خلنا نمش نكعد اعلئ الشط
مشينا انه وياه كعدنا اعلئ طارف الشط براس العجد مال سلف ال جبر درت وجهي اعليهم وجريت حسرة حط حميد ايده اعلئ جتفي
_جنها الحسرة شاكة كلبك شك شنهي السبب يبعد اخوك
اخوك عاشك لجن ما ادري اشوكت لو جيفن عشكتها عشكت عيونها يو شجلها يو عشكت السانها ونذرتها الصوبت دلالي انه عاشك لجن ما ادري شنهي تالي هالعشك
_خايب شو مجبوح جبح اعلئ وجهك وما ادري انه شو ما كايلي هجي شنهي منهي هاي وشنهي الصار وعشكتها
اهي بت خالي علي الجبيرة اهي دايرة بالها اعلئ امي وانه جم مرة شفتها لجن السانها اطول مني يو فجت حلكها وروح جدي يو انه رجال عود خل اسدنة
_ههههههه اجتك وانه اخوها الا تمشيك اعلئ السراط شنهي اهي تحبك يو لا
هو انه ثلث مرات شفتها وثلث مرات انتعارك انه وياها بس اخير مريرة عرفتني انه ابن عمتها وضلت هجي ترجف خافن اكولن لبوها اعلئ سوالفها بعد وين تعشكني وانه هذا شجلي
_شنهي واهي تلكة احلئ منك بيناتنة ابو فاضل. الا انت تجنن شنهي موش حلو خاطر تحجي هجي
ههههه جيفن صديجي هجي تكول الا انه موش حلو
_شنهي موش حلو شو شيخ وابن الشيخ ومهندس ورايح لبغداد شو بنات بغداد هجي يرجفن اعليك
ههههه موش اعليه الا لجن يحبن الشخصيات ما يردن وحيد مايع وموش كلهن تيدب انه ما ارضة عبن عشت 12 سنة ببغداد وموش ابن ابوي يو انكر فضلهم اعليه
أنت تقرأ
حب عبر الاجيال
General Fictionفي كل جيل سابق هنالك قصة حب تتعلم منها هذه الاجيال بين الحب والنهوة وبين الظلم والفصلية بين الاخوان وانتقام العمام بين قسوة الرجال ورقة الاناث بين العرب حاملي السلاح وبين الحظر حاملي السلام بين الحكم العشائري والحكم القانوني من رحم كل هذه المعاناة...
