မိုးများသည်းထန်စွာ ရွာသွန်းနေသည်... လျှပ်စီးများကလဲကောင်းကင်ပြင်၌ လက်နေသည်။မီးများကပါ ပျက်နေသောကြောင့် ပြင်ပမှလျှပ်စီး၏အလင်းကို အခန်းအတွင်းမှကောင်းစွာမြင်နေရသည်။
သည်းနေသောမိုးသံနှင့်အတူ တဖျက်ဖျက်လက်နေသည့် လျှပ်စီးအလင်းတို့ကြား ဒီညကိုဘယ်လိုများအိပ်ရမှာပါလိမ့်......
စိတ်ထဲမှာတော့ အနားမှာလာအိပ်ပေးမဲ့သူကို
မျှော်လင့်မိပါသည်။ဘယ်သူ့ကိုခေါ်ရမည်နည်း
ညအိပ်ချိန်မို့ တအိမ်သားလုံးလဲအိပ်ကြပြီ၊ဘယ်သူ့ကိုခေါ်လို့ခေါ်ရမှန်းမသိ မီးကပျက်နေတော့
အောက်ထပ်ဆင်းဖို့လဲမရဲနဲ့ ကြောက်ကြောက်နှင့် စောင်ကိုသာခေါင်းမြီးခြုံထားရသည်။
လူတစ်ကိုယ်လုံးလဲချွေးတွေကရွှဲနေပြီး
ခြေတွေရောလက်တွေရောမှာအေးစက်နေသည်။
ထိုအချိန်...
"သမီး....သမီးလေး..ဒါဒါ..” .....
ထိုအသံ...ထိုအသံကိုကြားလိုက်သည်နှင့် အလွန်အားတက်သွားသည်။
စောင့်မျှော်နေသော အားကိုးရာမို့ ခပ်မြန်မြန်ပင်စောင်ခြုံထဲမှထွက်၍ပြေးဖက်လိုက်မိတော့၏။
"အန်တီကလျာရယ်...သမီးလေကြောက်လို့သေတော့မှာပဲ....အန်တီသာမလာရင်သမီး...ဒီညကိုဘယ်လိုအိပ်ရမလဲတောင်မသိတော့ဘူး”....
သူမ၏ရင်ခွင်ထဲပြေးဝင်လာသည့်ဒါဒါ့ကိုအန်တီကပြန်လည်ပွေ့ဖက်ထားရင်း
"ကြည့်ပါဦး ချွေးတွေလဲရွှဲလို့ ကဲလာလာ နက်ဖြန်ကျောင်းလဲသွားရမှာ အိပ်တော့နော် လာလာအန်တီသိပ်မယ်”.....ဟုအန်တီကချော့ရင်း
အိပ်ယာပေါ်ပြန်လည်လှဲစေပြီး စောင်ကိုသေချာခြုံပေးကာ ခေါင်းကိုပွတ်သပ်ရင်း
"စိတ်ချလက်ချအိပ်နော်သမီးလေး...သမီးလေးအိပ်ပျော်မှအန်တီအောက်ပြန်ဆင်းမယ်သိလား....အိမ်မက်လှလှမက်ပါစေသမီးရယ်”....လို့ပြောရင်းဒါဒါ့ကိုခလေးသဖွယ်ချော့သိပ်သောကြောင့်
ထိုညကိုဒါဒါကောင်းမွန်စွာအိပ်စက်နိုင်ခဲ့ပါသည်။မိုးမင်းကြီးနှင့်လျှပ်စီးတို့ကိုများစွာကျေးဇူးတင်လိုက်၏။....
လိုအပ်ချက်များစွာဖြင့်
YOU ARE READING
ပန်းတစ်ပွင့်ဒိုင်ယာရီ
Romance"ဒါဒါကလေ ဘယ်တော့မှပန်းမဖြစ်ချင်ဘူး ငြိုးနွမ်းခြောက်သွေ့သွားမှာဆိုးလို့သိလား".....အေးနန္ဒာ "ပန်းလေးရဲ့အလှဟာ ငြိုးနွမ်းဦး၊ခြောက်သွေ့ဦး၊အလှပျက်ပြယ်ဦးတော့ တန်ဖိုးထားတက်တဲ့သူအတွက်ဆိုရင်တော့ ပွင့်သစ်စအဖူးအငုံလေးအဖြစ်အမြဲရှိနေမှာပါ သမီးရယ်"...
