الكاتبة:- زينب الحربي
حساب الانستكرام:-zienab_alharbi
……………………………
شلون انطاك كلبك تبتعد وتروح
جاوبني بعذر يقنعني من اسال
مات الكلب بعدك موتت فراك
وبس يسمع بجيتك ينهض ويعدل
واذا انت رحت المن اكول اهواك
وبعد ياهو الاوصفه ويامن اتغزل
لغيرك ماتوسل كلبي فد يوم
ولان هو يحبك بيك يتوسل
عرفت الزعل حجة ونيتك اوداع
واضح … والبعد كل امنياتك
يل عايفني .. اعوفك سهلة والله
اهزن بالي وانكت … ذكرياتك
لكن مهلة منك … رايد الليل
اطوي جروحي واطلع من حياتك
………………………………………
بعد مرور شهرين
في بيت الشيخ عارف
عارف:-
كعدت وانه اتسايل وي روحي شنهو يحدهن جا اهو هجي الزعل يبعدج عني طلعت كرامتج فوك مني يحدهن انه ما رايد ضرتج لجن شالتني الغيرة وسعلتج وريتني ما سعلتج خسرتج انه السموحة يحدهن السموحة يشيخة كلبي السموحة يروحي انه اتعذر امنيتي هسة احبنج من راسج واضمج لكلبي واحضننج وانهي تعب الايام بيج لجن انه عارف الزعل حجة يحدهن انتي تريدين تروحين اكولن هجي واردن اتراجع عن كلامي عبن حدهن اعرفنها تحبني لجن شنهو الشاغل بالج يحدهن ريتني اعرفنة وروح ابوي جا شلتة من بالج اوف يحدهن سمعت مناغاة ضيغم وكمتلة رحت يمة ها يبوية اتنوعلة يضحك لو شافني بعد ابوك انت ثمرتي وتالي تعبي اضحك يبوية اضحك دام ابوك عايش جنة يتفهمني يتباوعلي بتركيز اهو يتفهم شجاي احجي يبعد ابوك انت تعرف شجاي احجي حطيتة بحضيني واجتني بتي زهيرة هلا بوية تعالي شنهي شبلاج كعدت بحضني بصف اخوها
_بوية ما تحبني موش
_لا يبعد ابوج منهو يكول ما احبنج
_انت تشيل بس ضيغم وتعوفني انه ما تشيلني انت ما تحبني لا انه ولا اخواتي
_شنهي يبوية منيلج هالحجي انه احبنكم كلكم وروح ابوي وهذا خدج احبنة منهو الكال ما احبنج بعد ابوج
_امي كالت ما تحبني تحب بس ضيغم وكالت نموتة وترجع تحبنة همين
_اتنوعت الها وفكيت عيوني شنهو بوية تموتينة شتسوين وتموتينة
_ امي اطتني جويس زغير خليتة بالطاسة مال الحليب كالت يموت من يشربة
_انه ربطت كريم ابن الشيخ حربي شجان يحجي بذاك اليوم انه الج روحي هسا بوية احبنكم كلكم لا تفكرين هجي تفكير لجن اهو جيفن زغير غير اخوج تحبينة وتلاعبينة انه احبنكم كلكم انتي وخواتج وضيغم همين بس اهو زغير انتم صرتو كبار تبكن بنياتي بعد ابوج يو كالت امج هجي الدور تعاي وكليلي خوش بوية روحي هسة انه اروحن انام وصيحي امل تجي يم ضيغم
_خوش بوية خل احبنك
_تعاي حبيني بعد ابوج شعدي غيرجن اني حبيتها وراحت كمت اعلئ حيلي رحت لغرفة فردوس فردوس ولج فردوس وينج فردوس
أنت تقرأ
حب عبر الاجيال
Fiksi Umumفي كل جيل سابق هنالك قصة حب تتعلم منها هذه الاجيال بين الحب والنهوة وبين الظلم والفصلية بين الاخوان وانتقام العمام بين قسوة الرجال ورقة الاناث بين العرب حاملي السلاح وبين الحظر حاملي السلام بين الحكم العشائري والحكم القانوني من رحم كل هذه المعاناة...
