الكاتبة: - زينب الحربي
حساب الانستكرام: - zienab_alharbi
……………………………………
ساكت مثل اليرسمون
موقف هيج خلاني
شفتك يمة واحد غازل الثاني
مادري ضحكت انَـَت ضحك هوة.،!
ال اذكرة بجيت أني
العراق/ بغداد / معامل الطابوق
كريم: -
علاوي رجعنا وراحت الغرفتها اجيت وكفت من. يم الباب اشوفها بس تهتز وتبجي ردت ادخل بس قويت كلبي ورحت عنها لاكيت هدوة اكلج عيني
_ها يبعد رويحتي. كول يبعد اهلي
هدوة منئ عفتها تبجي وزحمة ادخللها خاف عدها شي روحي انتي الها شوفيها شبيها
_يا مت عيني شبلاها هساعة رايحتلها.
مشت هدوة وانه تمددت وضليت افرك براسي اشوية واجاني ابني حسوني يركض
_بابا بابا عمة منئ مدري شبيها تعال شوفها تعال ركض
شنو شنو بابا شبيها اجيت اجيت ركضت وياه رحت لغرفة منئ. لكيت هدوة بالباب خيرج شصار
_مت عيني مدري شبلاها طردتني وسدت البويب وجاي تكسر غريضاتها
هاي هي عيني هاي هي لا تضوجين هسة اني ادك عليها الباب تقدمت يم الباب ودكيتة بهدوء منئ افتحي الباب بطلي ولدنة سمعتها تبجي وتملخ بروحها منئ افتحي الباب يا عيني خل نحجي منئ. التريدي يصير بس لتسوين هاي السالفة منئ كلت افتحي الباب بس مصرة متفتحة اسمعها بس تكسر وتبجي وتون تقدمت هدوة دكت الباب
_مناوي يحبيبتي فجي البويب انه وياج نحجي ويو عدج حك نردة شبلاج يبعد رويحتي وهجي صار وياج دفجي الباب وانه اشوفن شبلاج دفتحي يمنئ
بس ما فتحتة ولا حجت ويانة اجت العائلة كلها ورادو بس تفتح الباب ماكو لحد ما اجة ابوها ودك الباب
_مناوي باباتي انه ابوج يبعد عمر ابوج اطلعي ذبي حملج كلة علية فجي الباب خلنا نحجي. يالة بعد ابوج انه زلمة جبير لا تاذيني وانه ما عندي غيرج بنيتي الزغيرة انتي فجي الباب وخلنة نحجي بعد ابوج
باوعت فتحت الباب وشمرت روحها بحضن ابوها وسكتت هو حضنها
_ارتاحي بعد ابوج اني شعندي غير راحتج اذا تريدين حتئ اني اضربيني المهم ترتاحين بس لا تكسرين ضهري بعد ابوج
ما حجت ولا كلمة بس ضلت بحضنة ساعتين لحد منامت بحضنة حاجاني
_تعال بوية كريم حطها بفراشها لا تكعدها وانة ما بياش حيل اشيلنها موش حيلي الاولي
التفتت علئ هدوة اشرتلي براسها تقدمت عليها اخذتها من حضن عمي شلتها وحطيتها بحضني ومشت بيها لفت ايدها علئ ضهري وراسها علئ صدري تنفست براحة بس حاس بتانيب الضمير كلش خليتها بفراشها وبعدت شعرها عن وجهة وغطيتها وطلعت ادنيت يم هدوة هدوة بروح الحسين اذا متصير زحمة عليج نضفي غرفتها شوفي شمسوية المسودنة كالبتها كلب
أنت تقرأ
حب عبر الاجيال
General Fictionفي كل جيل سابق هنالك قصة حب تتعلم منها هذه الاجيال بين الحب والنهوة وبين الظلم والفصلية بين الاخوان وانتقام العمام بين قسوة الرجال ورقة الاناث بين العرب حاملي السلاح وبين الحظر حاملي السلام بين الحكم العشائري والحكم القانوني من رحم كل هذه المعاناة...
