الكاتبة: - زينب الحربي
للتواصل انستكرام:-zienab_alharbi
………………………………………
النـــذر ادك روحي .. نذر للجايب
ابشاره
واورجه اعله الجروح ، المالهن
جاره
جرح ينزف .. جرح باني .. اعله
بسماره
- خجل .. والمايخاف اللوم.. يرضه
ابذلته وعاره
يالمبشر .. مته المكَصوص جنحه
ايطولن اكَصاره ؟
ومتى الوكت التراده ، ايبدل
اطواره
ومتى العايش غريب ، ايأمن
ابداره ... ؟
يالمبشر .. ممحله الروح ..
غيمك .. عزّت امطاره
اوجثيره المايهزها الضيم ..
جن اكَلوبها حجارة
ولو لذة عشيج الموت .. كَلبه ..
ايموت بسراره
لجن ، شانت على المذبوح .. دمه ..
ايضيع فجّاره
دَفك عينك ، زمانك ليل ..
ليل .. ايريدله انطاره
ولا كلشي الجليته ايطيح زنجاره
ولا كلمن يموت ايضيع تذكاره
………………………………………
العراق/بغداد
_انه كريم ابن الشيخ حربي ال عاجل وي الكل جنت كريم بس وياها جنت بخيل رجفة شفايفها ودمعة عيونها صدمتها بخبر زواجي خلاني كل عمري بحزن صارلي 17 سنة متزوج بس ما نسيتها حتئ من اتزوجت كلبي ضل بيها ومتعلك بحبها حبيتها حب ما صاير ولا الله راح يخلق مثلة ابد اه يا مناوي اه شسويتي بية ليش ما انساج ليش والزاد الطين بلة موتة رجلها اجاني عليوي
_بحبحها يخوي شنو السالفة كل ما اجي كالب خلقتك شبيك انسة صار اهواي مو راح نصير جداد كافي البنية تزوجت وترملت كافي
_غير كون كلبي يمل منها عليوي وعلي متعلك بيها الف استغفر الله وخاف حرام عليه بس من مات رجلها كيفت
_ما يصير هيج تكول يخوي شنو هذا الحجي ليش هيج تحجي اتمنالها السعادة
_اتمنالها وعلي بس وياي اريدها هي سعادتي مرتبطة بيها
_كافي عمرك صار 54 وهي طبت الاربعين ترة مو اصغار انتو وينك ووين العشك
_اني اذا ما اخذها احس نفسي اعزب طول العمر بس اخخ يالضروف
_ماكو ضروف تمنعك وما رضيت تحجي ليش ما حجيتلها ولا حجيتلي واني احاجيها واكللها انت بس لو كايلي كريم بعدني اني اريد اسمع
_ما اكدر احجي وعلي خاف تكرهني لان اني اناني بهذا الشي
_اني اخوك شنو اكرهك شنو اليوم البارحة احنا سوة صارلنا فوك ال50 سنة سوة شنو اكرهك احجي واني اسمعك
_خوش تذكر بيوم التعاركن مناوي وجنان واني فاككتهن بيومها اجيت وسحلتها كلتلها شبيجج انتي شبيج شنو هاي الفلاتة اضربج هسة اطيح حظجج لو تحترمين روحج كلتلج اخذي حقج بس مو بهاي الطريقة ميت الف مرة كتلج لو لا منئ جري عدل لا انعل سلفة سلفاج وعلي
باوعت لعيونها وهي تباوعلي بتحدي لا ابد ما معلمها هيج اني منئ عيونج لا افكسهن الج ولج شنو هاي الصلافة شكتلج اني
أنت تقرأ
حب عبر الاجيال
General Fictionفي كل جيل سابق هنالك قصة حب تتعلم منها هذه الاجيال بين الحب والنهوة وبين الظلم والفصلية بين الاخوان وانتقام العمام بين قسوة الرجال ورقة الاناث بين العرب حاملي السلاح وبين الحظر حاملي السلام بين الحكم العشائري والحكم القانوني من رحم كل هذه المعاناة...
