الكاتبة: - زينب الحربي
حساب الانستكرام:-zienab_alharbi
………………………………
كَوه .. كَوه اتريدني العذال ارد
للشوك واهوه
او ما دروني اضحك ضحك .. مجبود
.. جالمجبود كَوه
او مادروني .. اسحن سحن بالروح ..
واخزن هالعذاب ابسمل جلوة
خايف السان البطر ، واضحك .. جذب
.. والنار جوه
او صابر .. او روحي ابملام اللايمين
ابتلت بلوه
حارت اوياهم ، يذكروها .. المضه ..
او كَالوا : اشدعوه ..؟
واصبحت مثل اليهد .. اوحيد ..
جدام الزلم .. وبعازة اخوه
ينولي .. او خالي الظهر ، مهظوم
بدموعه ايتجوه
ذكرت روحي ابتعبها .. الضاع ..
جالهويه
ابشبج ، والراح فدوه
ونت .. او ونة توالي الليل .. للمالوم
سلوه
بارت .. او جاري البزل .. شيفيد
من يحرن ابعلوة .. ؟
او دورت صاحب كَلت : بلجي امن
المجافينه اشوه
لنه ركَطة خيط .. وبسم الثعابين ..
يتطوه
ارد اشج روحي .. ابرمح ..
حسرات ، من تذكر الخوه
وارد اصيحن : تايب .. امن
الشوك .. ما ظل عمر
يسوه
…………………………
العراق/الديوانية/عرب ال عاجل
ضيغم
جنت طالع رديت من الكيعان فتريت السلف مشتاكلة رديت وتلكتني زهيرة ها بعد اخوج اشلونج
_هلا هلا بعد روحي شنهي الجو بي كرصة برد وانت طار السلف بطرك دشداشتك موش هجي يخوي هسة اتمرض مثل ابوي
_شنهي عيدي عيدي شبي ابوي
_مت عيني مريض كوة خلص كعدات اليوم ورد من المضيف هجي يرجف رجف مت عيني
_عفتها ودشيت للحجرة اركض ركض جن كلبي بيدي عاينتلة بعد روحي متغطي اتدنيت يمة بوية بوية رفعت الغطة عنة بوية شنهي الجرالك شتهيس يبعد هروش كلبي رفع راسة
_هلا بجيتك بعد ابوك شنهي يمتة رديت بعد روحي
_هساعة اجيت شتهيس بوية شجرئ اعليك كوم اخذنك للطبيب
_لا يبعد ابوك جيفن الجو بارد اشواي مصخن هساع اكومن اسبح واروحن المضيف عرب ال بنيان عدهم طلابة لزوم احلنها
_اعرفنك راعي كلافة لجن عافيتك اهم يو ردت انه اخذ مجانك اليوم وانت ارتاح
_بعد ابوك اعرفنك ما تفشلني اليوم انه معتمد اعليك
_بعيني لجن كوم يلة اخذنك للطبيب وما مش تحجي وتكول ما بياش شي الا بيك يلا كوم كومتة وغسلت وجهة ولبستة دشداشتة اكعد هنا اجيبن السيارة واجي خوش موش تكوم تطلع وراي الجو بارد حيل خوش بوية
_روح بوية ناطرك هنا مودع بالله
_طلعت جبت السيارة خليتها بباب الغصر مالت ابوي ونزلت صحت زهراء زهراء خايبة خوية هلا وينج بعد اخوج
_ها ها خوية اجيت يا مت عيني شنهي وين رايح ابوي مابيهاش حيل يكوم
_لا يبعد ابوج هساع اصيرن زين انه ماهو طويب اليوم واخيج راح ياخذني للمضمد لا يضل بالج بعد ابوج انتي
أنت تقرأ
حب عبر الاجيال
General Fictionفي كل جيل سابق هنالك قصة حب تتعلم منها هذه الاجيال بين الحب والنهوة وبين الظلم والفصلية بين الاخوان وانتقام العمام بين قسوة الرجال ورقة الاناث بين العرب حاملي السلاح وبين الحظر حاملي السلام بين الحكم العشائري والحكم القانوني من رحم كل هذه المعاناة...
