حب عبر الاجيال

البارت ال14

الكاتبة: -زينب الحربي
حساب الانستكرام:-zienab_alharbi
…………………………………………

انت سالوفة عشگ بذن العجایز
روح بس ینفخها ربّ الحب علی اجناح الشوارع
الیشوفک یبدی عمره و یبدی ضیمه و تبدی ...
و انت اقره التوابع!
فوگ صدرك خل اجر الروح بوسة و
همسة من حدر الأصابع

………………………………………

العراق /بغداد /مقالع الطابوق

منئ آل بستان: -

_ السلام عليكم انا منى بنت الشيخ بستان ال عاجل من اقدم الشيوخ بالفرات الاوسط اني بعمري ما رحت للجنوب ولا للفرات الاوسط من صرت اني ببغداد من مواليد 1938 يعني صرت يعني اني صرت بوقت النظام الملكي بالعراق وبوجود الملك فيصل الثاني العراق بذاك الوقت كان بوقتها اكثر وقت يحس بي  العراق بالامان بعد الاستقلال من الاتحاد العثماني كانت فتره كلشي يفتخر بها العراقيين باعتبار هذا انجاز واكثر الدول العربيه ما قدروا يتخلصون من الاتحاد العثماني لكن العراقيين كدروا يستقلون بسنه 1938 الى الى 1958 انتقل العراق من النظام الملكي الئ النظام الجمهوري بقياده عبد الكريم قاسم بوقتها صارت جمهوريه العراق العظيم طبعا اهلي وعمامي جانوا عايشين بالديوانيه احد محافظات العراق العريق بس بعد موت عمي الجبير انتقلوا الى بغداد ومن دواعي السروري انو انتقلو مو لان اني اكره الديوانيه بالعكس كلش احبها بس احب بغداد اكثر والى الان بعد مرور 30 سنه يطالبون بالثار رغم اني اشوف هذا الشيء ما اله داعي لان حتى العراق من ذاك الوقت لهذا الوقت اختلف بي الحكم بس العقول بعدها مثل ما نكول ما تختلف لمن لمن صار عمره ست سنوات وكدرت ادخل مدرسه واتعلم طبعا اهلي واعمامي ما عدهم هذا الشيء لكن ابن عمي هو اللي وكف وياي ونعم الاخ والصديق والسند كريم كدر يدخلني مدرسه ويدرسني يوميا بفضله وصلت اللي انا عليه اليوم طبعا اقرب شخص لي هو كريم احبه اكثر من كلشيء بهاي الدنيا من بعد امي وابوي هو سندي جنت يوميا اكعد على صوته ونتريك سوا وانتظره الى ان يجي من الدوام واتغدة وياه  طبعا يوميا هو يجي وراي لان اني دوامي للثنتين الظهر لكن هو للاربعه فانتظر الى ان يجي ونتغدة سويه وهو كذلك ما يعرف ياكل. الا اني وياه طبعا دائما هو يساعدني وهذا الشيء خلاني اصير ضعيفة  مو بسببه لكن اني اعتمدت عليه بالدرجه الاساس من خلصت سادس اعدادي كدرت اوصل الحلمي وهو جامعه بغداد بوقتها ابوي وعمامي الكل كعد يباركلي والفرحني اكثر هو وكفت كريم كدام الكل وكال رفعتي راسي ما راح تعبي بلاش اليوم حسيت اني نجحت مو انتي  وهذا الشيء غير عن عاداتهم وطبعا من بعد اني ما دخلت مدرسه كل بناتنا كامن يدخلن مدرسه وما عندنا تفرقة بين الولد والبنيه فقط بالتخصصات يلا هذا الشيء مو مشكله المهم انتهت فتره الهمجيه اللي يمنعون  بناتهم من الدراسه طبعا هذا الشيء انتهى بس بغداد لان محافظات الجنوب والفرات الاوسط الى الان ممنوع الدراسه واكثر اقاربنا ما يدرسن فتره العطله من السادس اعدادي ظليت اجهز حتى اداوم كليه عاد اخوي محمد اقترح علينا ان هو يتزوج وكل احنا فرحناله بالاخص اني اول اخ الي يتزوج عاد تزوج بنت عمتي جنان جنت اتصورها اخت وصديقه الي لكن خاب ظني لان جانت اكثر من عدوه الي ودائما جانت تجاوز وتضربني لكن كريم هو اللي يوكف بوجهه وجنت سانده ظهري بي وما احاجيها احترام لمحمد واحترام الابوي يحبها يحبها  تبقى بنت اخته ودائما جنت اسكتلها لان اعرف راح يجي كريم ويطيح حظها لكن طفح الكيل من اتهمتني بشرفي وويامن وي صديق طفولتي اللي هو علاوي واللي يقهر اكثر اخوي وكف بصفها وضربني اكثر من مره لكن ما ردت السالفه تكبر ما وصلتها لكريم لان ادري يطيح حظهم ومره من المرات كنت واقفه جاي اسوي اكل العلاوي وكريم وهي اجتني وكالت